2 TIMUTE 3:2 - Bible Zulgo

² Aɗaba a pat ata ka, gà mburma ata ti ti dzele a ka, ba tar ɗekɗek, a ta ses a ter a ka, mayaha gər a siŋgwe hinne, nda mege zlapa, ŋgakŋgakəkka tì sìŋgìr a à ba tar. Ti ti ndeveye a a mburma. Gà ɓəza ta gis a ahəm aà gà tsir tar asa tsidze. Ku weke a ta fir a aà dukw ana tsəɗaŋŋa biy Mbulum a ka, kamala za ya. Ti ta ge a kəkaaha aɗaba dukw ana ta ge a ter a ya tsidze.

2 TIMUTE 3:2 ပူးပေါင်းရင်းမြစ်များ

Mata 15:6

Kurum kù gwaɗum: Kamala taŋa ya, kurum kà nwim à bazlam Mbulum ka, dukw masakəŋa, dite kà zazamum fəla kurum ana kà gəsum nda madzala gà gər kurum a.»

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 16:14

Gà *Farisa tə tsaraka bazlam ata Yesuw a tsik a ka, tə sawla ahər hinne, aɗaba ana tar ta waya siŋgwe hinne ya.

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Gà Ɓəzla Meslire 5:36

Akahər ata ka, wele duwa a riŋ tə zalar Tudas. A pə̀r aaba ka, a gwa: Ama ka, gà mburma ti sle a dərməka faɗ na ta gəs bazlam ŋgar a. I dəba ŋa ya, tàa kəɗ dər akaba ŋgat pəra, gà mburma ana tə zazam ŋgat a, tə tə̀z ihər a fit, ku ilik wura aka zeha tsidze.

RUMA 11:18

Aɗaba taŋa, ka ta fə̀rum aà gà na ti ne kamala ahər dizl ɗaf ata tə sasara iɗəm piŋŋe kamala za ya tsa. Aàmala na ki gwim aba a zlapa dze ya? Kurum ka, kà nwim gà ɓəza ahər ŋa pəra. Aɗaba ndzəɗa ahər ŋa a dere a ka, i ba zlile ŋana ya, tsəka, ahər ŋa tsa na a vile a ndzəɗa a zlile ŋa ya.

2 Kurintiya 5:15

Ŋgat a mət agəra mburma tserdze, na dite gà na tar riŋ nda mesife mba ya ka, ta ge dukw ana ba tar a waya ya asa tsiye, ama ka, ti yaha vatwa aà mege dukw ana a tsahən ahər a ivaɗ. Ta ge kataya ka, agəra ana a mət, dite Mbulum a mbəlara à ŋgat i məməta ya ka, aɗaba tar a mbaŋa.

FILIPIYA 2:21

Gà asiŋ gà mburma tserdze tə dzalawa ka, ba tar ɗekɗek, tsəka, tə dzalawa aka megemir Yesuw Kiristi tsa.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

2 TESALUNIKE 2:4

Mala mene are ŋgar ata ka, a ge a gùvəl aà gà dukw ana gà mburma tì zlibe a dər a tserdze, ku mege nda təv Mbulum, mege nda təv dukùla tekeɗe ya. A gweɗe a ka, iye na a za gà dukw ata tserdze ya. Ama ndeyndey ŋa ka, a de a a ga Mbulum Batsah ŋana, a ti ndze a aka təv mendze ana gà mburma tì zlibe a dər a. A gweɗe a ka, iye na Mbulum a.

1 TIMUTE 1:20

I liwiŋ gà mburma ata ka, gà Himanayas nda Aleksandire. Yàa dza tar a təv mesewere are Əbay sitene, ti sir a gà gər lele ŋgwal ŋa, dite ti ti tsik dukw ana ŋgwal ŋa tsiye, aà Mbulum asa tsa.

1 TIMUTE 1:9

Ama kəla ka, dukw a riŋ ilik ma ta mətsakwa gər tsa. Aɗaba Mbulum a tike məpala ahəm ŋgar a bəɗ ka, agəra gà mburma ana tar gà ŋgwal ŋa ika miɗ ŋgar a tsa. A tike a bəɗ ka, agəra gà mburma ana tar riŋ ti nis a à vatwa ŋgar a ivaɗ, kamala megweɗe ya, agəra gà na tə tsaraka aaka zləm tsiye, dite gà na tə sər hwarwa tsidze ya, nda gà ɓəzla bakal, nda gà mburma ana mandzaɗak i gəzləŋ tar, tar riŋ ti sewle ahər a ya. A tike a bəɗ ka, agəra gà na ta bets a gà tsir tar nda gà məmər tar a, dite ka, ta bets a mburma fit a asa mbaŋa.

1 TIMUTE 3:3

Ma ti ne ɓele guzum tsa. Ma ti ne mala tèrèŋgìz tsa asa mbaŋa. Say ma ne ivaɗ ka, mala himmè bazlam ana lìfèɗìɗe ya. Ma ti ne mala mege bazlam nda gà mburma tsa. Ma ta vəl gəzləŋ ŋgar a siŋgwe tsa asa.

1 TIMUTE 6:10

Aɗaba madzala gà gər siŋgwe ka, a we a bakal tserdze vìrìɗìɗɗe kamala dukw ana mawà ŋa ya. Aɗaba gà mìsle ŋgiɗ a riŋ kataya, tàa məsak à vatwa Mbulum agəra ana tàa vəl gəzləŋ tar a siŋgwe, ti yehe a tsilikw tsilikw a. Dite ka, gəzləŋ a wir aà ter a hinne asa, aɗaba dukw ata ti yehe a nda madzala gà gər tar a.

1 TIMUTE 6:4

taŋa ŋgat ka, kamala mala hala gawla ana i liwiŋ mburma, à sìŋgìr a à ba ŋgar ka, tsaatsa, ŋgat ŋa a sər duwa tsidze ya. A sər i ŋgar ka, are mimbètsè ahəm, nda mayaha ahəm pìrèh pìrèh aà gà mburma ɗekɗek. Aɗaba wele ata aka ge gà dukw ata kataya ka, na ika magər tar nda gà mburma ka, say mene ba are, nda mege maàga kəla pat nda mandàvàyà ba, nda gà madzala gà gər gà dukw ana ŋgwal ŋa tsa masakəŋa taf nda təv mìsle ŋgiɗ a.

2 TIMUTE 3:4

Ti dzewe a à mburma a gà ɓəzla mene are tar. Dite tar ka, dukw ana tàa tsik i sida ya, tàa gwa, mìi ge a ya ka, ta ge a tsa. Tì sìkèh a à ba ka, hinne, ta weye a Mbulum tsa. Ta weye a ka, ba tar ɗekɗek ivaɗ.

YAKUBA 2:8

Na ki zezemwim a məpala ahəm nda ndzer kamala ana Mbulum a gwa i wakita ka: «Wayum mburma, kamala na kà wayum ba kurum a»*fa* ka, kàa gwim lele.

YAKUBA 4:16

Ama kinehe ka, kurum riŋ ihər ki gilwim a à gər hinne, nda mege zlapa ana, taŋa dze ana, lele yà? Mege zlapa ana kataya ka, lele tsa.

YAKUBA 4:6

Ama ndzəɗa ŋgar ana a vəl a kwa ya ka, a za dər gà dukw meèweke ana i gəzləŋ kwa ya tserdze. A de a ka, aka miɗ aka miɗ kamala ana mewetse ŋa a riŋ i wakita Mbulum ka, ta gwa: «Mbulum a niw a gà ɓəzla zlapa, dite a vile a ndzəɗa a gà na ta həna à gər a bəɗ a.»*fb*

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.

2 Piyer 2:12

Ama gà mburma ata ta gewa ka, dukw ana nda madzala gà gər tar taf masakəŋa ya. Tar ka, kamala gà dukw dala ana ta weye a gà ɓəza, dite gà mburma ta gese a aà mibetseye ya. Ti tsik a dukw ana ŋgwal ŋa tsiye, aà gà dukw ana tə sər tsiye mbaŋa asa. Mbulum a ta bets a tar tìteh tìteh aà bəra ya kaɗəŋ, kamala na gà mburma ta batsawa gà dukw dala ata ya.

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

Yuda 1:16

Gà mburma ata Anuhu a tsik aà tar bazlam ata ya ka, kaɗəŋ. Tə sayawa ahəm nda təv mburma ka, kəla pat. Gəzləŋ tar a ndzawa zayya tsidze. Ta gewa ka, dukw ana ba tar a waya ya. Tì sìkèh a à ba tar nda zlapa. Tì yè a liɓir a bəɗ a mburma ka, nda bazlam lìfèɗìɗe nda wirwir. Ta bene a tar, na dite ta ŋget a duwa kamala ana a sàs a tar a.

Sunwa Yuhana 13:1

Aləka i dəba ŋa ya ka, i ŋgataha a dukw dala duwa, a tsəlara i yam ata ya. Gər ikəka ka, təsəla. Gà mbukum ŋgar tekeɗe ka, kurwa. Ga mbukum ata aà gər ŋgar tserdze ya ka, felère Əbay ikəka fit. Gà gər ŋgar ata tserdze ya mbaŋa ka, ta wetse aaka gà zləm gà bazlam ana ŋgwala tsa pampam, biy mandàvàyà dər a Mbulum a.

Sunwa Yuhana 16:11

Ama ku mege kataya tekeɗe ka, tàa mbəɗ à gəzləŋ tar, dite tàa miyak à gà dukw ana ta gewa ya tsidze. Tə ndavaya a Mbulum ana i gər ŋa ya ivaɗ, aɗaba mesewere are gà dukw ata nda gà mbəlak tar ata a wir aà ter a ya.

Sunwa Yuhana 16:21

Gà bàba gà aləndza tə dzawara i mbulum a ɓàràmakkà hinne. Ama aləndza ata ilik ka, kiliw dzik faɗ. A dzawara ka, aka gà mburma ya. Gà mburma ata ka, tə ndavaya dər akaba a Mbulum, aɗaba ana ti sèwèr a are hinne agəra aləndza ata ya. Aɗaba mesewere are ata ka, ŋgwala tsa ndeyndey, a za duwa tserdze.

Sunwa Yuhana 16:9

I təv ana a wànà tar kamala taŋa ya ka, gà mburma ata tə ndavaya a zləm Mbulum, aɗaba ana a slər aka tarra mesewere are ata ya ya. Ama ka, tàa mbəɗ à gəzləŋ tar, dite tàa dza gurmits a bəɗ a Mbulum ɓav tsa, ti niw ŋgat ivaɗ.