2 Piyer 2:2 - Bible Zulgo

² Gà mburma hinne ti ti zezem a vatwa tar ana ŋgwal ŋa tsiye. Aɗaba taŋa na gà mburma ana tə sər Mbulum tsiye, ti ti tsik a dukw ana ŋgwal ŋa tsiye aà vatwa Mbulum ana ndzer ŋa ya.

2 Piyer 2:2 ပူးပေါင်းရင်းမြစ်များ

Mata 22:16

I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa.

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 7:14

Ama biye hərmaga ana hinne tsiye ka, a de a à mburma ka, a təv mesife ana à ndìv a tsiye. Vatwa ŋa ka, rèhhe masakəŋa, mawùràba ŋa hinne. Ama gà mburma ti de a nda təv ata ka, ndaw tsa.»

Markus 12:14

Tə daha ka, ta gwaɗar: «Əbay, mì sər, kər ka, mala ndzer ŋa, ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa. Ama kər ihər ki ɗif a à vatwa Mbulum ka, nda ndzer ŋa. Aɗaba taŋa, tsik a mər məpala ahəm kwa kwaŋ, dze ana, wànà aka vəl vatwa aà mandza hadam a batsah Əbay gà Ruma ana a kwere a kwa ya ya? Tsəna, aka vəl tsiye? Mì dzar a, wànà mì dzar tsiye?»

Markus 13:22

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta geye a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Gà Ɓəzla Meslire 13:10

A gwaɗar: «A kər wele aaha, wirwir i ba yak ka, hinne, dite mayaha ahəm ibam, hinne asa. Kər na kəla Əbay sitene ya, kər asa na mala mene are a dukw ana ŋgwal ŋa tserdze ya. Wànà ki ta miyek a à welewele dze ana, ndeɗime? Na kà waya mene pàrsa à ndzer ŋa Mbulum a.

Gà Ɓəzla Meslire 14:2

Dite gà asiŋ gà Yahuda ana tàa gəs bazlam ata tsiye, tə slər gà na gà Yahuda tsiye, aà gà na ta gəs a, dite ka, tə dzala dukw ana ŋgwal ŋa tsiye, nda təv tar.

Gà Ɓəzla Meslire 16:17

A təv ana mìi de a ya ka, a zezem a mər nda gà Pul i sik a i sik a nda gà Mewideye. A gwaɗawa i huɗ Mewideye ŋgar ata ya ka: «Gà mburma aaha ka, gà ɓəzla meslire Mbulum ana i gər ŋa ya. Tar riŋ ti tsik a kurum a vatwa ana aləka ki slwim a aà mimbile dər i məməta ya ya.»

Gà Ɓəzla Meslire 18:26

A daha, a dza ba aà mifefile i ga mahàmà a Mbulum i fata tsara, hwarwa aà are ŋgar tsa. Gà Akila nda məkəs ŋgar Piriskila aaha ndeɗiŋa ya ka, tar riŋ i fata mbaŋa. Dukw ana ŋgat a riŋ a tsik a ya ka, ta gəs aaba ŋgat lele. Tə da akaba a ma tserdze. Tə daha, ti ɗifewar à vatwa Mbulum, à gà dukw ana iɗəm a tsaraka tsiye.

Gà Ɓəzla Meslire 19:9

Ama gà asiŋ gà mburma ata hinne a sàs a tar megìsè bazlam ata tsa, ti niw. Tə sawlawa dər akaba aà vatwa BATSAH kwa ŋa hinne, ika miɗ mburma tserdze. Aɗaba taŋa, Pul a tsaraka kataya ka, a dara iɗəm i təv tar i fataya. A ndzək dərra gà ɓəzla mazazama Yesuw a ahər a. Tə daha, a tsikewa guma ŋgar i lèkwen wele ŋa a riŋ, tə zalar Tiranus, kəla pat.

Gà Ɓəzla Meslire 22:4

Yàa sèwèr are a gà ɓəzla mazazama Yesuw ka, hinne. Yàa gasa gà asləka, nda gà məkəs, Yàa dza tar a daŋgay. Tàa à mimete tekeɗe, Yàa miyak à tar tsidze.

Gà Ɓəzla Meslire 24:14

Ama kəla ka, ndzer ŋa na i ge a meslire Mbulum gà tsir mər ka, nda mazazama vatwa Yesuw ana ta gwa, fəla pàrsa ya. Tsaatsa, iye tekeɗe, Yàa gəs dukw ana mewetse ŋa i wakita məpala ahəm Musa nda biy gà ɓəzla məma à guma Mbulum a fit dze.

RUMA 2:24

Ar ka, kamala ana mewetse ŋa a riŋ i wakita Mbulum a, ta gwa ka: «Aɗaba kurum gà Yahuda, na gà asiŋ gà slàla ŋgiɗ ti tsik a dukw ana ŋgwala tsiye aà Mbulum a.»*fb*

1 TIMUTE 5:14

Aɗaba taŋa na a sèsiŋ ka, ta wetse a zləm gà madakwa gà məkəs ana gà daala ŋa ya tsiye. I waya ka, tə da a zal asa, ta waya mawà kəla, dite ta ge gər a gà ɓəza tar, ta gəs tar lele. Na tàa ge kamala taŋa ya ka, gà ɓəzla mene are kwa ta ŋget a vatwa aà metsìkè aà kwa dukw ana ŋgwal ŋa tsiye asa tsa.

TITUS 2:5

Dite i dəba ŋa ya ka, tar tekeɗe, ti sle aà mene a gà ɓəzla metsehe, ta ge a muva tsa. Ta ge a megemir i gà ma tar tehteh lele. Ta gewe a ka, dukw ana ŋgwal ŋa ya, ta gis a ahəm aà gà zal tar lele mbaŋa. Na tàa ge dər kataya ka, wura a ti tsik a dukw ana ŋgwala tsiye, aà bazlam Mbulum tsa.

TITUS 2:8

Dzeŋge a tar ka, dukw ana ndzer, wura a sle a aà mewele aà kər a tsiye, na dite gà ɓəzla mene are yak tekeɗe ka, ta ge a hwarwa, aɗaba ana ta ŋget a vatwa aà metsìkè aà kər dukw ana ŋgwala tsa, zləmana ti tsik a ya asa tsiye.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

2 Piyer 2:12

Ama gà mburma ata ta gewa ka, dukw ana nda madzala gà gər tar taf masakəŋa ya. Tar ka, kamala gà dukw dala ana ta weye a gà ɓəza, dite gà mburma ta gese a aà mibetseye ya. Ti tsik a dukw ana ŋgwal ŋa tsiye, aà gà dukw ana tə sər tsiye mbaŋa asa. Mbulum a ta bets a tar tìteh tìteh aà bəra ya kaɗəŋ, kamala na gà mburma ta batsawa gà dukw dala ata ya.

2 Piyer 2:15

Tar ka, tàa məsak à vatwa Mbulum, tə sər dukw ana ta ge a ya asa tsa, tàa dzeye. Tar ti zezem a ka, vatwa Biliyam, kəla Bawur, mala məma à guma Mbulum ana akahər ata ya. Akahər ata ka, Biliyam, ŋgat a sasar mege dukw ana ŋgwal ŋa tsiye ka, hinne, na dite a ŋget a siŋgwe ya.*fd*

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

2 Piyer 2:21

Na kataya ka, ŋgulum na ma sər vatwa ana ndzer ŋa ya tsidze ya, ndəna a sər vatwa ana ndzer ŋa ya lele ka, dite i dəba ŋa ya, a məsak dər aba ya, a gəs ahəm dukw ana Mbulum a tsiker a asa tsiye ya.

2 Piyer 2:7

Akahər ata a mbəl à mburma ka, ilik pəra. A mbəl ka, à Ludu, agəra ana ŋgat ŋgwal ŋa ika miɗ ŋgar a. Ama gəzləŋ a wurawa aà ŋgat hinne, agəra dukw ana gà mburma ata i fata, ta gewa ŋgwala tsiye.

Yuda 1:10

Ama gà ɓəzla pàrsa ata ka, ti tsik a dukw ana ŋgwal ŋa tsiye aà gà dukw ana tə sər tsiye ya. Tar ti zezem a ka, dukw meèweke ba tar ɗekɗek, metsehe tar a riŋ tsa. Ti ne ka, kamala dukw dala ya. Kamala taŋa ya na ti dzeye à ba tar a.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

Yuda 1:7

Gà kwite ata tə zal a tar gà Suduma nda Gumura, dite gà asiŋ gà kwite ana ta mbe a taraha ya ka, ta məts a kurum gər tsa mbaŋa. Gà mburma ana i fataya ka, ta gewa mezelme, kamala na gà gawla Mbulum ata ta ge a ya. Ta gewa ka, dukw ana ŋgwal ŋa tsiye pampam, a tsahən biy mege a kurum tsiye, dite biy metsike tsa asa ya. Mbulum a tàtə̀k a gà mburma ata ka, a dza tar a akwa ana a mbete a tsa aà biybiy a. Kamala taŋa ya, Mbulum a be à ɗaf a gà mburma tserdze kataya ka, dite ku weke ma sər dər, Mbulum a ge a medzibe gà mburma ata ka, kataya.

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 13:14

Agəra ana ta vəlar ndzəɗa aà megeye gà dukw mene aà mburma ata ika miɗ malahalah dukw dala ata ya ka, a bana dər gà mburma gər ahəɗ. A gwaɗa a tar: «Gwim mendzikiɗe ba malahalah dukw dala ata ta ger mbəlak nda màsalamà ka, dite a mbəl iɗəm a. Kà zàmbaɗum à ŋgat.»

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.