2 TIMUTE 2:8 - Bible Zulgo

⁸ Madzala gà gər yak ma da ka, a təv Yesuw Kiristi kəla pat. Aɗaba ŋgat a dara ka, i gwala Dawda a. Mbulum na a mbəlara à ŋgat i məməta ya, kamala ŋgwal bazlam ata i tsik, i ɗifewa dər a mburma ya mbaŋa.

2 TIMUTE 2:8 ပူးပေါင်းရင်းမြစ်များ

Mata 1:1

23 Yesuw Kiristi ka, a dara i gwala Dawda a. Batsah tsir tar ibam, Abəraham. Araha na bazlam mawùba tar a:

Luka 24:46

Dite a gwaɗa a tar: «I fata mewetse ŋa iɗəm ka, say *Kiristi, mala məmbàlà à mburma ana Mbulum a gwa, i slir a kurumaha a ya ka, à sèwèr a are hinne, dite i huɗ mehinne makər a ka, a mbilere a i məməta ya.*fa*

Gà Ɓəzla Meslire 13:23

Pul a gwaɗa a tar asa: «Mburma ilik Mbulum a zla i liwiŋ gà gwala Dawda a, Yesuw, a ne à ŋgat mala məmbə̀là à gà Isərayel. A ge dər kataya ka, kamala ana a tsik i sida akahər ata ya.

Gà Ɓəzla Meslire 2:24

Ama Mbulum aka hitse à ŋgat i məməta ya, a mesife. Dite aka be à ŋgat i ahər mesewere are məməta ya asa. Aɗaba a ge a ba tsa, na à mìts a i məməta hiywe ya.

Gà Ɓəzla Meslire 2:30

Ama ŋgat akahər ata ka, mala məma à guma Mbulum, dite a sər ka, Mbulum aka tsikiŋ lele i sida ya ka, i ta vile a batsah Əbay gà a mìsle ŋgiɗ ilik ika magər gà ɓəza yak.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

RUMA 2:16

Ama a pat ana Mbulum a ta ge a seriye a gà mburma nda ahər Yesuw Kiristi ya ka, gà dukw ana i tsik i faha tserdze ya, à pèt a ka, parakkà lele. A ge a ter a seriye ka, aka gər gà dukw ana makàhà ŋa titstsè i gəzləŋ tar, nda gà madzala gà gər tar ana tə dzalawa ya. Na a ɗif a à dukw ata, a ta ge a ba kamala taŋa ya ka, ŋgwal bazlam aaha iye ihər i tsik a gà mburma ya.

1 Kurintiya 15:1

Gà damər gà, kinehe ka, a sèsiŋ bazlam ŋgwal ŋa ana i ɗif a kurum dər akahər ata ya, mə̀ mà a kurumara a gər a asa. Aɗaba kàa gəsum nda gəzləŋ, dite megìse kurum ata tekeɗe, ɓəŋɓəŋ lele.

1 Kurintiya 15:4

A mət ka, ti le ŋgat a biye. Ama i huɗ mehinne makər a ka, a mbəlara i məməta ya, kamala ana mewetse ŋa a riŋ i wakita Mbulum, ta gwa, a ta ge a ba ya.

2 TESALUNIKE 2:14

Mbulum a zal a kurum ka, i təv ana mì ɗif a kurum à bazlam ŋgwal ŋa ana aka gər Yesuw Kiristi ya ya. A sasar ka, ki ŋgeywim a ba agəra ndzəɗa Yesuw Kiristi BATSAH kwa ŋana ika gər gà duwa tserdze ya mbaŋa.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

2 TIMUTE 2:7

Ama dzala gà gər ka, aka dukw ana i tsik a, a ge a ba kataya ya. Kər kà sər ka, BATSAH kwa ŋa na a zlèk a kər, dite ki tsereke a lele, ki sir a ikaba à gà duwa ya tserdze ya.

Sunwa Yuhana 5:5

Ama i fataya ka, wura ilik ika magər gà bàba gà mburma ata dzik səla gər faɗ a, a gweɗiŋ: «Ka tə tuwa tsa. Tsaraka kwaŋ, aɗaba Əbay ana tə zalar azil a, a dara ka, i gwala Yuda ya, dite i hwife Əbay Dawda a asa. Ŋgat ka, a mba aà duwa tserdze. A sle aà meŋgeheke ihər dukw magəsa wakita ata təv pampam təsəla ya, dite à pìl a ikaba wakita ata ya.»