EFESIYA 1:10 - Bible Zulgo

¹⁰ Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 1:10 ပူးပေါင်းရင်းမြစ်များ

Mata 25:32

Gà mburma ana ika gər ahəɗ tserdze ya, ti yehebere a gər aka miɗ gà ya. Dite i ndzeke a iba mburma ya, kamala mala makəva gà dukw ana a ndzakawa ikaba gà təmaŋ nda gà awak a.

Markus 1:15

«Pat ana Mbulum a tike məpàslà ahər a ka, aka sle kuɗa. Aɗaba mekwere ŋgar ana a kwere a ya ka, aka à mendzera. Mbəɗum à madzala gà gər kurum a təv ŋgar, dite kə̀ gəsum bazlam ŋgwal ŋa aaha a gəzləŋ kurum ədəts lele.»

1 Kurintiya 10:11

Mbulum a geye gà dukw ata tserdze ya ka, aà mibe à ɗaf a mburma, dite na ta ge metsehe ya. Ta wetse a wakita ka, aà mibe a kwa dər à ɗaf, a kwa ana kinehe kàa ndzekwa a təv mandəvandəv gər ahəɗ ana à ndìv a ya mbaŋa.

1 Kurintiya 11:3

Ama a sèsiŋ ka, ki sirwim a mbaŋa, Yesuw Kiristi ka, ika gər gà asləka gà mburma tserdze. Asləka ibam, ika gər məkəs. Dite Mbulum ka, ŋgat ika gər Yesuw Kiristi mbaŋa.

GALATIYA 4:4

Ama i təv ana məpàslà ahər Mbulum a ndze aɗəm a ka, a slərra Kəla ŋgar a. Məkəs duwa na a wa ŋgat a. A zazam məpàslà ahər gà Yahuda mbaŋa,

EFESIYA 1:22

Mbulum a dza gà dukw tserdze aà huɗ sik ŋgar. A zla ŋgat, a tike ŋgat a Əbay gà dukw ata tserdze ya, a gwaɗar: «Kər kinehe ka, kàa ne Əbay gà mburma gà kuɗa.»

EFESIYA 2:15

Aka mbete à məpala ahəm gà Yahuda ana piŋŋe ta gwaɗawa ka: «Ge naha,« kige tsa «ge naaka» ya. I dəba ŋa ŋa ya, a gaw akaba tar nda gà mburma ana gà Yahuda tsiye, fit a təv ilik ŋa. A gaw akaba tar ata ka, tar ka, gwala sula asa tsa. A ne à tar ba awiya ŋa, gwala ilik pəra, aɗaba ana tar mandza ŋa i təv ilik na nda gà ŋgat a. Kərga taŋa ya, a zla a tarra mendze lele aka magər a.

EFESIYA 3:15

Gà mburma ŋgar ana i gər ŋa ya, nda gà na ika gər ahəɗ a ka, tar riŋ mandza ŋa i bəra tsir tar, kamala gà ɓəza ana ti ndze a nda gà tsir tar a. Aɗaba ŋgat na a ne Tsir kwa ana ndzer a.

EFESIYA 3:2

Wànà kàa tsarakum maɗə̀và zləm megemir ana Mbulum a viliŋ ahər aɗaba kurum a tsiye? Kà sərum ŋgwal ŋa ŋgar ata a viliŋ ahər a.

KULUSIYA 1:16

Aɗaba Mbulum a ge dukw tserdze ka, nda ahər ŋgar: Gà dukw ana i gər ŋa ya, nda gà dukw ana ika gər ahəɗ a mbaŋa. A ge ka, gà dukw ana a ŋgeter a ba nda are ya ɗekɗek tsa. Ama a ge ka, gà dukw ana a ŋgatar ba tsiye mbaŋa. Kamala megweɗe ya ka, gà dukw ana gà ndzəɗa tar riŋ hinne i gər ŋa ya, gà gawla Mbulum, nda gà Əbay tar ŋana tserdze. Gà dukw ata Mbulum a geye tar tserdze ya ka, nda ahər Kiristi, Kəla ŋgar, dite a dza tar a ahər ka, a Kəla ŋgar ata mbaŋa asa.

KULUSIYA 1:20

A sàs a Mbulum mbaŋa ka, Kəla ŋgar ma sər ba à gà dukw tserdze nda ŋgat, gà dukw ana ika gər ahəɗ a, nda gà na i mbulum i gər ŋa ya mbaŋa. Kamala taŋa ya, a waya ka, gà dukw ata ti ner are asa tsa, tə ndza ika miɗ ŋgar zayzay lele ivaɗ. A ge dər kataya ka, agəra məməta Kəla ŋgar ana a dza à məmbəz ŋgar aà dizl magə̀làwà ŋa ya.

KULUSIYA 3:11

Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.

IBƏRANIKWA 1:2

A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

IBƏRANIKWA 11:40

Aɗaba Mbulum a gwa ka, a ta vile a kwe a dukw ana ŋgwal ŋa, à zè a taŋa ya. A waya na a vile a ter ihər a dukw ata ŋgwal ŋa ya, à gər tar a tsa, say a təv ilik ŋa nda gà kwa tserdze.

IBƏRANIKWA 9:10

Aɗaba mege gà dukw ata ka, məpala ahəm aka gər gà dukw mezime nda gà dukw mese, kige tsa aka matsakasla gà duwa ɗekɗek pəra. Ama taŋa ka, dukw gà mburma ta ge a ika gər ahəɗ a ɗekɗek, tsəka, aka ndza hinne tsa. A ndza ka, haa a pat ana Mbulum a mbəɗ à gà dukw ata tserdze ya ɗekɗek pəra.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

Sunwa Yuhana 5:9

Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.