2 TIMUTE 3:3 - Bible Zulgo

³ Gà mburma ata ta weye a gà asiŋ gà mburma ana i ga i ma tar a asa tsa. Ti ndze a ka, tesìw tesìw nda matsəɓatsəɓ ŋa. Dite vìrìɗìɗìɗɗe ti tsik a dukw ana ŋgwala tsiye aà gà mìsle ŋgiɗ asa mbaŋa. Ama tar ka, ta kwere a ba i təv dukw ana ŋgwala tsiye tsa. Dite ta ge a madzək a mburma ka, hinne. Ti ne are a dukw ana ŋgwal ŋa ya ivaɗ.

2 TIMUTE 3:3 ပူးပေါင်းရင်းမြစ်များ

Mata 10:21

Gà mburma hə̀ndə̀sl hə̀ndə̀sl ti ti dzèye a à gà damər dìnde tar a ahər a mburma, ta bets a tar. Gà tsir gà ɓəza tekeɗe, ti ti ge a dər kataya mbaŋa. Gà ɓəza ibam, ta hitse a aà gà tsir tar, ta ge aà ter a ɗaf a mburma, ta bets a tar asa mbaŋa.

Mata 4:1

I dəba mifefile ata ya tsara ka, Mezite Mesife Mbulum a da à Yesuw a kusak diriŋ, dite ka, Əbay sitene ma dzik riŋ à ŋgat i fata.

Luka 10:16

Aləka i dəba ŋa ya, Yesuw a gwaɗa a gà ɓəzla mazazama ŋgat ata asa: «Wur ana aka dza zləm a bazlam kurum a ka, a dza zləm taŋa ka, a biy gà. Dite wur ana aka niw bazlam kurum a ka, a niw taŋa ka, biy gà mbaŋa. Ama ka, biy gà ɗekɗek tsa. A niw ka, biy wele ana a slərra iye ya mbaŋa asa.»

Luka 16:14

Gà *Farisa tə tsaraka bazlam ata Yesuw a tsik a ka, tə sawla ahər hinne, aɗaba ana tar ta waya siŋgwe hinne ya.

Yuhana 6:70

Yesuw a gwaɗa a tar aaka: «Wànà iye tsiye na a pala kurum kurwa gəra sula ya? Ama mìsle ŋgiɗ ilik ika magər kurum a ka, sitene.»

RUMA 1:29

Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,

RUMA 1:31

Tə zazamawa ka, madzala gà gər tar ata ŋgwala tsiye ɗekɗek pəra. Dite dukw ana tàa tsik i sida ya, tàa gwa, mìi ge a ya ka, ta ge a tsa. Tə sər mawàyà mburma tsa, dite gà mìsle ŋgiɗ ti ndzewa a tar are tsehe tsa asa mbaŋa.

1 Kurintiya 7:5

Kamala taŋa ya, gà zal nda gà məkəs ka, ti niweyeba à ba tar tsa. Say na bəla kà dzum akaba bazlam nda lìfèɗìɗe ŋa, a sàs a kurum ki ndzwim a iba ya pampam zaakwa ya pəra, na dite ki slwim a aà mahàmà a Mbulum lele ya. Ama ka, ka tə ndzum aba ya hinne tsa, dəlfay ki mwim akabiŋa, tsəka, ki ti slwim a aà makwàrà ba kurum asa tsa, Əbay sitene a ta bene a kurum, a dzeye a à kurum ika vatwa Mbulum a.

1 Kurintiya 7:9

Ama na bəla ki slwim a aà makwàrà ba kurum tsəka, ŋgulum ki zlwim a daala. Gà dəm nda gà madakwa gà məkəs ibam, ti deye a zal, ndəna meèweke gà məkəs nda biy gà zal ɓìlè ɓìlè à gis a kurum hinne ya.

1 TESALUNIKE 4:8

Aɗaba taŋa, na wura tətstəts aka raraɗaba ahər a zləm, a waya mandza zləm a bazlam ata tsəka, a niw taŋa ka, bazlam mburma tsa. Ama a niw ka, biy Mbulum, wele ana a vəl a kurum Mezite Mesife ŋgar ana tsəɗaŋŋa ya ivaɗ.

1 TIMUTE 3:11

Mede gà məkəs tar ibam, ma ge ka, ilik mbaŋa asa. Ti ti tsik manəsa bazlam aà mburma tsa. Ama ta gəs gəzləŋ i təv guzum a, tə ta kwaya tsa. Say megemir tar ma da ka, ndaka vatwa ŋa lele nda təv dukw tserdze, ta gawuwa ahəm sula tsa.

TITUS 1:8

Ama ma ne ka, mala mege gər a gà mbəlakw lele ivaɗ. Ma waya ka, mege dukw ana ŋgwal ŋa ya, ma ne mala metsehe, ma ge dukw ana ndzer a ika miɗ Mbulum tsəɗaŋŋa, bakal ihər tsa. Ma kwara ba ŋgar lele.

TITUS 2:3

Gà məkəs ana gà màndawal ŋa ya tekeɗe ka, kataya mbaŋa. Gwaɗa a tar ka, mede tar ma ge ŋgwal ŋa lele, kamala ana a tsahən aà Mbulum a. Ti ti ne gà ɓəzla melèvekè ahəm aà mburma lèvèk lèvèk tsa, kige tsa ti ne ɓele guzum tsa asa. Say ti ɗif ka, à dukw ana ŋgwal ŋa ya, a gà asiŋ gà mburma ŋgiɗ ivaɗ, na dite ti zezem a tar a.

YAKUBA 2:6

Ama kurum ka, ki fìrwim a aà gà ɓəzla matawak kamala za ya dze ana, meme? Aɗaba gà Əbay gər ahəɗ na ti sèwèrewa a kurum are, ti de à kurum a aka miɗ seriye ya, tsəka, gà ɓəzla matawak tsa.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 2:19

Ta gweɗe a a gà mburma ata ka: Mìi vile a kurum a vatwa ana ki ziwwim a gər kurum a kuɗa. Ama tar ŋa ka, gà ɓele bakal, ti ziwe a ger tar ɓav tsa. Aɗaba kurum kà sərum, dukw ana a kwere a mburma ya, na a ne a ɓele à mburma ya.

2 Piyer 3:3

Dukw ana i tsik a kurumaha malahalah ŋa ya ka, wur bazlam. Sərum dər lele, mə̀ məts a kurum gər tsa asa: I təv ana gər ahəɗ à ndìv a ya ka, gà asiŋ gà mburma ana ti zezem a gà dukw meèweke ba tar ɗekɗek a ka, ti dere a, ti sewle aà kurum ŋa.

Yuda 1:16

Gà mburma ata Anuhu a tsik aà tar bazlam ata ya ka, kaɗəŋ. Tə sayawa ahəm nda təv mburma ka, kəla pat. Gəzləŋ tar a ndzawa zayya tsidze. Ta gewa ka, dukw ana ba tar a waya ya. Tì sìkèh a à ba tar nda zlapa. Tì yè a liɓir a bəɗ a mburma ka, nda bazlam lìfèɗìɗe nda wirwir. Ta bene a tar, na dite ta ŋget a duwa kamala ana a sàs a tar a.

Yuda 1:18

Ti tsikewa a kurum ka, ta gwa: «I təv ana gər ahəɗ aka à mendìve ya ka, gà mìsle ŋgiɗ ti sewle a aà kurum ana ki zezemwim a Mbulum a. Gà mburma ata ta gis a ahəm aà Mbulum tsa. Ti zezem a ka, dukw ana ŋgwal ŋa tsa, gəzləŋ tar a waya ya ɗekɗek pəra.»

Sunwa Yuhana 13:15

Dukw dala ata ka, aka ŋgat ndzəɗa aà mivizle mesife a mendzikiɗe ba dukw dala ata. Dite mendzikiɗe ba dukw dala ata aka dza ba aà mifefile ka, a bats gà na ti niw mazàmbàɗà à ŋgat a tserdze.

Sunwa Yuhana 13:17

Wele ana lambà ata a riŋ ihər tsiye ka, a sle a aà masàkàmà duwa, kige tsa aà madzàwà à duwa tsidze, say gà na lambà ata a riŋ aà tar a. Na a ne lambà ata ka, zləm dukw dala ata, kige tsa maɗàmà gà dukw ana tə ɗamawa nda zləm ŋgar ŋa ya.

Sunwa Yuhana 16:6

Gà mburma aaha ka, tə dzayawa à məmbəz gà ɓəzla məma à guma yak a bəɗ, nda biy gà asiŋ gà mburma yak ana tserdze ya, tàa batsaya tar. Ama kinehe ka, ki vile a ter a məmbəz ata, dite tə sa mbaŋa te. Kamala taŋa ya, ta ŋget a dukw mayaba tar kaɗəŋ.»

Sunwa Yuhana 17:6

I samata məkəs ata ka, makwàyà ŋa nda məmbəz gà mburma Mbulum ana a sa ya. Ta batsaya gà mburma ata ka, aɗaba ana ti ɗifewa à zləm Yesuw parakkà ya. Dite məkəs ata ka, a sa məmbəz tar. I ŋgatar ka, a ge aà iye kamala dukw mene aà mburma ya hinne.