2 TIMUTE 4:8 - Bible Zulgo

⁸ Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

2 TIMUTE 4:8 ပူးပေါင်းရင်းမြစ်များ

Mata 24:36

Aləka Yesuw a gwaɗa a tar i dəba ŋa ya asa: «Ama wura a sər pat ŋa, nda ler ŋa ana gà dukw ata ti ndzere a ya tsidze. Ku mege gà gawla Mbulum tekeɗe, tə sər tsa. Ku mege iye ana Kəla ŋgar a tekeɗe, i sər ɓav tsa asa. Say Mbulum Tsir gà à gər ŋgar ilik na a sər a.

Mata 7:22

A pat seriye mba ka, gà mìsle ŋgiɗ hinne ta gweɗiŋ a:

Luka 10:12

Iye ihər i gweɗe a kurum a nda ndzer, pàrsa iɗəm tsa: Gà na tàa gəs bazlam kurum ata tsiye ka, mesewere are ana Mbulum a ta vile a ter a a pat seriye ya ka, biy gà Suduma duwa i təv a tsa.»

RUMA 2:5

Ama kurum ka, segeme i gər kurum hinne, a sàs a kurum məmbə̀ɗà à madzala gà gər kurum a təv Mbulum tsa. Kamala taŋa ya, kurum ihər ki sìkèhwim a ka, à ndzəɗa a seriye Mbulum ana à gis a dər kurum a. A pat seriye ata ka, Mbulum a pèt a à matsəɓatsəɓ ŋgar ndərzayya aka miɗ mburma tserdze. Dite à ses a ter a ikaba seriye ya ka, ndaka vatwa ŋa kalkal lele.

RUMA 8:23

Ama ka, zləma gà dukw ata ɗekɗek tsa, na ti sèwèr a are ya. Kwa ana Mbulum a lah mivile a kwa Mezite Mesife ŋgar a tekeɗe, kwa ihər ki bèsekwe a i gəzləŋ kwa mbaŋa. Kà wayakwa pat ŋa ma ndzera ka, bise na Mbulum a ti ne a à kwa gà ɓəza ŋgar nda ndzer a, kamala megweɗe ya ka, à mbìrwìɗere a ba kwa i mesewere are ya fit kuɗa.

1 Kurintiya 2:9

Dukw ata Mbulum a ge ya ka, kamala ana mewetse ŋa a riŋ i wakita ŋgar a kaɗəŋ. A gwa ka: «Dukw ana are mburma aka ŋgatar ilik tsiye, ndəna zləm tar aka tsaraka ilik tsiye mbaŋa, ku mege tàa zlaŋa aaka gà gər tsa tekeɗe, taŋa ka, dukw ana Mbulum a yaha agəra gà na ta waya ŋgat a.»*fa*

1 Kurintiya 3:13

Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.

1 Kurintiya 9:25

Wur ana a sasar a vel a sah lele ya ka, a tike a ndzəɗa aka ba ŋgar, kilɓesl kilɓesl à tètìɗ a à mile ŋgar dzekwiŋ, na dite à zè a dər gà biy ŋgiɗ aaha, a ŋget a dukw maya ba ŋgar a. Dukw maya ba ŋgar ata kəla ka, kwiɗèy à ndìviŋa, a ndze a hinne tsa. Ama kwa kinehe ka, tàtə̀ɗakwa à mile ika vatwa Mbulum, na dite ki ŋgetekewe a dukw maya ba ana a ndze a aà biybiy a.

2 Kurintiya 5:2

Kinehe kwa mandza ŋa ɗa ika gər ahəɗ ka, kwa ihər ki ŋgìrìzèkwe akabiŋa, aɗaba kà wayakwa hinne, na Mbulum a ta vile a kwe a ba awiya ŋa ata i gər ŋa i mbulum a ya.

FILIPIYA 3:11

Na Yàa ge kataya ka, ku mege meme, iye tekeɗe ka, i ta mbilere a i məməta ya, kamala ŋgat a mbaŋa asa.

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

1 TESALUNIKE 5:4

Ama kurum kinehe ka, kamala gà mburma ana i luvuŋ a asa tsa. Aɗaba taŋa, a pat ata ka, ma ti le aà kurum kamala mala akəl ana a de a a bəra mburma ya tsa.

2 TESALUNIKE 2:8

dite ka, mala mene are a Mbulum ata à pèt a aba kuɗa. Ama i təv ana Yesuw BATSAH kwa ŋa à mère a nda ndzəɗa ŋgar ana ika gər gà duwa tserdze ya ka, a dzeye a iɗəm à ŋgat a nda ndzəɗa mesife ŋgar ana a vizl aakara tìrr i bazlam ŋgar a kamala himbiɗ a ya.

1 TIMUTE 6:19

Na tàa gewa kataya ka, ta kèhe a aba duwa ya ka, a təv ŋgwal ŋana lele, a nis a tsa, aləka ti ta ŋgeye a dər ba aka miɗ mba ya, na dite ka, ta ŋget a mesife ndzer ŋa ana i təv Mbulum a.

2 TIMUTE 1:10

Ama kinehe ka, aka pàt aba kuɗa, aɗaba ana Yesuw Kiristi, mala məmbàlà à kwa ata a dara aka gər ahəɗ a ya. A dara ka, a zla aà kwa ndzəɗa məməta ya, na dite məməta a ge a kwa a duwa asa tsa, a ɗif a kwe a à mesife ana à ndìv a tsiye ndərzayya lele kuɗa ya. Gà dukw ata tserdze ya ka, ŋgwal bazlam na a ɗif dər a.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

2 TIMUTE 2:5

Wele ana a tètìɗ a à mile ŋgar, a vel a sah lele, a sasar a ndze a a təv ana a ndisl aɗəm a ya tekeɗe ka, aka gwa, i lèh a aka miɗ mburma ka, say na bəla a vel a ka, ndaka vatwa ŋa lele ya dzekwiŋ, na dite ta viler a dukw maya ba ŋgar a.

2 TIMUTE 4:1

Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

IBƏRANIKWA 12:11

I təv ana ti tsikewa a kwa ya ka, ki ndzekwe a mbə̀rə̀ts mbə̀rə̀ts, gəzləŋ kwa a wiriŋa, maŋgayaba kwa a riŋ tsa. Ama i dəba ŋa ya aləka ka, ki gìsekwe a metsehe ata ti tsik a kwe a ya ka, ŋgwal ŋa lele kaɗəŋ ndzer, pàrsa iɗəm tsa. Kamala taŋa ya, ki gekwe a ka, dukw ana ŋgwal ŋa ya kuɗa. Ki ndzekwe a zayzay lele nda gà asiŋ gà mburma ŋgiɗ mbaŋa.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

1 PIYER 1:4

Kwa ka, kà sərakwa, ki ta ŋgetekewe a gà dukw gà ŋgwal ŋa ana Mbulum a ta vile a kwe a, a kwa gà mburma ŋgar a. Gà dukw ata ka, makàhà ŋa a riŋ i mbulum. A ndze a ka, aà biybiy. A gwenek a tsa, aruwaŋ a ge ahər a tsa, dite à nikiɗ a tsa asa mbaŋa.

1 PIYER 5:4

Na kàa gwim dər kataya ka, a pat ana Yesuw Kiristi Əbay gà ɓəzla makəva gà təmaŋ a dere a ya ka, a vile a kurum a dukw maya ba kurum ana a zè a gà dukw tserdze, a ndze a aà biybiy a.

Sunwa Yuhana 1:7

Gwim metsehe, a dere a ka, nda hulɓukw a.*fb* Ku weke a ŋgeteriŋa, ku mege gà na ta geyer suwal a tekeɗe ya. Gà slàla pampam ika gər ahəɗ tserdze, ti tiweye aaba a aɗaba ŋgat. A ta ge a ba ka, kamala taŋa ya kaɗəŋ ndzer. Amin.

Sunwa Yuhana 19:11

I dəba ŋa ya ka, i ŋgataha a gəza mbulum mahə̀ndə̀kà ŋa iɗəm a tùwaŋŋà. Dite piris herrè ŋa a riŋ mehìtsè ŋa iɗəm i fata dzèŋŋe. Wele duwa a riŋ mandza ŋa ikəka tùŋŋa, tə zalar «Mala ndzer ŋa, wele ana a gewa duwa ka, ndaka vatwa ŋa ya. » A ge a seriye a mburma, à gis a ka, ndaka vatwa ŋa mbaŋa.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.

Sunwa Yuhana 22:20

Ama iye, wele ana i ɗif à gà dukw aaha ndzer, pàrsa iɗəm tsiye, iye riŋ ihər i gweɗe a kurum a ka: «Iye riŋ aà vatwa, i dere a ka, bise.» Kwa gà mburma Mbulum tserdze ka, gwaɗakwar: «Haya, dara, Yesuw Batsah mər ŋa.»

Sunwa Yuhana 4:10

I təv ana tar riŋ ta ge a kamala taŋa ya ka, gà bàba gà mburma dzik səla gəra faɗ ŋa ata, tə dza gurmits a bəɗ aka miɗ Mbulum, wele ana mandza ŋa ika təv mendze Əbay ata ya, dite ŋgat wele ana a ndze a aà biybiy a asa mbaŋa. Tì zèmbeɗe a à ŋgat. Tì dzik a dər gà felère Əbay tar ata i gər a, tì dze a dər a bəɗ, aka miɗ ŋgar, ta gwaɗawar:

Sunwa Yuhana 4:4

Gà təv mendze Əbay ŋgiɗ pampam dzik səla gəra faɗ, dìndìhtìhhe na ti le a təv mendze ata ya. I fata ka, gà bàba gà mburma a riŋ dzik səla gəra faɗ mbaŋa, tar gà mandzàyà ŋa ikəka. Gà petek ana ika tar a ka, tə ndza herrè. Dite gà felère tar riŋ i gà gər tar məvàɗà ŋa nda gura, kamala felère Əbay ana a ndze a dər a.