2 TIMUTE 2:7 - Bible Zulgo

⁷ Ama dzala gà gər ka, aka dukw ana i tsik a, a ge a ba kataya ya. Kər kà sər ka, BATSAH kwa ŋa na a zlèk a kər, dite ki tsereke a lele, ki sir a ikaba à gà duwa ya tserdze ya.

2 TIMUTE 2:7 ပူးပေါင်းရင်းမြစ်များ

Luka 21:15

Aɗaba iye ŋana i ti ɗif a kurum a à bazlam, nda metsehe ana ki ta bwim a dər aà gà ɓəzla gùvəl kurum a, dite ka, ti sle aà meŋgete a vatwa aà metsìkè kurum bazlam ŋgiɗ asa tsiye.

Luka 24:45

Ama ka, aka handaka a tar gər aà masəra gà guma ana i wakita Mbulum a lele.

Luka 9:44

«Tikwim dukw ana i tsik a kurum a kinehe ya, a gər kurum lele. Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma.»

Yuhana 14:26

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Yuhana 16:13

Na Mezite Mesife Mbulum ata a ɗif a à ndzer a mburma ya, aka dara ka, a ɗif a kurum a à ndzer ŋgar ata aka gər duwa tserdze kuɗa. A ta fèfil a ka, nda ndzəɗa ŋgar tsa. Ama a ti tsik a kurum a ka, dukw ana a tsarakara i təv Tsir gà ya, dite à ta me a kurum a à gà dukw ana ti ta ge a ba ika miɗ mba ya mbaŋa.

Gà Ɓəzla Meslire 7:10

A mbəl à ŋgat i mesewere are ŋgar ata ya fit dze. A vəlar hwarhwar nda metsehe, dite ka, *Faruna, Əbay batsah ŋa ana i Ezipt ya, mà gəs ŋgat lele, akahər ana ŋgat a riŋ i təv ŋgar a. Əbay ata a ne à ŋgat batsah ŋa ika ahəɗ ata, dite aka gər gà mburma ana i ga i ma ŋgar a tserdze mbaŋa.*fc*

1 Kurintiya 12:8

Kamala taŋa ya, mìsle ŋgiɗ ka, Mezite Mesife Mbulum a vəlar ndzəɗa aà metsìkè ŋgwal metsehe lele. Ama Mezite Mesife ata ilik pəra. A biy ŋgiɗ ka, a viler a ndzəɗa aà masəra vatwa Mbulum lele, aà dite a ɗif a dər a mburma parakkà ya.

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

1 TIMUTE 4:15

Taŋa ka, tike gər aka dukw ata ki ge a ya lele. Ki ge nda gəzləŋ yak ilik. Aɗaba gà mburma ta fə̀r aà kər ka, meme na kər ihər ki sìkèh à mede yak ika miɗ Mbulum a.

2 TIMUTE 2:6

Dite mala mifìte ibam ka, a ge a megemir lele, a ye a ba dzekwiŋ, na dite à lèh aà mimìndzir a dukw ŋgar ana a pala i bəɗ a, a zim a ya.

2 TIMUTE 2:8

Madzala gà gər yak ma da ka, a təv Yesuw Kiristi kəla pat. Aɗaba ŋgat a dara ka, i gwala Dawda a. Mbulum na a mbəlara à ŋgat i məməta ya, kamala ŋgwal bazlam ata i tsik, i ɗifewa dər a mburma ya mbaŋa.

IBƏRANIKWA 12:3

Dzalum a təv Yesuw ana a gəs gəzləŋ i təv mesewere are ana a sèwèr akahər ata ya, dite meme na ndelèɓ ndelèɓ a sèwèr are i ahər gà ɓəzla bakal ata ti ner are ya ya. Dzalum a təv ŋgar, na dite a me a kurum a à ndzəɗa a ba, ki ywim a ba tsiye.

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 7:4

Dzalum kwaŋ, meme na ki sirekwe a dər ka, Melikisedek batsah ŋa ya. Ki sirekwe a dər ka, aɗaba Abəraham batsah tsir kwa ata akahər ata a dzaya ikaba kàzlàŋa gà mburma ata tə duŋ ikəka tar a, təv pampam kurwa ka, dite a vəlar təv ilik a.

YAKUBA 1:5

Na wura a riŋ ilik ika magər kurum, daɗəkɗəkka, a sər dukw ana a ge a ika vatwa Mbulum a tsəka, ma wiz aà Mbulum, a ɗifer a dər. Aɗaba ŋgat a vile a duwa a mburma ka, nda gəzləŋ ilik, a niw a dər tsa.

YAKUBA 3:15

Medzìbe metsehe ata a dara ka, i təv Mbulum ana i gər ŋa ya tsa. A dara ka, ika gər ahəɗ a, nda gà i madzala gà gər mburma ya, nda gà i təv Əbay sitene ya ivaɗ.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.