2 Piyer 3:11 - Bible Zulgo

¹¹ Na gà dukw ata tserdze ya, tì ndìv a kataya ka, gwim metsehe lele na i təv mendze kurum ana ki ndzwim a ya. Ama say ki ndzwim a ka, tsəɗaŋŋa lele. Zazamum nda gəzləŋ kurum ilik. Gəsum ahər ahəm nda təv gà duwa tserdze.

2 Piyer 3:11 ပူးပေါင်းရင်းမြစ်များ

Mata 8:27

Gà mburma ata tserdze ya, tə samata gà dukw ata kataya ka, a ge a tar kamala dukw mene à mburma ya. Ta gwa: «Naha dze ana, weke ɗara, na a kwere akaba a gà himbiɗ nda yam ka, ta gis ahər a ahəm a?»

RUMA 13:11

Gwim kataya nda ndzer, aɗaba kà sərum, tə̀vəməŋa aka ndze aɗəm, mimèhe ba ide kuɗa, bèzlgèrek pìɗekwim ika mendze are ya. Pat ana Mbulum a ta mbil a à kwa ya ka, aka à mendze aɗəm bise, aɗaba mendze ŋa a riŋ diriŋ kamala ana kà lah megìsekwa Yesuw Kiristi nda gəzləŋ a asa tsa.

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 3:20

Ama kwa ka, gà mburma ana i ga i bəra Mbulum a. Kwa ihər ki vevekwe a Yesuw Kiristi BATSAH kwa ŋana mala məmbə̀là à kwa ya, dite a dere a i gər ŋa ya, aà malə̀mà akaba nda gà kwa ya.

1 TESALUNIKE 1:5

Aɗaba akahər ana mì tsik a kurum bazlam ŋgwal ŋa ya ka, mì tsik a kurum nda mezìwè gà gər mər ɗekɗek tsa, ndzəɗa Mbulum iɗəm. Mezite Mesife ŋgar na a zlak ahər mər a, aɗaba mì sər ndzer, bazlam ata ka, pàrsa iɗəm tsa. I təv ana mər mandza ŋa ika magər kurum a ka, kà sərum, meme na mì ndza ika magər kurum a. Mì ge kamala taŋa ya ka, dite mà zlak kurum.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

1 TIMUTE 6:11

Ama kinehe ka, Timute, kər ana mburma Mbulum a ka, are yak ma ta ge ika gà dukw ata ŋgwal ŋa tsiye tsa. Mər aba, dite ka ne mala ndzer ika miɗ Mbulum, zazam vatwa ŋgar lele. Vəlar gəzləŋ yak kəla pat. Ka waya mburma lele. Gəs gəzləŋ i təv dukw ana ŋgwal ŋa tsa tserdze ya, dite kà fàfəl a mburma lìfèɗìɗe asa mbaŋa.

1 TIMUTE 6:3

Na wura a ɗif a ka, à bazlam ŋgiɗ pam, à gis bazlam Yesuw Kiristi BATSAH kwa ŋana ndzer a tsa, nda gà dukw ana ti ɗifewa a kwa dər agəra mede kwa ana ika miɗ Mbulum a tsəka,

1 TIMUTE 6:6

Kaɗəŋ, kàa zazam vatwa Mbulum nda ndzer ka, ki ŋget a limana hinne, kamala megweɗe ya ka, dukw ana à ndìv a tsa i təv ŋgar a. Ama ka, say na kàa ŋgaya ba a dukw ana kə ŋgat a pəra.

IBƏRANIKWA 13:5

Ki gwim meèweke siŋgwe tsa. Ama ŋgeywim ba ka, a dukw ana kə̀ ŋgatum a pəra. Aɗaba Mbulum a gwa ka: «I miyek a à kər tsa. I yè a kər a dala tsidze.»*fa*

YAKUBA 1:24

A fə̀r aà ba ə̀ba ilik tsara, aləka a de a i fataya ka, a sər ba ŋgar a ndza ana, meme ka, a sər asa tsiye.

YAKUBA 3:13

Wura a riŋ ika magər kurum metsehe ŋgar a riŋ, a sər duwa hinne ya? Na aka ge riŋ ka, mə̀ pàt à megemir ana lele, i təv mendze ŋgar ana a ndze a ya, dite ma həna à gər a bəɗ asa mbaŋa. Aɗaba aka həna à gər a bəɗ ka, gà mburma ti sir a dər, metsehe ŋgar a riŋ kaɗəŋ.

1 PIYER 1:15

Kamala ana ŋgat tsəɗaŋŋa, a zal a kurum, dite kà nwim gà mburma ŋgar a ka, kurum tekeɗe, nwim gà tsəɗaŋŋa i təv gà dukw ana ki gwim a ya tserdze mbaŋa.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

2 Piyer 1:3

Kà sərakwa Mbulum ana a zal a kwa ya ka, aɗaba Yesuw Kiristi. A zal a kwa ka, na dite kə̀ ŋgatakwa magàwà akaba a təv mezlibe ŋgar ana tì zlibe a à ŋgat, ki zezemekwe a mendze ŋgar ana ŋgwal ŋa, a za gà dukw tserdze ya mbaŋa. Kamala taŋa ya, ŋgat nda ndzəɗa ŋgar ana hinne ya, a vəl a kwa dukw ana a sle aà kwe a tserdze ya, na dite araha, kə̀ ŋgatakwa mesife ana awiya ŋa ya, ki zezemekwe a ŋgat lele kamala ana a tsahən ahər mbaŋa ya.

2 Piyer 1:6

Ama ka, metsehe ɗekɗek tsa. Gəsum gəzləŋ i təv duwa ya tserdze mbaŋa. I təv ana kurum ihər ki kwerwim a ba kurum kamala taŋa ya ka, mərum aba. I təv məmərà aba kurum ata ya tekeɗe ka, gəsum ahəm aà Mbulum lele.

2 Piyer 3:10

Ku mege kataya tekeɗe, pat ŋa aka ndze aɗəm ka, Yesuw Kiristi BATSAH kwa ŋa à mère a ndzer, pàrsa iɗəm tsa. A mère a kəla ka, kamala mala akəl ana sèrèh a dere a ka, wura a sir ahər a tsiye. A pat ata ka, gà mburma ti tsereke a meɗè gà dukw ana a ɗe a ŋgùzlàr ŋgùzlar kamala malaka mbulum a, na gəza mbulum à ndìv a ya. Akwa a wene a gà dukw ata tserdze gà madzàvà ŋa aà gəza mbulum a, sirikw sirikw. Dite gà ahəɗ nda gà dukw ana ikəka tserdze ya tekeɗe ka, ndìrɓek ndìrɓek a weniŋa.

2 Piyer 3:12

Vavum pat ana Mbulum à mère a ya, kəla pat. Gwim mege megemir ŋgar tserdze lele, na dite à mère a bise ya. A pat ata ka, gəza mbulum a wene a sirikw sirikw, fit a nisiŋa. Dite mawusawus ana gà madzàvà ŋa aà gəza mbulum a ka, wàfùfùfùffa ta wilezliŋa, a tèkwe a, duwa ilik a zehe a tsidze.