2 TIMUTE 1:4 - Bible Zulgo

⁴ Tuwa yak ata akahər ata ka tuwa aka iye ya i təv ana kà tama aba ya ka, aka mìtsiŋ gər tsa. Kər riŋ ki kìviŋ a ka, hinne. A sèsiŋ ka, ki ŋgetemebe a asa, na dite maŋgayaba à rèh a a gəzləŋ gà ya.

2 TIMUTE 1:4 ပူးပေါင်းရင်းမြစ်များ

Yuhana 16:22

Kamala taŋa ya, i təv kurum tekeɗe, kataya mbaŋa. Taŋa i təv kurum i faha ka, ki gwim a arəv hinne. Ama i dəba ŋa ya ka, ki ta ŋgetekewebe a asa. Ki ta ŋgeywim a ba hinne, dite wura ilik a sle a aà mazla aà kurum dukw maŋgayaba ata ya asa tsa.

Yuhana 16:24

Haa kinehe tekeɗe, kàa wizwim duwa nda zləm gà zukw tsa. Ama ka, wizwim ahər, a vile a kurum a dukw ana kà wizwim a, dite ka, maŋgayaba mà rah a gəzləŋ kurum tsìsl lele.»

Gà Ɓəzla Meslire 20:19

Yàa ge meslire BATSAH kwa ŋa nda mahə̀nà gər a bəɗ lele, dite tàa sèwèriŋ aɗəm are hinne asa nda gà tuwa, agəra gà Yahuda ana ti dewa aà iye ala ya.

Gà Ɓəzla Meslire 20:31

Aɗaba taŋa, ndzum nda metsehe, sərum dər ka, Yàa gàsl aà metsìkè a kurum nda gà tuwa ilik ilik tserdze, ku ndaàvəɗ, ku ndaàpat, haa a ge mive makər.

RUMA 1:11

Aɗaba a sèsiŋ ka, hinne na i ŋget a kurum a te, dite ka, Mbulum a pise a kurum a ahəm nda ahər Mezite Mesife ŋgar a. Kamala taŋa ya, na Yàa daha a təv kurum ka, a sèsiŋ ki ŋgetwim a ndzəɗa a gəzləŋ kurum ɓəŋɓəŋ lele.

FILIPIYA 1:8

Mbulum ka, a sər meme na i waya kurum hinne ya. Meweye ata i waya kurum a, a dara ka, i təv Yesuw Kiristi ya.

FILIPIYA 2:26

Aɗaba a waya madaha a təv kurum hinne, gər aka wiser, ki kìvwimeriŋa, aɗaba ana ŋgat a tsaraka ka, ta gwa là, kàa tsarakum dukw məməta ŋgar aaha a gəs ɗa ŋgat a ya.

1 TESALUNIKE 2:17

Gà damər mər, i təv ana mì mah ba, mì da aà kurum a ka, kàa kə̀vum a mər hinne. Mì da aà kurum a, i ŋgat a kurum a tsəka, nda are ɗekɗek pəra. Ama i gəzləŋ mər ka, kamala ana mər mandza ŋa i təv kurum a hiywe. Mì yahawa vatwa ka, hinne na mì waya məfə̀rà aka kurum asa ya.

2 TIMUTE 4:21

I gik kamkam, dara a təv ga ya bise, na dite ələk mə̀tasl à dze ahər a ba ka, kàa mbər medera ya. Gà Awubulus nda Pudenas nda gà Linus, nda gà Kəlawdiya məkəs ŋa, nda gà asiŋ gà mburma ana ɗa ti ne gà damər kwa ika vatwa Mbulum i faha ya tserdze, ta gikeha wusa mbaŋa.

2 TIMUTE 4:9

Kamkam, dara a təv ga ya bise, kə gasa aaba tsa.

1 Yuhana 1:4

Mì wetse a kurumaha gà dukw ata ka, na dite maŋgayaba kwa ana ki ŋgeyekwe a ba ya ka, mà rah a gəzləŋ kwa lele ya.

Sunwa Yuhana 21:4

A ta bere a aà tar tuwa à are tar a tserdze. Ti ta mete a asa tsa, dite gà dukw ana à tsìɓ a ter a ya ka, a riŋ asa tsa mbaŋa. Ti tiwe a asa tsa, dite duwa ilik a ta wir aà ter a asa tsidze. Gà dukw ana gà miviye ŋa ya tserdze ka, ti ta ge a riŋ asa tsa.»

Sunwa Yuhana 7:17

Aɗaba Kəla Təmaŋ ata ika magər təv mendze Əbay ata ya, na a ti ne a mala makəva tar, a ɗif a ter a à vatwa biye yam ana a vile a mesife a mburma ya ya. Dite Mbulum tekeɗe, a bere a tuwa yemere ika gà are tar a tserdze asa mbaŋa.»