2 TIMUTE 4:5 - Bible Zulgo

⁵ Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

2 TIMUTE 4:5 ပူးပေါင်းရင်းမြစ်များ

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

2 TIMUTE 2:3

Tikema gər ka, aà mege megemir Yesuw Kiristi nda ndzer ŋa kamala mala gùvəl ana a geye a ikaba ya ya. Hadzal ba yak aà mesewere are nda iye aɗaba ŋgat.

KULUSIYA 4:17

Gweɗwimiŋ a Arkipus ka, mə̀ mər aba, mà ndəv à megemir ana Yesuw Kiristi a vəlar a ahər a.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

Gà Ɓəzla Meslire 21:8

Aləka ndidwe ŋana ka, mì mah ba nda sik i fataya, mì da a kwite Kaysariya. Mì ndzeha a fata ka, mì da a bəra Filip ana ŋgat mala metsìkè bazlam Mbulum a, mì həna i ma ŋgar. Ŋgat ka, ar i liwiŋ gà mburma ana təsəla ta pala tar i Yeruzalem, aà mazlàkà gà ɓəzla meslire Mbulum ana akahər ata ya.

1 TIMUTE 4:15

Taŋa ka, tike gər aka dukw ata ki ge a ya lele. Ki ge nda gəzləŋ yak ilik. Aɗaba gà mburma ta fə̀r aà kər ka, meme na kər ihər ki sìkèh à mede yak ika miɗ Mbulum a.

1 TESALUNIKE 5:6

Aɗaba taŋa, ka tə ndzakwa ɓìlèffe ika mendze are kamala gà asiŋ gà mburma ŋgiɗ a tsa. Ama kwa ka, ndzakwa nda metsehe lele, kwarakwa ba kwa ivaɗ.

Sunwa Yuhana 3:2

Pìɗekwim, ka vəlum aba ndzəɗa, dite na ki ta metwim a kweleŋ tsiye. Aɗaba Yàa dzik à kurum, i samata, mede kurum ika miɗ Mbulum ka, a de a zukw tsa.

EFESIYA 4:11

Ŋgat na a dzaya ba ndzəɗa aà megeye gà megemir pampam a mburma ya. A ne à gà asiŋ gà mburma ŋgiɗ kamala gà ɓəzla meslire ŋgar a, gà asiŋ ŋa gà ɓəzla məma à guma ŋgar. Gà asiŋ ŋa ibam, gà ɓəzla metsìkè bazlam ŋgar a gà na tàa gəs ŋgat nda gəzləŋ zukw tsiye. Dite a ndzək gà mìsle ŋgiɗ pam asa, a ne à tar gà ɓəzla magəsa aba gər a gà mburma Mbulum, dite nda gà na ti dzeŋge a bazlam ŋgar a mburma ya.

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

Luka 12:37

Na mala ga tar ata aka màra, aka lera aà tar a nda are, na tar riŋ ta bebe a ŋgat a ka, maŋgayaba ika gər tar. Aɗaba taŋa, iye ihər i tsik a kurum a nda ndzer: Mala ga ata tekeɗe, à dèn a ba mbaŋa, a ndze à ter a a bəɗ. I dəba ŋa ya, a dehe a, a vile a ter a ɗaf, ti zimiŋa.

Markus 13:37

Bazlam ata i tsik a ka, a kurum ɗekɗek tsa. I tsik ka, ku a weke: Kaslum ba kurum, ndzum nda metsehe lele.»

KULUSIYA 1:25

Mbulum a zla iye ka, a ne à iye mala meslire kurum, kurum ana kə̀ gəsum ŋgat a. A gweɗiŋ ka, ɗif à bazlam gà a mburma tserdze parakkà, dite a kurum tekeɗe, a ge a kurum a ŋgulum mbaŋa.

RUMA 15:19

dite agəra dukw mene aà mburma ata pampam a ge nda ndzəɗa Mezite Mesife Mbulum nda ahər gà ata ya mbaŋa. Kamala taŋa ya, Yàa ŋgat vatwa aà meɗife à bazlam ŋgwal ŋa ana aɗaba Yesuw Kiristi ya, a gà mburma tserdze, ika tsèke Yeruzalem a, tsikw Yàa ndze dər aka ahəɗ Iliriya.

Markus 13:34

A ti ndzikiɗ a ba ka, kalkal mala ga ana a de a a təv a ya. A təv ana à meh a ba ya ka, a miyek a à ga ŋgar a ahər a gà ɓəzla megemir ŋgar. A ɗe a ter a aba à megemir a, ilik ilik tserdze. A gweɗe a ter a: A gweɗe a a mala makàslà ga ŋgar asa: Ŋgat ŋa a mah ba, a da tsara.

EFESIYA 4:12

A dzaya iba gà mburma ata ya ka, dite tə̀ zlak gà asiŋ gà mburma ana tàa gəs ŋgat a, aà megemir ŋgar lele, dite ka, gà mburma ŋgar ata ti ne kamala ba ŋgar a, ta ŋgat ndzəɗa hinne asa.

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.

Mata 25:16

Zàmma tsəka, wele ana ta vəlar dəbuw ə̀zləm a, a dza dər ba aà metsèkèle. Aləka a ŋgat aaka nuba ŋgar dəbuw ə̀zləm.