2 TIMUTE 4:7 - Bible Zulgo

⁷ Iye ka, Yàa ge megemir Yesuw Kiristi nda gəzləŋ ilik, kamala gà wele ana tì dzìr a ba aà mivele, ta mir aaba a sàh lele ya. Yàa ndəv à dukw ana Mbulum a gweɗiŋ, ge ya, kamala gà wele ata ta vel a a təv ana ti ndisl aɗəm a ya. Yàa gəs Yesuw Kiristi nda gəzləŋ ilik. Yàa məsak dər tsa.

2 TIMUTE 4:7 ပူးပေါင်းရင်းမြစ်များ

Luka 11:28

Ama Yesuw a gwaɗar aaka: «Seyiŋ tsa ivaɗ, maŋgayaba ka, ika gər gà mburma ana ti tsereke a bazlam Mbulum, ta gis ahər a ahəm lele ya.»

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Yuhana 17:6

Yàa ɗif à kər a gà mburma ana kà pala tar ika gər ahəɗ a, kà dziŋ tar ahər a. Tar ka, gà mburma ana ti ne gà biy yak, dite kà dziŋ tar a mbaŋa. Tàa dza gurmits a bəɗ a bazlam yak, tàa gəs aà kər ahəm.

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Gà Ɓəzla Meslire 13:25

I təv ana mendze ŋgar ana ika gər ahəɗ aka à mendìve ya ka, a gwaɗa a tar:

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

GALATIYA 2:2

I mbəɗ gər a fata ka, aɗaba Mbulum a gweɗiŋ, ge kataya. I ndzeha a fata ka, mì yahaba gər nda gà bàba ŋa ana ika magər gà mburma Mbulum a, kətsah a zlawak zaakwa. I ɗif a tar à bazlam ŋgwal ŋa na i tsikewa a gà na tə sər Mbulum tsiye ya. Aɗaba i waya megemir gà ana i gewa piŋŋe ya, tsikw aà na i da dər a təv tar tekeɗe ka, ma ne taf masakəŋa tsa.

FILIPIYA 1:30

Kurum ka, kàa ŋgatum a məmərà aba gà ana ika vatwa Mbulum akahər ata ya. Ama kinehe tekeɗe ka, kurum riŋ ihər ki tserekwimiŋa, meme na i ge a gùvəl ata hiywe mba ya. Dite kurum tekeɗe, kàa patsum aɗəm, kurum riŋ ihər wìskikiɗkiɗ ki gwim a gùvəl ata mbaŋa.

1 TIMUTE 1:18

Kər kinehe ka, kamala kəla gà ya, Timute. Yàa miyak aba à bazlam aaha a ahər yak a, kamala ana gà ɓəzla məma à guma Mbulum ti tsik piŋŋe ndakahər yak a. Dzala aka bazlam tar ata lele, ma ne dukw ahər yak. Dite megemir yak ma da aka miɗ aka miɗ nda ŋgwal ŋa.

1 TIMUTE 6:12

Ne mala aka miɗ i təv magəsa gəzləŋ ana ika vatwa Mbulum a, kamala gà wele ana tì dzìr a ba aà mivele, ta mir aaba a sah lele ya. Gəs vatwa mesife ana à ndìv a tsa aà biybiy a nda gəzləŋ yak, dite ma ne biy yak. Aɗaba Mbulum a zalak ka, aà mesife ata akahər ata kà tsik ika miɗ mburma hinne, meme na kə̀ gəs bazlam Yesuw Kiristi nda ndzer a gəzləŋ yak a ya.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 1:14

Kasla ŋgwal dukw ata Mbulum a vəlak a ahər a lele. Aɗaba Mezite Mesife Mbulum ana mandza ŋa i gəzləŋ kwa ya, na a vilek ahər a ndzəɗa ya.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.

Sunwa Yuhana 3:8

I sər megemir kurum ana kurum ihər ki gwim a ya. Dite i sər asa ka, ndzəɗa kurum ka, hinne tsa, kwizikw pəra. Ama ku mege kataya tekeɗe, kàa giswim aà iye ahəm agəra dukw ana i tsik a kurum a. Kàa miyakum à iye tsidze. Araha, iye ka, Yàa hə̀ndə̀k a kurum i biye hərmaga ya. Wura ilik a sle a aà mahə̀ndə̀kà ŋa aɗəm asa tsa.

Sunwa Yuhana 6:11

I fataya ka, tə dzaya aka tar gà petek herrè ŋa tserdze, ku mege weke. Dite ta gwaɗa a tar: «Vavum zaakwa tə̀ma asa. Aɗaba say ta batsaya gà asiŋ gà damər kurum ana ta ge a megemir a Mbulum a asa dzekwiŋ, kamala ana ta batsaya kurum a mbaŋa ya. Aləka i təv ana aka geba fit kamala ana Mbulum a tsik a, tàa bats tar ka, seriye ata a ta ge a ba kuɗa.»