2 TESALUNIKE 2:9 - Bible Zulgo

⁹ Mala mene are a Mbulum ata a dere a ka, nda ndzəɗa Əbay sitene ya. Kamala taŋa ya, a ta ge a gà dukw mene aà mburma pampam hinne, a sasar na a bene a dər mburma nda dukw pàrsa ŋgar ata ya.

2 TESALUNIKE 2:9 ပူးပေါင်းရင်းမြစ်များ

Mata 12:22

Aləka i dəba ŋa ya, tə daha à wele duwa a Yesuw. Wele ata ka, sitene i ba ŋgar, a ge à ŋgat mandək ŋa nda guluf. Yesuw a mbəl à ŋgat, tsam ka, a fàfəl lele, a ŋgat a vatwa lele asa mbaŋa.

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 4:10

I fataya ka, Yesuw a gwaɗar kuɗa: «I sər kər ka, Əbay sitene. Da i təv ga ya, aɗaba mewetse ŋa a riŋ i wakita Mbulum ka, a gwa: «*fd*

Markus 13:22

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta geye a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Luka 11:25

Aləka aka màra ka, a le a aà ga ŋgar ata məfàɗà ŋa, kàzlàŋa malàmbàɗà ŋa tits tits lele.

Yuhana 4:48

Yesuw a gwaɗar aaka: «Ama kurum ka, ki giswim a iye tsa, say na kàa ŋgatum a gà dukw mene aà mburma ana i ge a ya dzekwiŋ.»

Yuhana 8:41

Kurum ihər ki meswim a ka, à dukw ana tsir kurum ata a gewa ya.» Ta gwaɗar aaka: «Tsir mər ka, Mbulum ilik. Mər ka, gà madazla tsa.»

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

Gà Ɓəzla Meslire 13:10

A gwaɗar: «A kər wele aaha, wirwir i ba yak ka, hinne, dite mayaha ahəm ibam, hinne asa. Kər na kəla Əbay sitene ya, kər asa na mala mene are a dukw ana ŋgwal ŋa tserdze ya. Wànà ki ta miyek a à welewele dze ana, ndeɗime? Na kà waya mene pàrsa à ndzer ŋa Mbulum a.

2 Kurintiya 11:14

Taŋa ka, ma ge aà kurum kamala dukw mene aà mburma ya tsa. Aɗaba pat ŋgiɗ Əbay sitene nda gər ŋgar tekeɗe ka, a ne a à ba ŋgar kamala ana ŋgat ka, gawla Mbulum ana a dara i təv dzaydzay ŋa ya mbaŋa.

2 Kurintiya 11:3

Iye ihər i ge a magəɗa, aɗaba biytsà wura a riŋ a peze a kurum a za, metsehe kurum ana ki zezemwim a dər Kiristi nda gəzləŋ ilik a ka, a ge a riŋ asa tsa. Aɗaba kurum kà sərum, meme na mesiwiɗ ata a daha, a paza za a Hawa nda wirwir a mbaŋa ya.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

2 TIMUTE 3:8

Gà ɓəzla məbànà mburma ata ka, tàa niw dukw ana ndzer a, kamala gà Yanas nda Yembires ana ti niw bazlam Musa, ta màr à bakal akahər ata ya mbaŋa. Metsehe ana i gər tar a ka, manəsa ŋa fit. Tàa dzawa ika vatwa Mbulum ana zləmana ta gis a a gəzləŋ tar a.

YAKUBA 3:15

Medzìbe metsehe ata a dara ka, i təv Mbulum ana i gər ŋa ya tsa. A dara ka, ika gər ahəɗ a, nda gà i madzala gà gər mburma ya, nda gà i təv Əbay sitene ya ivaɗ.

Sunwa Yuhana 12:17

Aləka kə̀rəm ata a samata kataya tsara ka, a ge matsəɓatsəɓ hinne nda təv məkəs ata. A mbəɗara gər a dəba ya, a dara, a ge gùvəl aà gà asiŋ gà ɓəza ŋgar ŋgiɗ. Gà ɓəza ŋgar ata ka, gà na ta gəsawa ahəm aà Mbulum, nda mazazama ndzer Yesuw ana a ɗif dər a ya.

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 18:23

Gà lalampa kurum tekeɗe, ti ti div a dzaydzay asa tsa mbaŋa, na i təv kurum a. Ti ti tsereke a Mewideye duwa huwwa biy gà na ti ndzek a gà daala ya, nda gà daala ana ti deye a a zal a asa tsidze, na i fataya. Aɗaba piŋŋe ka, gà ɓəzla metsèkèle ana i kwite kurum a, tə za dər gà asiŋ ŋa ana ika gər ahəɗ tserdze ya, nda limana. Dite kà banayawum mburma tserdze, ku mege i ŋga, nda gà dukw gà mèdè kurum ata nda pàrsa ya. Aɗaba taŋa na a nəs à kurum nda seriye ya.»

Sunwa Yuhana 19:20

I təv ana tar ihər ta ge a gùvəl ata ya ka, gà wele ata nda gà sliwdze ŋgar a, ta gasa gà dukw dala ata nda wele ana a gwa aà ba ŋgar ka, waytsà iye mala məma à guma Mbulum, tsaatsa pàrsa ya fit. Aɗaba ŋgat na a geye gà dukw mene aà mburma ika miɗ dukw dala ata ya. Kamala taŋa ya, a banawa gà na lambà dukw dala ata aà ba tar, dite bəla ku mege gà na tə dzawa gurmits a bəɗ a mendzikiɗe ba ŋgar a ya. Gà wele ata nda gà sliwdze ŋgar a, ta gasa gà dukw dala ata nda mala məma à guma ŋgar a ka, tə dza à tar a magər akwa kamala a duluv a, nda are kataya. Ama akwa ata ka, ar ka, kamala dukw ana a wene a wàfùfùffa ya.

Sunwa Yuhana 20:10

Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.

Sunwa Yuhana 9:11

Əbay tar ka, gawla na a kwere a tar i batsah biye ata kwitsikw a. Tə zalar ndaka ahəm gà Ibəranikwa ka, «Abadun», ndaka ahəm gà Girek tekeɗe ibam, «Apuliyun», kamala megweɗe ya ka, «Mala Swalwa. »