EFESIYA 1:1 - Bible Zulgo

¹ Iye Pul, wele ana Mbulum a zla kamala mala meslire Yesuw Kiristi ya. I wetseha wakita aaha ka, a kurum gà mburma Mbulum ana i Efesiya ya. I wetseha ka, a kurum ana kàa gəsum Yesuw Kiristi nda gəzləŋ lele, dite ka, kurum riŋ mandza ŋa i təv ilik ŋa nda gà ŋgat asa ya.

EFESIYA 1:1 ပူးပေါင်းရင်းမြစ်များ

Luka 16:10

Taŋa, wur ana a ge a megemir gà ɓəza gà dukw ana kwizikw kwizikw a, ndaka vatwa ŋa ka, a ge a gà bàba ŋana tekeɗe, ndaka vatwa ŋa mbaŋa. Ama wur ana a ge a mege megemir gà ɓəza gà duwa nda mehimbire iɗəm a ka, a ge a gà bàba ŋana tekeɗe, kataya mbaŋa asa.

Gà Ɓəzla Meslire 16:15

Dite i dəba ŋa ya, ti tsilwiɓ à tar a yam nda gà asiŋ gà mburma ana i ma ŋgar a tserdze. Ama a zal a mər aà mada a ma ŋgar, a gwaɗa a mər: «Na kàa dzalum i gər kurum, iye ka, Yàa gəs Yesuw BATSAH kwa ŋa nda ndzer ka, dumara, tàkwa a ma gà.» I dəba ŋa ya, a ge a mər kamkam hinne, dite mì da a ma ŋgar.

Gà Ɓəzla Meslire 18:19

Aləka ti ndze a kwite Efesiya ka, Pul a miyak à gà Akila nda daala ŋgar Piriskila a fata. Ŋgat ŋa a da a ga mahàmà a Mbulum gà Yahuda ana i fataya, a daha, tə dza akaba mifefile nda gà Yahuda riŋ i ga ata.

Gà Ɓəzla Meslire 18:21

A miyak à tar a fata. Aləka i təv ana à meh a ba ya ka, a gwaɗa a tar: «I mère a a təv kurum a mba, na Mbulum aka waya ya.» A mah ba, a da i kwite ata ya nda slə̀làh yam.

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

1 Kurintiya 4:12

Mì gewa megemir bàlaarì nda ahər mər ŋa, na dite mìi mete a à may tsiye. Na bəla mburma tàa vəl a mər mezelme ka, mìi heme a a Mbulum, dite a pise a ter a ahəm a ivaɗ. Na bəla tàa vəl a mər mesewere are ka, mì gəsawa gəzləŋ pəra, mì màwa a tar dər aɗəm tsa.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

GALATIYA 3:28

Na bəla kər gà Yahuda, kige tsa bəla kər gà Yahuda tsəka, à lèh a duwa asa tsa. Kige tsa na bəla kər ka, ɓele, nda gà bəla kər ihər ki ziwe a gər yak tekeɗe ka, pampam tsa. Nda gà bəla kər asləka ŋa, kige tsa asa, kər məkəs ŋa ka, pampam tsa mbaŋa. Kamala taŋa ya, kurum tserdze kà nwim ka, ba ilik, aɗaba ana kàa gawum ba nda gà Yesuw Kiristi ya.

GALATIYA 3:9

Dite i dəba bazlam ata ya ka, Abəraham a gəs Mbulum nda gəzləŋ ŋgar, a piser ahəm. Ama gà asiŋ gà mìsle ŋgiɗ ana tàa gəs ŋgat nda gəzləŋ tar kamala Abəraham a tekeɗe, Mbulum a pise a ter a ahəm mbaŋa.

EFESIYA 1:15

Iye riŋ i ge a kəkaaha a Mbulum aɗaba kurum, agəra gà dukw ata tserdze ya. Yàa tsaraka meme na kurum riŋ ki dwim a à magəsa Yesuw BATSAH kwa ŋa aka miɗ aka miɗ a. Yàa tsaraka mbaŋa asa, meme na kà wayum gà mburma Mbulum a.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 2:13

Akahər ata kurum ka, diriŋ nda Mbulum. Ama kinehe ka, kurum mandza ŋa i təv ilik ŋa nda gà Yesuw Kiristi. Kurum ka, diriŋ nda Mbulum asa tsa, aɗaba ana Yesuw Kiristi a dza à məmbəz ŋgar ka, agəra kurum a.

EFESIYA 2:6

A mbəl akabara à kwa i məməta ya ka, nda gà Yesuw Kiristi ya, aɗaba ana kwa mandza ŋa i təv ilik ŋa nda gà ŋgat a. A dza kwa i gər ŋa, nda gà Yesuw Kiristi, dite mekwere kwa ma ge ilik nda gà ŋgat tserdze.

EFESIYA 6:21

A sèsiŋ ka, sərum dər, meme na mendze gà ya, nda mege megemir ana i ge a fit a mbaŋa asa. Taŋa Tikikus, damər kwa ana a riŋ a ge megemir BATSAH kwa ŋa lele ya, dite i waya hinne ya, a ta me a kurum a dər.

KULUSIYA 1:2

Mì wetseha ka, a kurum gà mburma Mbulum ana i Kulusiya ya, a kurum ana kà nwim gà damər mər, kurum riŋ mandza ŋa i təv ilik ŋa nda gà Yesuw Kiristi, ki zezemwim a ŋgat nda gəzləŋ ilik a. Mì heme a a Mbulum Tsir kwa, dite ma ge a kurum ŋgwal ŋa, mə vəl a kurum matasla yam a gəzləŋ zayya lele.

Sunwa Yuhana 17:14

Ti ta ge a gùvəl aà wele ana a ndzikiɗ ba Kəla Təmaŋ a. Ama ŋgat ka, a ti zè a tar nda ndzəɗa, à mbè aà teriŋa. Aɗaba ŋgat ka, batsah ŋa ika gər gà bàba ŋana, dite ika gər gà Əbay ŋa ana ta kwere a ya mbaŋa asa. Gà mburma ŋgar ti zezem a ŋgat ka, nda gəzləŋ ilik. A zal a tar, dite a pala tar ka, aà ti zezem a ŋgat. Kamala taŋa ya, tar tekeɗe, ti ta mbè aà ter a mbaŋa.»

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.

Sunwa Yuhana 2:13

I sər təv ana kurum mandza ŋa iɗəm a. Təv ata ka, i mekwere Əbay sitene ana a kwere a ya. Ama kəla ka, kàa miyakum à iye tsa, kàa dum aka miɗ nda megìse kurum ana kə̀ gəsum iye nda gəzləŋ kurum a, ku mege i təv ana ta kəɗ aà kurum Antipas, wele ana mburma gà ndzer, a ɗif à zləm gà tekeɗe ya. Ta kəɗ ŋgat ka, ika magər kurum a, i təv ana Əbay sitene mandza ŋa iɗəm a.