2 Piyer 3:7 - Bible Zulgo

⁷ Ama gər ahəɗ nda gəza mbulum ana kinehe ya ka, ti ndze a ɓav tsa. Tits a təv ana Mbulum a tsik a ka, a wene a nda akwa hilɓèk hilɓèk kuɗa. Aɗaba kinehe ka, Mbulum a waya mandza zaakwa tə̀ma, haa a pat ana a ta ge a seriye a gà mburma tserdze, a bets a iɗəm gà na ta gəs ahəm ŋgar tsiye ya.

2 Piyer 3:7 ပူးပေါင်းရင်းမြစ်များ

Mata 10:15

Aɗaba taŋa, iye ihər i gweɗe a kurum a nda ndzer, pàrsa iɗəm tsa: A pat seriye Mbulum ka, i tar ka, mawùràba ŋa, biy gà Suduma nda gà Gumura duwa i təv a tsa.»

Mata 11:22

Aɗaba taŋa, iye ihər i gweɗe a kurum ŋa: A pat seriye Mbulum ka, mesewere are ŋa i kurum a ta ge a ka, ŋgulum biy gà mburma ata i kwite gà Tirus nda Sidun a.

Mata 11:24

Aɗaba taŋa asa iye ihər i gweɗe a, a pat seriye Mbulum ka, mesewere are ŋa biy kurum ata a ge a ka, ŋgulum biy gà mburma ata i kwite Suduma ya.»

Mata 12:36

Ama iye ihər i gweɗe a kurum ŋa: A pat seriye Mbulum ka, ku mege bazlam awara tekeɗe, zləməŋa na gà mburma ti tsikewa kinehe taf a ka, ti ta me a ter a à bakal ŋa.

Mata 24:35

Gà kuvəl mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Markus 6:11

Na gà mburma ana i kwite ŋgiɗ a, ta waya kurum tsa, nda gà bəla tàa niw dukw ana ki tsikwim a ter a ya ka, ki tetekwim a aba à gà ahəɗ tar aà sik kurum a, dite ki dwim a aka miɗ dukw kurum. Taŋa ka, kamala megweɗe ya: Maa be a kurum à ɗaf, sida ŋa ika gər kurum.»

Yuhana 12:48

Wur ana aka niw iye, aka gəs bazlam gà tsəka, seriye à gis a ŋgat a pat mandəvandəv gər ahəɗ ana Mbulum a ta ge a seriye aà mburma ya. Bazlam gà ana i tsik a ya pəra na à gis a ŋgat i seriye a pat ata ya.

RUMA 2:5

Ama kurum ka, segeme i gər kurum hinne, a sàs a kurum məmbə̀ɗà à madzala gà gər kurum a təv Mbulum tsa. Kamala taŋa ya, kurum ihər ki sìkèhwim a ka, à ndzəɗa a seriye Mbulum ana à gis a dər kurum a. A pat seriye ata ka, Mbulum a pèt a à matsəɓatsəɓ ŋgar ndərzayya aka miɗ mburma tserdze. Dite à ses a ter a ikaba seriye ya ka, ndaka vatwa ŋa kalkal lele.

1 Kurintiya 3:13

Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.

FILIPIYA 1:28

Ka ta gwim magəɗa aɗaba gà ɓəzla mene are kurum kwizikw tsidze. Na kàa gwim magəɗa tsəka, tar ti sir a dər, tàa dzeye ika miɗ Mbulum a. Ama kurum ka, kà sərum dər, Mbulum a ta mbil a à kurum ŋa. Mbulum na a ti ɗif a ter a à dukw ata ya.

2 TESALUNIKE 2:3

Wura ilik ma ta bana kurum tsidze. Aɗaba a pat ana à mère a ya ka, kataya tsa. Malahalah ŋa ka, say gà mburma hinne ti niw a Mbulum, nda gà wele ana a ner a are, a ti dzeye a iɗəm à ŋgat a, a dere a dzekwiŋ. Dite i dəba ŋa ya ka, pat ŋa a ndzere a kuɗa.

1 TIMUTE 6:9

Ama gà na ta waya mesikehe à limana hinne ya ka, Əbay sitene na a beze a ter a za ya, tì dìɗ a a ɓele ŋgar mba. Ti dzele a gà gər ka, aka meèweke gà dukw pampam. Gà dukw ata na a vile a ter a mendìfè sik masakəŋa ika vatwa ya ya, dite a nis à ter a, ti dzeye a kweleŋ a.

IBƏRANIKWA 12:29

Aɗaba ndzer kaɗəŋ, Mbulum ana ki zlìbekwe a à ŋgat a ka, a ne kamala akwa ana wànə̀nə̀nna a wene a dukw tserdze ya.

2 Piyer 2:9

Gà dukw ata ta geye ba akahər ata ya ka, ti ɗif a kwa dər ka, Mbulum a səraba dukw ŋgar, meme na a ta mbele a à gà mburma ŋgar i mesewere are tar ana tì sèwèr a ya. Ama a ɗif a kwe a dər asa ka, a sər dər, meme na a ta vile a mesewere are a gà na ta ge a dukw ana ŋgwal ŋa tsiye ya. A veve a dər haa a pat ana a ta ge a ter a seriye ya.

2 Piyer 3:10

Ku mege kataya tekeɗe, pat ŋa aka ndze aɗəm ka, Yesuw Kiristi BATSAH kwa ŋa à mère a ndzer, pàrsa iɗəm tsa. A mère a kəla ka, kamala mala akəl ana sèrèh a dere a ka, wura a sir ahər a tsiye. A pat ata ka, gà mburma ti tsereke a meɗè gà dukw ana a ɗe a ŋgùzlàr ŋgùzlar kamala malaka mbulum a, na gəza mbulum à ndìv a ya. Akwa a wene a gà dukw ata tserdze gà madzàvà ŋa aà gəza mbulum a, sirikw sirikw. Dite gà ahəɗ nda gà dukw ana ikəka tserdze ya tekeɗe ka, ndìrɓek ndìrɓek a weniŋa.

2 Piyer 3:12

Vavum pat ana Mbulum à mère a ya, kəla pat. Gwim mege megemir ŋgar tserdze lele, na dite à mère a bise ya. A pat ata ka, gəza mbulum a wene a sirikw sirikw, fit a nisiŋa. Dite mawusawus ana gà madzàvà ŋa aà gəza mbulum a ka, wàfùfùfùffa ta wilezliŋa, a tèkwe a, duwa ilik a zehe a tsidze.

1 Yuhana 4:17

Na kà wayakwa tar nda ndzer ŋa lele kamala taŋa ya ka, aləka a pat seriye Mbulum ana a ta ge a kwe a ya ka, ki gekwe a magəɗa tsidze. Ki gekwe a magəɗa tsəka, aɗaba mendze kwa ana ki ndzekwe a ika gər ahəɗ kinehe ya ka, ar ka, kamala mendze Yesuw Kiristi ana a ndza ɗa ika gər ahəɗ a mbaŋa.

Yuda 1:7

Gà kwite ata tə zal a tar gà Suduma nda Gumura, dite gà asiŋ gà kwite ana ta mbe a taraha ya ka, ta məts a kurum gər tsa mbaŋa. Gà mburma ana i fataya ka, ta gewa mezelme, kamala na gà gawla Mbulum ata ta ge a ya. Ta gewa ka, dukw ana ŋgwal ŋa tsiye pampam, a tsahən biy mege a kurum tsiye, dite biy metsike tsa asa ya. Mbulum a tàtə̀k a gà mburma ata ka, a dza tar a akwa ana a mbete a tsa aà biybiy a. Kamala taŋa ya, Mbulum a be à ɗaf a gà mburma tserdze kataya ka, dite ku weke ma sər dər, Mbulum a ge a medzibe gà mburma ata ka, kataya.

Sunwa Yuhana 17:11

Dukw dala ata a riŋ nda gà mesife piŋŋe ya, ama kinehe ka, a riŋ asa tsiye. Ŋgat ka, Əbay matsamakər ŋana. Aɗaba piŋŋe ka, a riŋ i liwiŋ gà Əbay ata təsəla ya. Aka màra ka, Mbulum a ti dzeye a iɗəm à ŋgat a fit a biye.

Sunwa Yuhana 17:8

Dukw dala ata kə ŋgatar a ka, a riŋ nda gà mesife piŋŋe, ama kinehe ka, mesife ŋgar a riŋ asa tsa. Dite a ta mère a i biye ana kwitsikw ŋa ya ka, bise asa mbaŋa. Aka màra ka, Mbulum a ta kiɗ a ŋgat a biye fit kweleŋ. Akahər ana Mbulum a ge gər ahəɗ a ka, aka wetse aba zləm gà mburma ana ti ta ŋget a mesife ya, a wakita ŋgar a, dite gà na aka wetseye tar tsiye tekeɗe, tar riŋ i ŋgal mbaŋa. Gà taŋa aka wetseye tsiye, ti ta ŋget a dukw dala ata ka, a ta ge aà ter a kamala dukw mene aà mburma ya. Aɗaba piŋŋe ka, a riŋ nda gà mesife ŋgar, dite kinehe ka, a riŋ nda mesife asa tsa. Ama a pat ŋgiɗ ka, a ta mère a mba asa.

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.

Sunwa Yuhana 21:1

I dəba ŋa ya asa ka, i ŋgataha a gà gəza mbulum awiya ŋana nda gər ahəɗ ana awiya ŋa ya. Ama gà gəza mbulum malahalah ŋana, nda gər ahəɗ malahalah ŋana ka, tar riŋ asa tsa, tàa dzeye. Dite batsah duluv tekeɗe, a riŋ asa tsa, aka dzeye mbaŋa.