2 TESALUNIKE 3:2 - Bible Zulgo

² Dite hamum a Mbulum asa mbaŋa ka, ma kasla mər i təv gà mburma ana metsehe tar manəsa ŋa, ta ge a mər a dukw ana ŋgwala tsiye ya. Aɗaba gà mburma tserdze tsa na ta gis a bazlam Mbulum a.

2 TESALUNIKE 3:2 ပူးပေါင်းရင်းမြစ်များ

Mata 17:17

Yesuw a gwaɗa a tar akaba tserdze: «A kurum gà mburma ana kì giswim iye nda gəzləŋ kurum tsa, dite kurum gà manəsa ŋa asa ya. Wànà iye dze ana, i gesl a aà metsike a kurum dze ana, hilè, na dite ki giswim a iye ya. I ndze a dze ana, hilè ɓav a, na ika magər kurum a. A za dumaha, ka zlwimiŋara kəla ŋa a faha ya kwaŋ.»

Mata 23:23

A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba kurum kà yahawum gər a gà dukw mezime kurum ana i dala ya ka, ku mege dukw ana a ɗe a hinne tsa kwizikw a tekeɗe, ki livwime a kurwa, dite ki vilwim a ihər a Mbulum a ilik. Ama məpala ahəm Mbulum ana ŋgwal ŋa, biy megìse a gəzləŋ nda mezezeme lele ya ka, kà miyakum dər ivaɗ dze ana, meme? Kamala megweɗe ya: Mege dukw ana ndaka vatwa ŋa ya, nda mege dukw ana ŋgwal ŋa ya a mburma, dite magəsa Mbulum nda gəzləŋ. Ana ka, ki gwim a gà taŋa dzekwiŋ, na dite ki gwim a gà naha kuɗa mbaŋa ya.»

Luka 18:8

Iye ihər i tsik a kurum ŋa: A ta gis a bazlam tar bise. Ama kəla ka, i təv ana iye, *wur ana a dara i təv Mbulum a, i dere a ya ana, wànà i ti lere a aà gà mburma ya nda gà megìse iye i gəzləŋ tar ika gər ahəɗ a?»

Gà Ɓəzla Meslire 13:45

Ama gà Yahuda ana i fataya, ta ŋgat a mayahaba gər gà mburma ata ka, a tsahən aà tar tsa, ta ge aka ter a are. Ta bets a ba nda arəv kweleŋ. Ta mbetse ahəm aka dukw ana Pul a tsiker a tsara ya, nda mandàvàyàr pìslìɗìɗe.

Gà Ɓəzla Meslire 13:50

Ama gà Yahuda ana i fataya, tə slər gà ŋgwal gà bàba gà məkəs ana i magər tar ti ne gà Yahuda ya, nda gà ŋgwal gà mburma ana i kwite ata ya tserdze, aà gà Pul nda Barnabas. Tə daha, ti sèwèr a tar are hinne, tə dəgəz tar ika ahəɗ ata ya fit.

Gà Ɓəzla Meslire 14:2

Dite gà asiŋ gà Yahuda ana tàa gəs bazlam ata tsiye, tə slər gà na gà Yahuda tsiye, aà gà na ta gəs a, dite ka, tə dzala dukw ana ŋgwal ŋa tsiye, nda təv tar.

Gà Ɓəzla Meslire 17:5

Ama i dəba megìse tar ata ya ka, gà asiŋ gà Yahuda ana ta gəs tsiye, ti ne are a gà Pul nda Silas hinne. Tə daha, ti yaha gər a gà ɓəzla gə̀rlàkà na tar riŋ tì sìweye a ika bàrama məfàrà ŋa ya, dite ka, tə sùwaya à bazlam ana ŋgwala tsiye i kə̀sà agəra gà Pul nda Silas. Tə daha, ta wuba à bazlam ata i huɗ kwite ata fit. Aləka gà mburma tə tsaraka kataya ka, tə daha a bəra Yasun. Ti le a ga ŋgar tits, aɗaba wele ata ka, a gəs bazlam gà Pul nda Silas. Tə ndzawa ka, i ma ŋgar. A sàs a tar magàsàra tar a magər mburma a bəra ya.

Gà Ɓəzla Meslire 25:27

Aɗaba i dzala ka, lele tsidze na ki zle a mburma a daŋgay kataya, ki slir a ŋgat a təv batsah Əbay a Ruma, dite ki wetser a wakita a ahər ka, ka ze mesire bakal ŋgar ana a geye ya.»

Gà Ɓəzla Meslire 28:24

I huɗ bazlam ŋgar ata ya ya ka, gà mìsle ŋgiɗ əŋgal tàa gəs. Ama gà asiŋ gà mìsle ŋgiɗ tàa gəs tsa.

RUMA 10:16

Ama ku mege tàa tsaraka bazlam ata tekeɗe ka, gà mburma ndaw tsa na ta gəs nda gəzləŋ tar a. Ezaya, mala məma à guma Mbulum ana akahər ata ya tekeɗe ka, aka mbər metsike, a gwa: «Batsah mər ŋa, kù gwa ana, bazlam ana mì tsik a ana, ndaw a na ta gəs a?»*ff*

RUMA 15:31

na dite Yàa da aka ahəɗ Yuda ka, gà mburma ana iɗəm, tə sər Yesuw Kiristi tsiye, a zlèk a iye i ahər tar a. Hamumar mbaŋa ka, na dite dukw ana i ahər gà ya, mà tsahən aà gà mburma ŋgar ana a riŋ i Yeruzalem i fataya.

1 Kurintiya 15:32

Gà asiŋ gà mburma ana ɗa i kwite Efesiya ya, tàa sèwèriŋ are ka, hinne. Ar ka, kamala ana i ge gùvəl aà gà dukw dala ana gà ŋgwal ŋa tsiye. Na bəla i dzele a ka, kamala ana gà mburma gər ahəɗ ti dzele a ya ana, dite gùvəl ata i ge a ya ana, a giŋ a ŋgulum la? Na mege Mbulum a ta mbilere a à mburma i məməta ya tsəka, ana ka, ŋgulum zazamakwa bazlam minew ata, a gwa ka: «Gekwa məburnun, zəmakwa aba dukw mezime ya, kà sakwa guzum, aɗaba pat ŋgiɗ ka, sìkwèɗ duwa kwa a ta ge a riŋ asa tsa, ki metekwe a fit.»*fd*

1 TESALUNIKE 2:18

Aɗaba taŋa na a sàs a mər məmbə̀ɗaha gər a təv kurum a. Iye Pul nda gər gà, i gwaɗawa, i dehe a, i ta fir aka kurumere a asa te ka, sik diŋ. Ama ka, Əbay sitene aka vəl a mər vatwa tsa.

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.