2 TIMUTE 2:4 - Bible Zulgo

⁴ Kamala taŋa ya, sliwdze ana ndzer ŋa a de a a gùvəl ka, a wisebe a à gər nda megemir ana i ma ŋgar ŋa ya asa tsa. Aɗaba a sasar megemir ŋgar ma da a gər ka, a batsah ŋgar ŋa ɗekɗek pəra.

2 TIMUTE 2:4 ပူးပေါင်းရင်းမြစ်များ

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

2 Kurintiya 5:9

Aɗaba taŋa, ku mege kwa mandza ŋa ɗa diriŋ aà ŋgat a, ku mege kwa mandza ŋa bise nda gà ŋgat tekeɗe, a sàsakwa ka, mege dukw ana ŋgat a waya ya ɗekɗek hiywe.

GALATIYA 5:1

*Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

1 TESALUNIKE 2:4

Ama mì tsik ka, dukw ana a sàs a Mbulum mì ɗif a tar dər a ivaɗ. Aɗaba a samata, mər ka, mì tsahən ahər, na dite a vəl a mər bazlam ŋgwal ŋa ata a ahər, mì ɗif a dər a mburma ya. I təv ana mì tsikewa ya ka, a sàs a mər, dite na mì da a gər a mburma ya tsa. Ama mì waya ka, na mìi de a a gər a Mbulum a ivaɗ. Ŋgat na a sər dukw ana i gəzləŋ mər tserdze ya.

2 TIMUTE 4:10

Aɗaba Demas ka, aka miyak à iye, agəra ana a sasar dukw gər ahəɗ hinne, a be a ŋgat i gəzləŋ a. Aka da a kwite Tesalunike. Ama Kereskes ibam, aka da aka ahəɗ Galatiya. Dite Titus tekeɗe, aka da aka ahəɗ Dalmatiya mbaŋa.

2 Piyer 2:20

Na wura a sər Yesuw Kiristi BATSAH kwa ŋana a mbil a à kwa ya ka, aka be aà gà dukw ana ŋgwal ŋa tsa ika gər ahəɗ, à nis a à mburma ya. Ama zàkwayiya ka, à mbìɗ a gər aka mege dukw ata ŋgwal ŋa tsiye, dite gà dukw ata ta kwere a ŋgat asa ana, meme? Kamala taŋa ya, mandəvandəv mendze ŋgar ana i dəba taŋa ya ka, ŋgwal ŋa tsa ndeyndey, à zè a dukw ana ŋgwal ŋa tsa, a ge akahər ana a sər Yesuw Kiristi zukw tsiye ivaɗ.