2 Piyer 3:1 - Bible Zulgo

¹ Gà masla gà ana i waya kurum hinne ya. Araha naha ka, wakita masula ŋa ana i wetse a kurumaha ya. I huɗ gà wakita ata sula ya ka, a sèsiŋ məma a kurumaha a gər ka, à gà dukw ana kàa mbər mesirwim a, na dite ki dzelwim aaka gà gər lele asa ya.

2 Piyer 3:1 ပူးပေါင်းရင်းမြစ်များ

Mata 5:8

Maŋgayaba i təv gà na gəzləŋ tar tsəɗaŋŋa, bakal tar a riŋ tsiye, aɗaba tar ka, ti ta ŋget a a Mbulum nda are tar.

2 Kurintiya 13:2

Aka ana i daha a təv kurum masula ŋa ya ka, Yàa be à ɗaf a gà na ta ge bakal a, nda gà asiŋ ŋa ana ika magər kurum tserdze ya mbaŋa. Kinehe, Yàa ndzeha a təv kurum zukw tsəka, i be a kurumehe a à ɗaf asa mbaŋa. Aɗaba i gwaɗa a kurum: Na Yàa màra asa ka, i ti tètìk a a gà mburma ata tserdze ya.

1 TIMUTE 5:22

Na aka sàsak mazla wura aà megemir i ga Mbulum ka, say fə̀r aà metsehe ŋgar lele dzekwiŋ, dite na ki tike aɗəm a ŋgat, ki tiker a ahər aka gər a. Ka tə ndàb a bakal gà mìsle ŋgiɗ tsa. Ama say kasla iɗəm ba yak a lele.

2 TIMUTE 1:6

Aɗaba taŋa, i gik a kamkam, mə̀ mətsak gər tsa. Akahər ana i tikik ahər aka gər a ka, Mbulum aka vəlak ahər ndzəɗa aà megemir ŋgar lele. A vəlak ka, biy taf masakəŋa. Ama kinehe ka, ndzəɗa ata ma da aka miɗ aka miɗ dzəŋdzəŋ lele, tsəka, mà nikiɗ aà kər a tsa.

IBƏRANIKWA 6:9

Ama kurum gà masla mər, ku mege mì tsik kataya tekeɗe ka, mì sər ndzer, kurum riŋ ki zezemwim a ŋgwal vatwa ana lele, dite ka, Mbulum a ta mbil a dər à kurum a.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.

2 Piyer 3:17

Ama ka, a kurum gà masla gà ana i waya kurum hinne ya: Yàa tsik a kurum aba ya. Aɗaba taŋa, gwim metsehe lele, tsəka, gà mburma ata ta gəs ahəm aà Mbulum tsiye ka, ta bene a kurum aà mazazama dukw bakal tar ata, dite ka, ka miyakum à təv mendze kurum ana ŋgwal ŋa, a ɓezle a tsiye.

2 Piyer 3:8

A kurum gà masla gà ana i waya kurum hinne ya. Duwa ilik ma ta məts a kurum gər, kù gwaɗum ka, gà pat ilik nda mive dəbuw ka, tə za ba làŋa diriŋ a tsa, na ika miɗ Mbulum a. Aɗaba tar ka, ilik.

Yuda 1:5

Ku mege kàa sərum gà bazlam ata daga piŋŋe tekeɗe, a sèsiŋ ka, i me a kurum a dərraha a gà gər, meme na Mbulum a beyera à gà mburma Isərayel ika ahəɗ Ezipt akahər ata ya. Ama i dəba ŋa ya ka, a bats iɗəm gà mburma ana ta gəs bazlam ŋgar tsiye, ika magər gà mburma ata a beyera à tar a.