2 TIMUTE 2:3 - Bible Zulgo

³ Tikema gər ka, aà mege megemir Yesuw Kiristi nda ndzer ŋa kamala mala gùvəl ana a geye a ikaba ya ya. Hadzal ba yak aà mesewere are nda iye aɗaba ŋgat.

2 TIMUTE 2:3 ပူးပေါင်းရင်းမြစ်များ

Gà Ɓəzla Meslire 23:31

I dəba ŋa ya, gà sliwdze ata ta ge dər kamala ana ti tsik a tar a. Tə zla Pul ndaàvəɗ ata tsara, tə da à ŋgat a kwite Antipatiris.

1 Kurintiya 13:7

Taŋa wur ana a waya mburma ya ka, à gis a gəzləŋ i təv mesewere are ya tserdze. A simehe a a dukw ana mburma ta ger a ŋgwal ŋa tsiye fit mbaŋa. Ku ndeɗime, a de a aka miɗ aka miɗ nda magəsa Mbulum nda gəzləŋ ŋgar. A tike a madzala gà gər ŋgar ka, kəla pat a təv Mbulum, na dite dukw tserdze a de a i təv ŋgar lele ya.

1 Kurintiya 9:7

Wànà wele ana ŋgat sliwdze ya, a ge a megemir gùvəl ana, aà taf pəra ya? Awaŋ. Dite weke na, bəla aka fət gùvàh, aləka duwa aka nah ka, a zim a tsiye? A riŋ tsa. Weke na, à kiv a gà duwa ka, a ɗwits a awah ŋa, dite a se a tsiye? A riŋ tsa asa.

2 Kurintiya 1:6

Taŋa mər riŋ ihər mìi sèwèr a are ka, aɗaba kurum, dite Mbulum à me a kurumehe a à arəv nda ahər mər, aà kə ŋgatum ndzəɗa ika vatwa ŋgar asa. Taŋa Mbulum a mà a məraha à arəv ka, aɗaba kurum mbaŋa asa, na dite ki ŋgetwim a ndzəɗa ɓəŋɓəŋ nda təv megìse mbaŋa ya. Kamala taŋa ya, ki slwim a aà məbàsà gəzləŋ i təv mesewere are ana ki sèwèrwim a ya, kamala mər a mbaŋa.

1 TIMUTE 1:18

Kər kinehe ka, kamala kəla gà ya, Timute. Yàa miyak aba à bazlam aaha a ahər yak a, kamala ana gà ɓəzla məma à guma Mbulum ti tsik piŋŋe ndakahər yak a. Dzala aka bazlam tar ata lele, ma ne dukw ahər yak. Dite megemir yak ma da aka miɗ aka miɗ nda ŋgwal ŋa.

2 TIMUTE 1:1

Na a wetsekaha wakita aaha ka, iye Pul, mala meslire Yesuw Kiristi. Mbulum a waya, na dite a zla iye aà meslire ŋgar ata ya. A slər iye ka, aà meɗìfè à mesife ana a tsik ahər, a gwa ka, a ta vile a kwe a nda ahər Yesuw Kiristi ya.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

2 TIMUTE 3:11

nda gà matawak ana ta gewiŋ a, nda mesewere are gà ana i sèwèrewa ya ibam, makàhà ŋa aà kər a tsa mbaŋa asa. Kàa sər mesewere are ana a le aà iye ika ahəɗ gà Antakiya nda Ikuniya, nda gà i Listira ya tserdze. Ti sèwèriŋ are hinne ka, i fata. Ama ku mege tàa ge à iye kataya tekeɗe ka, BATSAH kwa ŋa a bewera aà iye i gà dukw ata ya tserdze.

2 TIMUTE 4:5

Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

FILIMUN 1:2

Mì wizeha Afiya, damər kwa ana dəm ŋa ya asa, nda Arkipus ana a ne sliwdze ika vatwa Mbulum kamala mər a mbaŋa, dite nda gà asiŋ gà mburma ana ti yahawabaha gər a təv yak aà mahàmà a Mbulum a mbaŋa asa.

IBƏRANIKWA 10:32

Ama kinehe ka, dzalum, kà sərum dər à mendze kurum ana piŋŋe, aka ana kà lah mendzwim i təv dzaydzay Mbulum ana ndərzayya, a da a gəzləŋ kurum a ka, mə̀ məts a kurum gər tsa. Akahər ata ka, gà mburma tàa sèwèr a kurum are hinne. Ama ku mege kataya tekeɗe, kàa dum aka miɗ aka miɗ nda ndzəɗa ɓəŋɓəŋ lele.

IBƏRANIKWA 11:27

Agəra megìse Musa ana a gəs Mbulum nda gəzləŋ a ka, a da ika ahəɗ Ezipt ya, tar nda gà asiŋ gà Isərayel. Ku mege Əbay gà Ezipt a ge a arəv nda təv ŋgar hinne tekeɗe ka, aka ge magəɗa tsa. A mà aba aà arəv ìŋgìk, a da aka miɗ aka miɗ kamala ana a riŋ a ŋget a a Mbulum ana wura a ŋgatawar nda are tsiye ya.*fo*

IBƏRANIKWA 6:15

Abəraham ibam, a tsaraka kataya ka, a gəs nda gəzləŋ ɓəŋɓəŋ lele, a veve a dukw ana Mbulum a tsiker a. I dəba ŋa ya ka, a ŋgat dukw ana Mbulum a gwaɗar, i ta vilek a ndzer a kuɗa.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.