2 Piyer 2:4 - Bible Zulgo

⁴ Ku mege gà gawla Mbulum ana ta ge bakal akahər ata ya tekeɗe ka, Mbulum aka məlak à tar kataya tsa. A gasa tar, a dza tar a akwa ana a mbete a tsa aà biybiy a. Tar ka, mandza ŋa i luvuŋ ana tìtìktìkka ya. Ti ndze a i fata, haa a pat ana Mbulum a ge a ter a seriye ya.

2 Piyer 2:4 ပူးပေါင်းရင်းမြစ်များ

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Mata 8:29

Aləka ti ndzeha a təv Yesuw ka, tə dza ba aà Mewideye hinne, ta gwaɗar: «Əla a ləm akaba à kwa nda gà kər Yesuw, Kəla Mbulum a? Kà dara ana, aà mesewere a mər are daga aà kinehe ya tsara, tə̀vəməŋa aka ndze aɗəm zukw tsiye?»

Markus 5:7

A gwaɗar nda gà Mewideye: «Əla a ləm akaba à ma ya, Yesuw, Kəla Mbulum ana i gər ŋa ya? Kamkam nda zləm Mbulum, kà sèwèriŋ are tsa te.»

Luka 10:18

Yesuw a tsaraka kataya ka, a gwaɗa a tar: «Kaɗəŋ, Yàa ŋgat a Əbay sitene aka dəɗara i mbulum a tiɗèy gər melek, kamala mewìtìɗè mbulum ana à wìtiɗera i gər ŋa ya, tsikw ara a bəɗ a.

Luka 8:31

Gà sitene ata ibam, tə dza ba aà mahàmà a Yesuw asa. Ta gwaɗar: «Kamkam, kù gwaɗa a mər, dum a təv a diriŋ biy na mìi dzeye a ya tsa te.»

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

RUMA 11:21

Aɗaba ana Mbulum aka məsak à gà Yahuda ana ti ne gà ɓəza ahər ana ika dizl a tsəna, kà dzala ana, a misek a à kər ɓav a, na kàa gəs ŋgat tsiye, na kər ana tə dzəv aaka kər medzìve ya?

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

2 Piyer 2:11

Ku mege gà gawla Mbulum ana tə za gà ɓəzla medzeŋge bazlam Mbulum aaha nda pàrsa ya tekeɗe ka, ti sewle aà ter a ika miɗ Mbulum ɓav tsa.

2 Piyer 2:5

Gà mburma ana akahər ata ta ge bakal a ka, Mbulum aka miyak à tar ɓav tsa asa. Ama a slərra batsah yam aka gà mburma ata ta gəs ŋgat tsiye. A rah aka gər ahəɗ peɗik peɗik, ti dzeye aɗəm fit. A mbala iɗəm a ka, à gà mburma tsamakər a ɗekɗek pəra. Gà Nuhu ana a tsikewa bazlam ŋgar a mburma ya, dite ka, a waya tə zazam vatwa ŋgwal ŋa, tar nda gà mburma ana i ga i ma ŋgar təsəla ya.*fa*

2 Piyer 2:9

Gà dukw ata ta geye ba akahər ata ya ka, ti ɗif a kwa dər ka, Mbulum a səraba dukw ŋgar, meme na a ta mbele a à gà mburma ŋgar i mesewere are tar ana tì sèwèr a ya. Ama a ɗif a kwe a dər asa ka, a sər dər, meme na a ta vile a mesewere are a gà na ta ge a dukw ana ŋgwal ŋa tsiye ya. A veve a dər haa a pat ana a ta ge a ter a seriye ya.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.

Yuda 1:13

Tar asa mbaŋa ka, kamala duluv ana i batsah dula, himbiɗ a ɓezle a dər tsuɗkur tsùɗkùr tsuɗkur tsuɗkur a. Bakal tar à pèt a ka, kamala matsakufa yam ana dzə̀dzàràgùffa a ndze a i dula ya. Tar ka, kamala gà mawusawus ana ta kəzlaha ika vatwa ya, tì sìweye aà gəza mbulum a. Mbulum ka, aka làmbaɗa a tar təv i luvuŋ ana ziŋziŋ hinne ya. Ti ndze a i fata ka, aà biybiy, ti sle a aà madàra iɗəm a tsidze.

Yuda 1:6

Gà gawla Mbulum ana i gər ŋa ya tekeɗe, gà asiŋ ŋa iɗəm, a sàs a tar təv mendze ana Mbulum a vəl a tar kəla biy tar a tsa, ta miyak dər. Aɗaba taŋa na Mbulum a hə̀ndə̀k aà tar a təv luvuŋ ana ziŋziŋ ŋa ya ya. Ti ndze a i fata ka, gà madzàwàyà ŋa nda kedirtsè handəslndəsl aà biybiy. Ti ndze a i fata asa ka, ta bebe a haa a pat seriye Mbulum ana batsah ŋa a ta ge a a gà mburma tserdze ya.

Sunwa Yuhana 20:10

Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.