2 Piyer 3:14 - Bible Zulgo

¹⁴ Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

2 Piyer 3:14 ပူးပေါင်းရင်းမြစ်များ

Mata 24:26

Aɗaba taŋa, na bəla tàa gwaɗa a kurum: ka, ka tə dum tsa. Kige tsa, na tàa gwaɗa a kurum: ka, ka ta gəsum bazlam tar tsa mbaŋa.

Mata 25:7

Gà dəm ata tserdze ya, hùrùm ta hitse aà mbulum. Tə ndzək gà lalampa tar a ahər. Tə sakaha aɗəm à mal. Ama gà asiŋ ŋa aaha ndeɗiŋa metsehe tar a riŋ tsiye, ndezwizzwè lalampa tar a mbetiŋa, mal aà tar tsa.

Luka 12:43

Aɗaba wele ana aka ge megemir kataya ka, a ŋget a maŋgayaba i gəzləŋ, a pat ana mala ga ŋgar aka dara, aka le aà ŋgat, a ge a megemir kamala taŋa ya ya.

Luka 2:29

«Əbay Mbulum, dukw ana kà tsikiŋ akahər ata i sida ya ka, aka ge ba kaɗəŋ. Ama kinehe ka, iye ana mala megemir yak a, i mìt a ka, zayya na gəzləŋ ga ya.

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

FILIPIYA 1:10

Kamala taŋa ya, ki pelwim a ikaba gà dukw ana ŋgwal ŋa ti de a ndaka vatwa Mbulum a, dite a pat ana Yesuw Kiristi à mère a, a ge a seriye ya ka, ki ndzwim a tsəɗaŋŋa lele, bakal i təv kurum tsa.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.

FILIPIYA 3:20

Ama kwa ka, gà mburma ana i ga i bəra Mbulum a. Kwa ihər ki vevekwe a Yesuw Kiristi BATSAH kwa ŋana mala məmbə̀là à kwa ya, dite a dere a i gər ŋa ya, aà malə̀mà akaba nda gà kwa ya.

1 TESALUNIKE 3:13

Kamala taŋa ya, BATSAH kwa ŋa ata a vile a kurum a ndzəɗa a gəzləŋ ɓəŋɓəŋ lele. A pat ana Yesuw Kiristi à mère a ya ka, bakal a ge a i təv kurum tsidze, ki ndzwim a tsəɗaŋŋa ika miɗ Mbulum Tsir kwa. A pat ata ka, gà Yesuw Kiristi nda gà mburma ŋgar tserdze na ta mère a ya.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

1 TIMUTE 6:14

Tike gər a guma ata Mbulum a tsikik a. Ma ta mətsak gər tsa. Ka ta ge dukw ana, dite mburma ta mèk a à bakal ŋa ya tsa, haa a pat ana Yesuw Kiristi BATSAH kwa ŋa à mère a i mbulum a.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

2 Piyer 3:1

Gà masla gà ana i waya kurum hinne ya. Araha naha ka, wakita masula ŋa ana i wetse a kurumaha ya. I huɗ gà wakita ata sula ya ka, a sèsiŋ məma a kurumaha a gər ka, à gà dukw ana kàa mbər mesirwim a, na dite ki dzelwim aaka gà gər lele asa ya.

2 Piyer 3:16

A tsikewa taŋa ka, kəla pat na a wetse aka gər gà dukw ata i huɗ gà wakita ŋgar a. Ama kəla ka, dukw ŋgiɗ a riŋ i huɗ gà wakita ŋgar ata ka, mawùràba ŋa, a tsereke a ba bise tsa. Gà mburma ata tə səraha duwa tsa, gəzləŋ tar a ndze a wèkit wèkit a ka, ta mbìɗ a à dukw ana bazlam ata a sasar aà megweɗe ya. Ti dzev aaka a ka, wìrɗìɗìɗe nda pàrsa. Ta ge a dər ka, kamala ana ta gewa à gà asiŋ gà bazlam ana i wakita Mbulum a mbaŋa. Kamala taŋa ya, tar ka, ta bets a ba tar nda ahər tar ŋa.

1 Yuhana 3:3

Ku weke na aka tike madzala gà gər ŋgar a təv Yesuw Kiristi ana a ge a duwa kamala taŋa ya ka, a kesle a ba ŋgar i təv gà bakal a tserdze, kamala Kiristi ana aka ge bakal tsiye mbaŋa.