2 TIMUTE 4:2 - Bible Zulgo

² Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

2 TIMUTE 4:2 ပူးပေါင်းရင်းမြစ်များ

Luka 7:23

Ama ki gweɗwimer a asa ka: Maŋgayaba ika gər wur ana aka məsak à megìse iye i gəzləŋ ŋgar tsiye.»

Luka 7:4

Aləka gà mburma ata ti ndzeha a təv Yesuw ka, tə dza ba aà mehemer hinne, ta gwaɗar: «Əbay gà sliwdze duwa na a slərra mər a, aɗaba mala meslire ŋgar duwa a riŋ ŋgwala tsa ka, dara, zlak ŋgat, mbəlar dər te, na mì dara ya.

Luka 9:60

Yesuw a gwaɗar aaka: «Sifek məsak à gà məməta, ti leye ba tar dukw tar. Ama kər ka, ti tsik bazlam *mekwere Mbulum a gà mburma.»

Gà Ɓəzla Meslire 13:5

Ti ndzeha a kwite ŋa a riŋ iɗəm i fata, tə zalar Salamis ka, tə dza ba aà metsìkè bazlam Mbulum i gà ga mahàmà a Mbulum gà Yahuda ana a riŋ i fata pampam a. I huɗ mesìweye tar ata tserdze ya ka, tar riŋ nda gà Yuhana Markus. Tə zla dər ŋgat aà ahər, dite mà zlàkawa tar aà megemir ŋa.

Gà Ɓəzla Meslire 16:13

A pat mesìfìkà ba ka, mì dara i kwite ata ya, mì da aà gùva dula duwa a riŋ i fata. Mì dzala ka, mì gwa, mìi le a aà təv ana gà Yahuda ta hamawa iɗəm a Mbulum a. Mì daha ka, mì leha aà gà məkəs duwa a riŋ i fata, mayahaba gər ŋa. Mì daha a təv tar, mì ndza a bəɗ. Dite mì tsik a tar bazlam Mbulum.

Gà Ɓəzla Meslire 20:7

A pat səbədà i hawa ka, mì yahaba gər, aà mazəma dukw mezime matəkəra dər aà məməta Yesuw. Pul a fàfəl a mburma ana mayahaba gər ŋa ya. A tsik a tar aba bazlam Mbulum a, haa a da tsikw a magər həvəɗ, aɗaba ana a ndze a i təv tar asa tsa, ndidwe ŋana a de a à tar a ya.

Gà Ɓəzla Meslire 28:16

I Ruma i fata ka, ta vəl vatwa a Pul, a ziwe a gər ŋgar. Tə ndzawa ka, nda sliwdze ana a kesle a ŋgat a ilik pəra.

RUMA 10:15

Dite dze ana, na gà mburma Yesuw tàa slər mburma a təv tar tsəna, dite meme na gà ɓəzla meslire ata ta wile a aka mede aà metsike a tar a? Ama ka, tàa slər tar dukw ŋgar. Aka ge ba kamala ana a riŋ mewetse ŋa i wakita Mbulum ka, ta gwa: «Samata kwaŋ, na gà ɓəzla meslire na tə dara a təv tar, ti tsik a ter a bazlam ŋgwal ŋana ka, dite zayya a ŋgeye a ter a ba i gəzləŋ a.»*fe*

RUMA 12:12

Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

GALATIYA 6:6

Wele ana a dza zləm aà medzeŋge bazlam Mbulum a ka, tə̀ dza ba dukw ana a ŋgat a nda wele ana a ɗifer à bazlam Mbulum ata ya.

KULUSIYA 1:25

Mbulum a zla iye ka, a ne à iye mala meslire kurum, kurum ana kə̀ gəsum ŋgat a. A gweɗiŋ ka, ɗif à bazlam gà a mburma tserdze parakkà, dite a kurum tekeɗe, a ge a kurum a ŋgulum mbaŋa.

KULUSIYA 4:3

dite hamumar aɗaba mər asa. Hamumar ka, dite mə vəl a mər vatwa aà metsìkè bazlam ŋgar a mburma, dite mìi ɗif a ter a à dukw ana makàhà ŋa aka gər Yesuw Kiristi ya parakkà lele. Aɗaba kurum kà sərum, agəra ana i ɗif a dər kamala taŋa ya, na kinehe ta gəs iye a daŋgay a.

1 TESALUNIKE 1:6

Ama kurum kinehe ka, kàa dzum ba aà mazazama mede mər, nda biy BATSAH kwa ŋa. I təv ana kə̀ gəsum bazlam Mbulum a ka, ku mege mburma ti sèwèrewa a kurum dər akaba are hinne tekeɗe, ama kurum ka, kàa ŋgayum ba ivaɗ. Maŋgayaba ata ka, Mezite Mesife Mbulum na a vəl a kurum a.

1 TESALUNIKE 5:14

Gà damər mər, mìi ge a kurum a kamkam asa: Bwim à ɗaf a gà ɓəzla màsar ana ti ndze a taf masakəŋa ya. Mùmaha à arəv a gà ɓəzla magəɗa, dite kà zlakum gà na ndzəɗa tar a riŋ tsiye mbaŋa. Gəsum gəzləŋ nda təv gà mburma tserdze, kà yum ba ika miɗ mburma tsa.

1 TESALUNIKE 5:20

Dite ka ta fə̀rum aà bazlam gà na ta me a kurum a à guma Mbulum a ka, kamala za ya tsa mbaŋa asa.

1 TIMUTE 4:13

Dzeŋge bazlam Mbulum ana i wakita ŋgar a ika miɗ mburma tserdze kəla pat. Tsik a tar bazlam ata, dite ka ɗif a tar aaka à bazlam ŋa lele, haa a pat ana i leha aà kər a ya.

1 TIMUTE 5:20

Na gà bàba ŋa ata tàa ge bakal ka, tsik a tar aà metsehe ika miɗ mburma tserdze, dite gà asiŋ gà mburma ŋgiɗ ta ge a magəɗa.

2 TIMUTE 2:21

A riŋ ika magər gà mburma kamala taŋa ya mbaŋa. Gà biy ŋgiɗ ka, gà ŋgwal ŋa. Gà biy ŋgiɗ ibam, gà ŋgwala tsa. Aɗaba taŋa, na wele ana aka dara i liwiŋ gà mburma ata ya ka, aka bara ba ŋgar tsəɗaŋŋa lele, idep dukw bakal duwa i təv ŋgar asa tsa. A ge a megemir Mbulum ka, kəla pat ndaka vatwa ŋa lele. A ne a ka, kamala maŋgara dukw ata ŋgwal ŋa, a ge a ŋgulum a mala ga ya. Aɗaba dukw ata a ge a dər ka, dukw ana ŋgwal ŋa ya ɗekɗek.

2 TIMUTE 2:25

Na bəla gà ɓəzla mene are yak ta gəs mege dukw ana ŋgwal ŋa ya tsəka, ɗif a tar dər nda zèyezèye nda himmè bazlam ivaɗ. Na kàa tsik a tar kamala taŋa ya ka, biytsà Mbulum a vile a ter a metsehe, ta mbìɗ a à madzala gà gər, na dite ta gis a vatwa ndzer ŋana ya.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

TITUS 1:13

Kaɗəŋ, wele ata a tsik a ka, ndzer. Aɗaba taŋa, kwara akaba tar kwirik kwirik, na dite ka, ta ge a metsehe, ti zezem a vatwa Mbulum lele ya.

TITUS 2:15

Dzeŋge gà bazlam aaha i wetse dze ya, a mburma. Kà mà a taraha à arəv. Be à ɗaf a gà na tì dzer a zləm tsiye, ka pala a tar ahəm. fafəlawa a tar nda ndzəɗa ana Mbulum a vəlak a. Ka ta vəl vatwa a wura ilik aà metsìkè aà kər dukw ana ŋgwala tsiye tsa.

IBƏRANIKWA 13:22

A kurum gà damər gà, iye ihər i ge a kurum a kamkam: Gəsum bazlam gà ana i tsik a kurum a ya, nda maŋgayaba lele, na dite a vile a kurum a ndzəɗa a gəzləŋ kurum a. Aɗaba bazlam ana i wetse a kurumaha a wakita aaha ya ka, zùbəl ŋa tsa, ar ka, kəla bazlam zaakwa pəra.

Sunwa Yuhana 3:19

Iye ka, gà mburma ana i waya tar a ka, i kwere akaba a tar, i ɗif a ter a à metsehe. Aɗaba taŋa, mbəɗum à madzala gà gər kurum, ka zazamum iye nda gəzləŋ kurum ilik.