2 TIMUTE 2:2 - Bible Zulgo

² Bazlam ana akahər ata kà tsarakawa i təv ga ya, ika miɗ gà mburma hinne ya ka, mà dər a gà mburma ana tar gà ɓəzla ndzer ŋa ya, dite ka, tar ti sle aà mimè a dər a gà mìsle ŋgiɗ mbaŋa ya.

2 TIMUTE 2:2 ပူးပေါင်းရင်းမြစ်များ

Mata 13:52

A gwaɗa a tar asa: «Aɗaba ku weke na a sər məpala ahəm Mbulum, aka gəs mekwere ŋgar lele ka, a ndzikiɗ ba ka, mala ga ana limana ŋgar a riŋ hinne, à mère a ka, à miviya ŋa, kige tsa, awiya ŋa asa ya.»

Mata 24:25

Taŋa ka, Yàa tsik a kurum aba ya daga aà kinehe ya, ndzum dər i zləm lele.

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

1 Kurintiya 4:2

Ama kəla ka, wele ana mala ga ŋgar aka məsakar à duwa a ahər a ka, a waya ŋgat ma ne ka, mala ndzer.

2 Kurintiya 2:14

Gekwa kəkaaha a Mbulum, aɗaba ana a dza mər a ahər a Yesuw Kiristi, dite ŋgat a ne Batsah mər ŋa, a de à mər a aka miɗ kəla pat. Kamala taŋa ya, a sàs a Mbulum ka, a ɗif a dər a mburma tserdze, dite ka, ku weke ma sər dər, Kiristi na a mba aà duwa tserdze ya. A slər mər, aà metsìkè bazlam ata aka gər Kiristi ya, dite ka, aà gà mburma tə sər ŋgat. Bazlam ata mìi tsik a ya ka, ar kamala wirdè ana a ze hwaŋŋà ya. A zehe a ka, aà gà mburma tserdze, ku mege a ŋga.

2 Kurintiya 3:5

Mì sər, ndzəɗa mər ana mìi ge a dər megemir ata ya, a dara ka, i təv Mbulum a, tsəka, mìi gweɗe a, mìi ge a megemir ata nda ahər mər ka, mìi tsik a tsa, aɗaba ana mì sle tsiye.

KULUSIYA 1:7

Kà lah metserekwim bazlam ŋgwal ŋa ata i təv Apafəras a. Ŋgat ka, wele ana mì waya ŋgat hinne, mìi ge a meslire Yesuw Kiristi i təv ilik ŋa ya. A ge a meslire Yesuw Kiristi i liwiŋ kurum ka, nda gəzləŋ ilik. A ge a ka, avukw mər.

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

1 TIMUTE 1:18

Kər kinehe ka, kamala kəla gà ya, Timute. Yàa miyak aba à bazlam aaha a ahər yak a, kamala ana gà ɓəzla məma à guma Mbulum ti tsik piŋŋe ndakahər yak a. Dzala aka bazlam tar ata lele, ma ne dukw ahər yak. Dite megemir yak ma da aka miɗ aka miɗ nda ŋgwal ŋa.

1 TIMUTE 4:14

Ka ta fə̀r aà ndzəɗa ana Mbulum a vəlak a, kamala dukw masakəŋa ya tsa. A vəlak ndzəɗa ata ka, daga piŋŋe, akahər ana gà ɓəzla məma à guma Mbulum ti ɗif à madzala gà gər Mbulum ana a dzala aɗaba kər a. A vəlak ka, ndakahər gà bàba ŋana ika magər gà mburma Mbulum, ta hamar, tə dzaya aka kər ahər a.

1 TIMUTE 4:6

Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

1 TIMUTE 5:22

Na aka sàsak mazla wura aà megemir i ga Mbulum ka, say fə̀r aà metsehe ŋgar lele dzekwiŋ, dite na ki tike aɗəm a ŋgat, ki tiker a ahər aka gər a. Ka tə ndàb a bakal gà mìsle ŋgiɗ tsa. Ama say kasla iɗəm ba yak a lele.

1 TIMUTE 6:12

Ne mala aka miɗ i təv magəsa gəzləŋ ana ika vatwa Mbulum a, kamala gà wele ana tì dzìr a ba aà mivele, ta mir aaba a sah lele ya. Gəs vatwa mesife ana à ndìv a tsa aà biybiy a nda gəzləŋ yak, dite ma ne biy yak. Aɗaba Mbulum a zalak ka, aà mesife ata akahər ata kà tsik ika miɗ mburma hinne, meme na kə̀ gəs bazlam Yesuw Kiristi nda ndzer a gəzləŋ yak a ya.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

2 TIMUTE 3:14

Ama kər kinehe ka, zazam bazlam ana ndzer ŋa, ti ɗifek dər aɗaba Mbulum, dite ka tike aaka madzala gà gər yak fit dze ya. Zazam aka miɗ aka miɗ nda gəzləŋ ilik, ka miyak dər tsa. Aɗaba kà sər ndzer, gà na ti dzeŋgek a lele,

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.