2 TIMUTE 1:9 - Bible Zulgo

⁹ Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 1:9 ပူးပေါင်းရင်းမြစ်များ

Mata 1:21

A ta we a kəla ŋa ka, asləka ŋa. Ki zeler a Yesuw, aɗaba a ta mbele a à gà mburma ŋgar i bakal tar a.»

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

Yuhana 17:9

I hemek a aɗaba tar, tsəka, agəra gà mburma ana ti zezem a gər ahəɗ a tsa. Ama i hemek a ka, agəra gà mburma ana kà dziŋ tar a ahər a, aɗaba tar ka, gà mburma yak.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Gà Ɓəzla Meslire 15:18

I tsik aba ya daga piŋŋe, dukw ana i gwa, i ta ge a aka miɗ mba ya.> «*fa*

Gà Ɓəzla Meslire 2:47

Tə zàmbaɗawa dər aà Mbulum hinne, gà mburma tserdze ta waya tar. Kəla pat BATSAH kwa ŋa a sə̀kàhawaha à gà mburma ana a mbala à tar a, aka gà ɓəzla magəsa ŋgat ata nda gəzləŋ ilik a.

RUMA 11:14

A sèsiŋ ka, bəla gà asiŋ ga ta ŋget a megemir ata i ge a ya ka, dite ŋgwilwim ŋgwilwim ta ge a are aka mege megemir ata i ge a ya, dite ka, tə dara, ta ge kataya, dite na Mbulum a mbil a à tar a.

RUMA 11:29

Aɗaba ana aka zal a mburma, aka vəlar duwa ka, aka ndəv pəra, tsəka, wetsèkèlek à mbìɗ a à madzala gà gər ŋgiɗ tsa.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

RUMA 3:20

Fə̀rum ahər, a ge a kataya ka, aɗaba wura ilik a sle a aà mene ŋgwal ŋa ika miɗ Mbulum agəra ana a zezem a məpala ahəm ŋgar a tsa. Aɗaba məpala ahəm ata à pèt a ka, à bakal a gà mburma ndərzayya ɗekɗek, na dite ka, ti sir ahər a lele ya.

RUMA 9:11

I təv ana aka wa tar zukw tsiye ka, Mbulum a tsik aɗaba gà ɓəza ata a ta we a ya, a gwaɗa a Rebeka: «Malahalah ŋana a ne a mala meslire a mala dəba.»*fc* Mbulum a tsiker kamala taŋa ya ka, aka na tàa wa tar zukw tsiye, dite ka, tàa mbər mege dukw ana ŋgwal ŋa ya, kige tsa na ŋgwal ŋa tsiye zukw tsa. A ge dər kataya ka, aà masəra dər, a gewa duwa ka, kamala ana ŋgat a waya ya. A pele a gà mburma ŋgar kataya, tits kamala ana a waya i gər ŋgar a, tsəka, aɗaba ŋgwal tar ana ta ge a ya tsa.

RUMA 9:24

Kwa kinehe tekeɗe ka, i liwiŋ tar mbaŋa. A pala ka, gà mburma ana ika magər gà Yahuda ya ɗekɗek tsa. A zal a kwa dər ka, i liwiŋ gà asiŋ gà mburma ŋgiɗ a mbaŋa.

1 Kurintiya 1:18

Aɗaba gà mburma ana tar ti dzeye a ya ka, tar ta fə̀r aà bazlam ata aka gər məməta *Kiristi ana a mət aà dizl magə̀làwà ŋa ya ka, kamala ana dukw falày taf masakəŋa ya. Ama kwa ana Mbulum a mbil à kwe a ya ka, kà sərakwa dər, taŋa na ndzəɗa Mbulum a.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 1:9

Aka ɗif a kwa à dukw ana daga piŋŋe, a sasar mege nda ahər Yesuw Kiristi ya. Aɗaba piŋŋe ka, makàhà ŋa. Ama kinehe ka, aka pàt aba.

EFESIYA 2:5

ku mege kwa kamala gà məməta ana ta mìt a i bakal a tekeɗe ya. Aɗaba taŋa na a mbəlara iɗəm a kwa, a vəl a kwa akaba mesife awiya ŋa nda gà Yesuw Kiristi ya. Ama ka, ma ta məts a kurum gər tsa: A mbəl à kwa ka, agəra ŋgwal ŋgar ana a vəl biy taf a.

EFESIYA 3:11

Kərga taŋa ya, a ge kataya ka, kamala ana a gwa ka, i ta ge a mba, akahər ana aka ge gər ahəɗ zukw tsiye. A ge taŋa ka, nda ahər Yesuw Kiristi Batsah kwa ŋana.

FILIPIYA 3:14

Iye ihər i vel a ɗegìrgìr aà mendze a təv ana i ndze a iɗəm a ya, dite i ta ŋget a dukw mayaba ana Mbulum a gwa, a ta vile a kwe a ya. Na a ne dukw mayaba ata ka, mesife awiya ŋa ana i ŋget a i təv ŋgar i gər ŋa aɗaba Yesuw Kiristi ya.

1 TESALUNIKE 4:7

Aɗaba Mbulum a zal a kwa ka, aà mege mezelme tsa. A zal a kwa ka, na dite ki nekwe a gà tsəɗaŋŋa ika miɗ ŋgar a ivaɗ.

1 TIMUTE 1:1

Na a wetse wakita aaha ka, iye Pul, mala meslire Yesuw Kiristi. Gà Mbulum, mala məmbə̀là à kwa, nda Yesuw Kiristi ata, wele ana kà sərakwa nda madzala gà gər kwa ka, a ta ge a dukw ana aka mbər metsìkè a kwa ya, na tə slərra iye ya ya.

2 TIMUTE 1:1

Na a wetsekaha wakita aaha ka, iye Pul, mala meslire Yesuw Kiristi. Mbulum a waya, na dite a zla iye aà meslire ŋgar ata ya. A slər iye ka, aà meɗìfè à mesife ana a tsik ahər, a gwa ka, a ta vile a kwe a nda ahər Yesuw Kiristi ya.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 17:8

Dukw dala ata kə ŋgatar a ka, a riŋ nda gà mesife piŋŋe, ama kinehe ka, mesife ŋgar a riŋ asa tsa. Dite a ta mère a i biye ana kwitsikw ŋa ya ka, bise asa mbaŋa. Aka màra ka, Mbulum a ta kiɗ a ŋgat a biye fit kweleŋ. Akahər ana Mbulum a ge gər ahəɗ a ka, aka wetse aba zləm gà mburma ana ti ta ŋget a mesife ya, a wakita ŋgar a, dite gà na aka wetseye tar tsiye tekeɗe, tar riŋ i ŋgal mbaŋa. Gà taŋa aka wetseye tsiye, ti ta ŋget a dukw dala ata ka, a ta ge aà ter a kamala dukw mene aà mburma ya. Aɗaba piŋŋe ka, a riŋ nda gà mesife ŋgar, dite kinehe ka, a riŋ nda mesife asa tsa. Ama a pat ŋgiɗ ka, a ta mère a mba asa.