2 Piyer 3:16 - Bible Zulgo

¹⁶ A tsikewa taŋa ka, kəla pat na a wetse aka gər gà dukw ata i huɗ gà wakita ŋgar a. Ama kəla ka, dukw ŋgiɗ a riŋ i huɗ gà wakita ŋgar ata ka, mawùràba ŋa, a tsereke a ba bise tsa. Gà mburma ata tə səraha duwa tsa, gəzləŋ tar a ndze a wèkit wèkit a ka, ta mbìɗ a à dukw ana bazlam ata a sasar aà megweɗe ya. Ti dzev aaka a ka, wìrɗìɗìɗe nda pàrsa. Ta ge a dər ka, kamala ana ta gewa à gà asiŋ gà bazlam ana i wakita Mbulum a mbaŋa. Kamala taŋa ya, tar ka, ta bets a ba tar nda ahər tar ŋa.

2 Piyer 3:16 ပူးပေါင်းရင်းမြစ်များ

Mata 15:3

Yesuw a gwaɗa a tar aaka: «Dite ge, aàla na kurum ka, kà nəsum à gà məpala ahəm Mbulum, dite kà də̀ɗum aka fəla ana kà gəsum nda madzala gà gər kurum a?

Mata 15:6

Kurum kù gwaɗum: Kamala taŋa ya, kurum kà nwim à bazlam Mbulum ka, dukw masakəŋa, dite kà zazamum fəla kurum ana kà gəsum nda madzala gà gər kurum a.»

Mata 22:29

Ama i dəba ŋa ya, Yesuw a gwaɗa a tar aaka: «Kurum ka, kà sərum duwa tsa. Aɗaba la? Wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya?

FILIPIYA 3:19

A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.

IBƏRANIKWA 5:11

Gà dukw a riŋ hinne asa na aà metsike a kurum aka gər megemir Melikisedek ata ya. Ama ka, mawùràba ŋana aà metsike a kurum fit a təv ilik ŋa, dite na ki tserekwim a ya. Aɗaba ndə̀kə̀zlə̀zlə̀mma ki slwim aà metsereke bise tsa.

YAKUBA 1:8

Aɗaba wur ana kamala taŋa ya ka, a sər gà gər dukw ana a ge a ya tsa. Madzala gà gər ŋgar ibam, i təv ilik ŋa tsa asa.

1 PIYER 1:1

Iye Piyer, mala meslire Yesuw Kiristi. I wetseha wakita aaha ka, a kurum gà mburma ana Mbulum a pala kurum kamala gà mburma ŋgar a. Tə dalawa kurum, kà dzàyum aba vatwa sweyèh sweyèh aka gà ahəɗ Pwantus, nda Galatiya, nda gà Kapadukiya, dite nda gà Asiya, nda gà Bitiniya, ilik ilik tserdze. Kurum gà mandzàyà ŋa a riŋ i gà fata ka, kamala gà slele ya.

1 PIYER 2:8

Ta wetse i wakita Mbulum mbaŋa asa ka, ta gwa: «Kur ata ka, gà mburma ti ndif ahər a sik gùp, tì dìɗ aakiŋa.»*fb* Mendìfè sik ata ka, aɗaba ana ta gəs bazlam Mbulum tsiye. Akahər ata piŋŋe ka, Mbulum a waya a ge dər kataya ka, a gwa: Gà dukw ata ta ge a ba kataya dukw ŋgar.

2 Piyer 2:1

Akahər ata ka, gà ɓəzla məma à bazlam Mbulum ana nda pàrsa ya ka, tar riŋ ika magər gà mburma Mbulum gà Isərayel hinne. Ama kinehe ka, gà ɓəzla pàrsa ti ti ɗe a aba ika magər kurum kataya mbaŋa. Ti dere a, ta pèt a aba ka, nda wirwir, na ti dzeŋge a guma pàrsa tar ana ti dzeye a dər à mburma ya. Ti niw a Yesuw Kiristi BATSAH kwa ŋana a mbala à tar i bakal tar piŋŋe ya. Aɗaba gà dukw ata ta geye a kataya ka, seriye Mbulum a ta gis a tar ka, bise tsara, a dzeye à ter a fit kweleŋ.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

2 Piyer 3:2

I wetse bazlam ata ka, a sèsiŋ dukw ana gà ɓəzla məma à guma Mbulum ti tsik akahər ata ya ka, mə̀ məts a kurum gər tsa. Gà biy ŋgiɗ tsa dukw ana Yesuw Kiristi BATSAH kwa ŋana mala məmbə̀là à kwa a tsik a kurum a ka, mə̀ məts a kurum gər tsa, mə̀ mà a kurumara a gər a asa. A tsik a kurum bazlam ata ka, nda ahər gà ɓəzla meslire ŋgar ana a sləraha tar a təv kurum a.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.