2 TIMUTE 1:7 - Bible Zulgo

⁷ Aɗaba Mezite Mesife ana Mbulum a vəl a kwa ya ka, aka ne à kwa gà ɓəzla magəɗa tsa. Ama a vəl a kwa ka, ndzəɗa ivaɗ, nda meweye kwa ana ki weyekwe a mburma ya, dite nda makwàrà ba kwa ana ki kwerekwe a ba ya ivaɗ asa.

2 TIMUTE 1:7 ပူးပေါင်းရင်းမြစ်များ

Luka 10:19

Kinehe ka, Yàa vəl a kurum ndzəɗa aà məɓàlà aka gà mesiwiɗ, nda gà hìrde, dite Yàa vəl a kurum ndzəɗa aà makwàrà mala mene are kurum tserdze mbaŋa, duwa a riŋ a ge a kurum a duwa tsidze.

Luka 15:17

I fataya ka, a dza ba aà madzala gà gər aka mendze ŋgar ana a ndzawa i təv tsir ŋgar a. A gwa:

Luka 24:49

Ama ka, i slir a kurumara a dukw ana Tsir gà a tsik i sida ya, a gwa, i ta vile a kurum a ya. Kinehe ka, ndzum ɗa i faha, haa a təv ana kàa ŋgatum ndzəɗa ana a dere a i gər ŋa i təv Mbulum a.»

Luka 8:35

Gà mburma ata tə tsaraka ka, tə dayaha aà mesèmete dukw ana a ge ba ya. Ti ndzeha a təv Yesuw ka, tàa le aà wele ana a dalawarra i ba gà sitene ya, ŋgat a riŋ mandza ŋa aà sik Yesuw nda gà petek ikaba lele kuɗa. Madzala gà gər ŋgar ibam, lele mbaŋa. A ge magəɗa a gà mburma ata tə daha ya hinne tsara.

Yuhana 14:27

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 21:13

Ama a gwaɗa a mər: «Aàmala na ki tiwwim a, ki dzwìm a aà iye magəɗa asa ya? Iye ka, Yàa hadzal ba ga, Yàa dzala ka, ti ti dzew a iye ana, meme tsa. Aɗaba ku mege i ta mìt a a Yeruzalem agəra Yesuw BATSAH kwa ŋa tekeɗe ka, à lèh a duwa tsa.»

Gà Ɓəzla Meslire 26:11

I sèwèrewa a tar are hinne i gà ga mahàmà a Mbulum ana i fataya, dite ka, ta miyak à magəsa Yesuw fit. Matsəɓatsəɓ ga ika gər tar hinne. I yahawa tar, ku mege i gà kwite ŋgiɗ a diriŋ tekeɗe. I dawa aka tar pəra, aà mesewere a tar are.»

Gà Ɓəzla Meslire 26:25

Pul a gwaɗar aaka: «Yàa be a dala tsa, batsah Əbay. Dukw ana i tsik a ya ka, nda ndzer ŋa nda metsehe gà lele, pàrsa iɗəm tsa.

Gà Ɓəzla Meslire 6:8

Ama Mbulum a pise ahəm a Etiyen, a vəlar ndzəɗa, dite a gewa gà dukw mene à mburma hinne nda gà dukw ŋgiɗ pampam ika magər gà mburma.

Gà Ɓəzla Meslire 9:22

Tsaatsa Sawul ivaɗ ka, a tsikewa bazlam Mbulum nda ndzəɗa kəla pat. Gà Yahuda ana tar mandza ŋa i Damas a, tə̀ sər dukw ana ti tsiker a aaka ya asa tsa, aɗaba tə tsaraka dukw ana a ɗif a dər a mburma, a gwa: «Yesuw ka, mala məmbə̀là à mburma ana Mbulum a gwa, i slir a kurumehe a ya.»

RUMA 5:5

Na ki dzelekwe aaka a gà gər kamala taŋa ŋa ya ka, biy taf masakəŋa tsa. Mbulum à mbìɗ a kwe a dəba tsa dukw ŋgar. Aɗaba a ɗif a kwa ka, à meweye ŋgar ana a waya kwa hinne ya. A ɗif a kwa dər kataya ka, nda ahər Mezite Mesife ŋgar ana a vəl a kwa ya.

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

1 Kurintiya 2:4

I màwa a kurum à bazlam Mbulum, i ɗifewa a kurum dər. Dukw ana i tsikewa a kurum a ka, a dara i metsehe mburma ya tsa. Yàa bana kurum nda bazlam ilik tsidze. Ama Mezite Mesife Mbulum na a ɗif a kurum à bazlam gà ata nda ndzəɗa ŋgar ndzer kaɗəŋ a.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

KULUSIYA 1:8

Ŋgat na a tsik a mər bazlam aka gər mawàyà mburma kurum ana kà wayum gà asiŋ gà mburma ŋgiɗ, nda ndzəɗa Mezite Mesife ana Mbulum a vəl a kurum a ya.

IBƏRANIKWA 2:15

Akahər ata ka, gà mburma tserdze ta ge a magəɗa a məməta i təv mendze tar ana ti ndze a ya, kamala ɓele ana a ge a magəɗa a mala ga ŋgar a. Ama Yesuw a mət aɗaba tar ata ka, a bera à tar i magəɗa məməta ata ya.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 Yuhana 4:18

Wur ana Mbulum a waya ŋgat a ka, a ta ge a magəɗa tsa, aɗaba meweye Mbulum ana a waya kwa nda ndzer ŋa aka ge mege megemir i gəzləŋ kwa lele ka, a delewe a à kwa magəɗa ya fit dze. Dukw ana a ge a magəɗa a mburma ya ka, seriye Mbulum. Aɗaba taŋa, na wura a ge a magəɗa ka, meweye Mbulum ana a waya ŋgat a ka, ar i gəzləŋ ŋgar fit kamala ana a sàs a Mbulum a tsa.