2 TIMUTE 4:1 - Bible Zulgo

¹ Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.

2 TIMUTE 4:1 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Luka 19:12

I huɗ bazlam ŋgar ata ya ka, a gwaɗa a tar: «Wele duwa a riŋ, Əbay ŋa, limana ŋgar a riŋ hinne. A da a təv Əbay aka ahəɗ ŋgiɗ diriŋ, dite ma tikera ŋgat a Əbay a, a dere a, a kwere a dər gà mburma ŋgar aaha i ma ya.

Luka 19:15

Ama bàlaarì ti tikera aɗəm ŋgat a. Aləka a màra a ma ya ka, a daha, a zal a gà ɓəzla meslire ŋgar aaha ndeɗiŋa, a dzaya a tar siŋgwe aà metsèkèle ya. A sasar a sir a dər ka, meme na ta ge nda siŋgwe aaha ya.

Luka 23:42

I dəba ŋa ya, a gwaɗa a Yesuw: «I ta mətsak gər tsa, Yesuw, na i təv ana ki ti ne a batsah Əbay a.»

Gà Ɓəzla Meslire 10:42

Ŋgat na a gwaɗa a mər ka, tsikwim bazlam ŋgwal ŋa aaha a gà mburma ya, dite ka ɗifewim a tar dər ŋgarra lele. Iye na Mbulum a tike iye aà mege seriye gà mburma ana tar riŋ nda are ya, dite nda gà na tàa mata ya asa mbaŋa.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

RUMA 2:16

Ama a pat ana Mbulum a ta ge a seriye a gà mburma nda ahər Yesuw Kiristi ya ka, gà dukw ana i tsik i faha tserdze ya, à pèt a ka, parakkà lele. A ge a ter a seriye ka, aka gər gà dukw ana makàhà ŋa titstsè i gəzləŋ tar, nda gà madzala gà gər tar ana tə dzalawa ya. Na a ɗif a à dukw ata, a ta ge a ba kamala taŋa ya ka, ŋgwal bazlam aaha iye ihər i tsik a gà mburma ya.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

2 TESALUNIKE 2:8

dite ka, mala mene are a Mbulum ata à pèt a aba kuɗa. Ama i təv ana Yesuw BATSAH kwa ŋa à mère a nda ndzəɗa ŋgar ana ika gər gà duwa tserdze ya ka, a dzeye a iɗəm à ŋgat a nda ndzəɗa mesife ŋgar ana a vizl aakara tìrr i bazlam ŋgar a kamala himbiɗ a ya.

1 TIMUTE 5:21

Iye ihər i gik a kamkam, Timute, ika miɗ Mbulum, ika miɗ Yesuw Kiristi asa mbaŋa, dite ika miɗ gawla Mbulum ana a ndzək tar a: Ama zazam dukw ana i tsikik a nda ndzer. Iye ihər i gik a kamkam asa ka, ka tə dàn bemeze aà wura a tsa. Ama ka, ka ta wìy ba a wura aɗaba ana ŋgat wur yak a tsa asa. Ka ta ge kataya tsa, na i təv megemir yak a.

2 TIMUTE 1:10

Ama kinehe ka, aka pàt aba kuɗa, aɗaba ana Yesuw Kiristi, mala məmbàlà à kwa ata a dara aka gər ahəɗ a ya. A dara ka, a zla aà kwa ndzəɗa məməta ya, na dite məməta a ge a kwa a duwa asa tsa, a ɗif a kwe a à mesife ana à ndìv a tsiye ndərzayya lele kuɗa ya. Gà dukw ata tserdze ya ka, ŋgwal bazlam na a ɗif dər a.

2 TIMUTE 2:14

Mà à bazlam ata a zləm a gà mburma Mbulum ana tserdze ya. Gwaɗa a tar ka, ta miyak à mimbètsèba ahəm ana ika magər tar a. Ka pala a tar ahəm ika miɗ Mbulum. Aɗaba bazlam ata ka, taf masakəŋa, tsəka, a ge a ŋgulum tsidze. A nis a ka, à gà na tə dzar zləm a ivaɗ.

2 TIMUTE 4:18

Ŋgat ka, a ta be a à iye i dukw ana ŋgwala tsiye tserdze asa mbaŋa. A kesle a iye lele, na dite i de a a təv mekwere ŋgar ana i gər ŋa ya ndzer a. Kamala taŋa ya, mezlibe ana tì zlibe a à ŋgat a ka, ma ne biy ŋgar aà biybiy. Zàmbaɗakwa à ŋgat. *Amin.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 PIYER 4:5

Ama a pat ŋgiɗ ka, Mbulum a zel a a gà mburma ata, ti dere a, ta hitse a aka miɗ ŋgar, a ge a ter a seriye kuɗa. Aɗaba aka hadzal ba aà mege seriye a gà mburma ana tar riŋ nda are ya, nda gà na tàa mata ya mbaŋa.

1 PIYER 5:4

Na kàa gwim dər kataya ka, a pat ana Yesuw Kiristi Əbay gà ɓəzla makəva gà təmaŋ a dere a ya ka, a vile a kurum a dukw maya ba kurum ana a zè a gà dukw tserdze, a ndze a aà biybiy a.

2 Piyer 1:11

Kamala taŋa ya kaɗəŋ ndzer, Mbulum a ta vile a kurum a vatwa aà mada a mekwere Yesuw Kiristi BATSAH kwa ŋana a kwere a ya, dite ŋgat na mala məmbə̀là à kwa ya mbaŋa. Mekwere ata a ndze a ka, aà biybiy.

2 Piyer 1:17

I təv ana Mbulum Tsir ŋgar a zàmbaɗa à ŋgat, a vəlarra ndzəɗa mezlibe ana tì zlibe a à ŋgat a ka, mər riŋ i təv ŋgar i fata mbaŋa. Mbulum ana ŋgat mala ndzəɗa, a za gà dukw tserdze ya, a gwaɗarra: «Naha ka, Kəla gà ana mandərkwasla ŋa, i zla ŋgat a. Maŋgayaba gà fit dze ka, ika gər ŋgar.»

1 Yuhana 2:28

Gà ɓəza gà, i tsik a kurum a asa ka, ndzum nda gà ŋgat i təv ilik ŋa, na dite, a pat ana à mère a ya ka, gəzləŋ kwa a ge a magəɗa tsiye, dite a ndze a hiywekukwà nda hwarwa ŋa ɓav tsa asa, na aka dara ya.

Sunwa Yuhana 1:7

Gwim metsehe, a dere a ka, nda hulɓukw a.*fb* Ku weke a ŋgeteriŋa, ku mege gà na ta geyer suwal a tekeɗe ya. Gà slàla pampam ika gər ahəɗ tserdze, ti tiweye aaba a aɗaba ŋgat. A ta ge a ba ka, kamala taŋa ya kaɗəŋ ndzer. Amin.