2 Piyer 3:10 - Bible Zulgo

¹⁰ Ku mege kataya tekeɗe, pat ŋa aka ndze aɗəm ka, Yesuw Kiristi BATSAH kwa ŋa à mère a ndzer, pàrsa iɗəm tsa. A mère a kəla ka, kamala mala akəl ana sèrèh a dere a ka, wura a sir ahər a tsiye. A pat ata ka, gà mburma ti tsereke a meɗè gà dukw ana a ɗe a ŋgùzlàr ŋgùzlar kamala malaka mbulum a, na gəza mbulum à ndìv a ya. Akwa a wene a gà dukw ata tserdze gà madzàvà ŋa aà gəza mbulum a, sirikw sirikw. Dite gà ahəɗ nda gà dukw ana ikəka tserdze ya tekeɗe ka, ndìrɓek ndìrɓek a weniŋa.

2 Piyer 3:10 ပူးပေါင်းရင်းမြစ်များ

Mata 24:35

Gà kuvəl mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Markus 13:31

Gà kuvəl Mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Luka 12:39

Kinehe ka, tsarakum dukw aaha i tsik a kurum a ya lele: Na bəla mala ga a sər pat awara na mala akəl a dehe a a ma ŋgar a, kige tsa bəla ndeɗime ya ka, a ndze a nda metsehe lele, a viler a vatwa aà mada a ga a ma ŋgar tsidze.

RUMA 8:20

Mbulum a yà dukw ana a geye a tar tserdze ya ka, a dala. A gwa, ma dzeye kamala ana dukw taf masakəŋa ya. A yà a dala ka, agəra ana gà dukw ata ta waya kataya ya tsa. A miyak dər ka, aɗaba bakal gà mburma ana ta ge ya. A waya na a ge akaba a seriye mburma ka, nda biy gà dukw ata tserdze ya. Ama ku mege kataya tekeɗe, aka tike a tar duwa aka miɗ dukw ŋgar, na dite ti dzele a aaka gà gər a.

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

1 Kurintiya 5:5

Na kàa yahum ba gər kataya ka, miyakum à wele ata a ahər Əbay sitene, ma dzeye à slu ba ŋgar, dite bəla Mbulum a ta mbil a à mesife ŋgar, a pat ana Yesuw BATSAH kwa ŋa ata a ge a seriye a gà mburma ya.

2 Kurintiya 1:14

Kamala taŋa ya, kinehe ka, kàa dzum ba aà matsaraka ŋa zaakwa zaakwa dukw ŋgar. Ama ka, kà sərum dər, a pat ana Yesuw BATSAH kwa ŋa à mère a ya ka, ki ti sìŋgìrwim a à mər a hinne, kamala ana mìi ta ge a zlapa nda kurum a mbaŋa.

1 TESALUNIKE 5:2

Aɗaba kurum nda gər kurum kà sərum lele, pat ana BATSAH kwa ŋa a ta mère a ya ka, paf tsara, kamala mala akəl ana a de a a mege akəl ndaàvəɗ, sèrèh sèrèh wura a sir ahər a tsiye.

1 TESALUNIKE 5:4

Ama kurum kinehe ka, kamala gà mburma ana i luvuŋ a asa tsa. Aɗaba taŋa, a pat ata ka, ma ti le aà kurum kamala mala akəl ana a de a a bəra mburma ya tsa.

2 Piyer 3:11

Na gà dukw ata tserdze ya, tì ndìv a kataya ka, gwim metsehe lele na i təv mendze kurum ana ki ndzwim a ya. Ama say ki ndzwim a ka, tsəɗaŋŋa lele. Zazamum nda gəzləŋ kurum ilik. Gəsum ahər ahəm nda təv gà duwa tserdze.

2 Piyer 3:12

Vavum pat ana Mbulum à mère a ya, kəla pat. Gwim mege megemir ŋgar tserdze lele, na dite à mère a bise ya. A pat ata ka, gəza mbulum a wene a sirikw sirikw, fit a nisiŋa. Dite mawusawus ana gà madzàvà ŋa aà gəza mbulum a ka, wàfùfùfùffa ta wilezliŋa, a tèkwe a, duwa ilik a zehe a tsidze.

2 Piyer 3:7

Ama gər ahəɗ nda gəza mbulum ana kinehe ya ka, ti ndze a ɓav tsa. Tits a təv ana Mbulum a tsik a ka, a wene a nda akwa hilɓèk hilɓèk kuɗa. Aɗaba kinehe ka, Mbulum a waya mandza zaakwa tə̀ma, haa a pat ana a ta ge a seriye a gà mburma tserdze, a bets a iɗəm gà na ta gəs ahəm ŋgar tsiye ya.

Yuda 1:6

Gà gawla Mbulum ana i gər ŋa ya tekeɗe, gà asiŋ ŋa iɗəm, a sàs a tar təv mendze ana Mbulum a vəl a tar kəla biy tar a tsa, ta miyak dər. Aɗaba taŋa na Mbulum a hə̀ndə̀k aà tar a təv luvuŋ ana ziŋziŋ ŋa ya ya. Ti ndze a i fata ka, gà madzàwàyà ŋa nda kedirtsè handəslndəsl aà biybiy. Ti ndze a i fata asa ka, ta bebe a haa a pat seriye Mbulum ana batsah ŋa a ta ge a a gà mburma tserdze ya.

Sunwa Yuhana 16:15

Yesuw a gwa: «Gwim metsehe, tsarakum, aɗaba i ti dere a ka, sèrèh kamala mala akəl a. Ama maŋgayaba ika gər wele ana petek ika ba ŋgar a, dite ka, a ndze a are tsa asa ya. Aɗaba Yàa dara ka, ma tə da kataya sàgùrɗùmma kataya ze petek, dite ka, hwarwa a ger a ika miɗ mburma ya tsa.»

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.

Sunwa Yuhana 21:1

I dəba ŋa ya asa ka, i ŋgataha a gà gəza mbulum awiya ŋana nda gər ahəɗ ana awiya ŋa ya. Ama gà gəza mbulum malahalah ŋana, nda gər ahəɗ malahalah ŋana ka, tar riŋ asa tsa, tàa dzeye. Dite batsah duluv tekeɗe, a riŋ asa tsa, aka dzeye mbaŋa.

Sunwa Yuhana 3:3

Dzalum gà gər ka, aka bazlam ŋgwal ŋa ana kà tsarakum akahər ata ya. Megìse kurum ata kə̀ gəsum ɓəŋɓəŋ lele ya ka, mə̀ məts a kurum gər tsa. Ama kinehe ka, mbəɗum à madzala gà gər kurum, dite kə̀ gəsum lele nda gəzləŋ ilik asa. Aɗaba taŋa, na kàa pìɗekwim tsəka, sərum dər, i ti dere a a təv kurum a ka, sèrèh kamala mala akəl a. Ki sirwim a pat ana i ti dere a a təv kurum a tsa.

Sunwa Yuhana 6:14

Gəza mbulum a dzeye fit kweleŋ, kamala wakita ana ta paɗa akaba ya. Gà gər kwite nda gà ahəɗ ana malàwàrà ŋa nda yam a tserdze, ta hitseye aà mbulum, tə daya i gà təv mendze tar ana tə ndzawawa iɗəm a.