2 Piyer 2:21 - Bible Zulgo

²¹ Na kataya ka, ŋgulum na ma sər vatwa ana ndzer ŋa ya tsidze ya, ndəna a sər vatwa ana ndzer ŋa ya lele ka, dite i dəba ŋa ya, a məsak dər aba ya, a gəs ahəm dukw ana Mbulum a tsiker a asa tsiye ya.

2 Piyer 2:21 ပူးပေါင်းရင်းမြစ်များ

Mata 21:32

Aɗaba Yuhana metsìlwìɓè à mburma a yam, a dara a təv kurum a, a ɗif a kurum à vatwa ana ŋgwal ŋa ya ka, kàa gəsum bazlam ŋgar tsa. Say na a gəs guma ŋgar ata ka, gà ɓəzla duwan, nda gà məkəs ana tə dzawuwa à ba tar a ɗekɗek. Ama kurum ka, ku mege kàa ŋgatumar nda are kurum, na gà mburma ata ta gəs bazlam ŋgar ata ya tekeɗe, kà mbəɗum à madzala gà gər kurum, dite kwets, kə̀ gəsum bazlam ŋgar ata ɓav tsa.»

Luka 12:47

Na bəla mala meslire a sər dukw ana a sàs a mala ga ŋgar a, dite ka, aka gəs, a waya megemir ŋa lele tsəka, ta viler a mesewere are ana ta gìzlewe a iɗəm ŋgat hinne ya.

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

Yuhana 9:41

Yesuw a gwaɗa a tar aaka: «Na mege ki gwim gà ɓəzla guluf ka, ana ki gwim a i bakal tsa. Ama kù gwaɗum kinehe, mər gà guluf tsəka, kurum i bakal hiywe ivaɗ.»

RUMA 7:12

Kamala taŋa ya, məpala ahəm a dara ka, i təv Mbulum a. Gà məpala ahəm ŋgar ana tserdze ya ka, tsəɗaŋŋa. Ar ka, ŋgwal ŋa lele, duwa manəsa ŋa iɗəm kwizikw tsidze.

GALATIYA 6:2

Zlàkayum ba nda təv dukw ana mibe ŋa ika magər kurum a ilik ilik tserdze. Na kàa gwim kamala taŋa ya ka, taŋa ka, kàa gəsum ahəm aà məpala ahəm *Kiristi kaɗəŋ.

1 TESALUNIKE 4:2

Aɗaba kurum kà sərum, mì ɗif a kurum ka, à dukw ana Yesuw BATSAH kwa ŋa a gwaɗa a mburma, gwim a.

1 TIMUTE 6:14

Tike gər a guma ata Mbulum a tsikik a. Ma ta mətsak gər tsa. Ka ta ge dukw ana, dite mburma ta mèk a à bakal ŋa ya tsa, haa a pat ana Yesuw Kiristi BATSAH kwa ŋa à mère a i mbulum a.

IBƏRANIKWA 10:26

Kinehe ka, kàa sərakwa vatwa ana ndzer a. Aɗaba taŋa, na bəla wura a riŋ ika magər kwa a gewa bakal, dite i huɗ bakal ŋgar ata a ge a ya ka, a sər, a ge a taŋa ka, dukw ana ŋgwala tsiye ka, duwa ŋgiɗ a riŋ na a vile a a Mbulum masakəŋa taf, dite à piler a à bakal ŋgar a ka, a riŋ asa tsa.

YAKUBA 4:17

Aɗaba taŋa, na wura a sər naha ka, dukw ana ŋgwal ŋa ya, ama a ge a taŋa tsəka, a ge a ka, bakal.

2 Piyer 3:2

I wetse bazlam ata ka, a sèsiŋ dukw ana gà ɓəzla məma à guma Mbulum ti tsik akahər ata ya ka, mə̀ məts a kurum gər tsa. Gà biy ŋgiɗ tsa dukw ana Yesuw Kiristi BATSAH kwa ŋana mala məmbə̀là à kwa a tsik a kurum a ka, mə̀ məts a kurum gər tsa, mə̀ mà a kurumara a gər a asa. A tsik a kurum bazlam ata ka, nda ahər gà ɓəzla meslire ŋgar ana a sləraha tar a təv kurum a.

Yuda 1:3

A kurum gà masla gà ana i waya kurum hinne ya. Ana ka, a sèsiŋ mewetse a kurumaha wakita hinne, agəra bazlam ŋgiɗ zləmana, aà meɗìfè a kurum dər ka, meme na Mbulum a mbəl à kwa tserdze ya. Ama i samata ka, ŋgulum i wetse a kurumaha kinehe, aɗaba mə vəl a kurum ndzəɗa, dite ki mirwim a aba nda təv bazlam ŋgwal ŋa ana kə̀ gəsum a ivaɗ. Mbulum a vəl ahər ka, a gà mburma ŋgar gà tsəɗaŋŋa ŋana. Bazlam ata ka, à mbìɗ a aba tsidze.