2 Piyer 2:14 - Bible Zulgo

¹⁴ Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 2:14 ပူးပေါင်းရင်းမြစ်များ

Mata 12:34

A kurum gà ɓəza gà palas aaha, meme na ki slwim a aà mifèfilera ika arah a lele ya, na ba kurum ŋana ka, kurum ihər ki gwim a dukw ana ŋgwal ŋa tsiye ya? Aɗaba arah a màwa ka, à dukw ana kìɗìŋŋa ki dzelwim a i gəzləŋ kurum a.

Mata 23:14

{A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum. Aɗaba kà ndzakawum duwa aà gà madakwa gà məkəs a nda haram. Dite kàa dzum ba aà mandəva kuɗa a Mbulum ka, vìrìɗìɗɗe, kərga kurum ka, gà ŋgwal ŋa hinne, tsaatsa pàrsa. Aɗaba taŋa, a pat ŋgiɗ ka, ta ge a kurum a sida kurum ka, mawùràba ŋa.}

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Mata 5:28

Ama iye ihər i gweɗe a kurum ŋa: Na wura aka fə̀r aà məkəs mburma, aka ge aaka are i gəzləŋ ŋgar ɓìlè ɓìlè ka, aka ge muva tsara na taŋa ya.

Markus 13:22

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta geye a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

1 Kurintiya 11:19

Ama kəla ka, ŋgwal ŋa ki ndzekwim a ba iba ya təv pampam seyiŋ dukw ŋgar, na dite ti sir a dər gà na ti zezem a Yesuw Kiristi nda gəzləŋ ilik a ya.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

KULUSIYA 2:18

Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.

YAKUBA 1:8

Aɗaba wur ana kamala taŋa ya ka, a sər gà gər dukw ana a ge a ya tsa. Madzala gà gər ŋgar ibam, i təv ilik ŋa tsa asa.

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

2 Piyer 3:16

A tsikewa taŋa ka, kəla pat na a wetse aka gər gà dukw ata i huɗ gà wakita ŋgar a. Ama kəla ka, dukw ŋgiɗ a riŋ i huɗ gà wakita ŋgar ata ka, mawùràba ŋa, a tsereke a ba bise tsa. Gà mburma ata tə səraha duwa tsa, gəzləŋ tar a ndze a wèkit wèkit a ka, ta mbìɗ a à dukw ana bazlam ata a sasar aà megweɗe ya. Ti dzev aaka a ka, wìrɗìɗìɗe nda pàrsa. Ta ge a dər ka, kamala ana ta gewa à gà asiŋ gà bazlam ana i wakita Mbulum a mbaŋa. Kamala taŋa ya, tar ka, ta bets a ba tar nda ahər tar ŋa.

1 Yuhana 2:16

Kurum kà sərum, meme na gà dukw ana ika gər ahəɗ ti ndze a ya. Aɗaba gà mburma ti zezem a ka, dukw ana gəzləŋ tar a waya ta ge a ya ɗekɗek. Tàa ŋgat a duwa ka, ta ge aaka a are, ta waya dukw ata tsara, tì sìkèh a à ba tar ika miɗ mburma, ta ge a zlapa nda gà dukw tar ata ta ŋgat a. Gà dukw ata a sàs a tar aà mege tserdze ya, tə dara ka, ika gər ahəɗ a tsəka, i təv Mbulum Tsir kwa ya tsa.

Yuda 1:11

Dukùla na a ge a ter a ŋgùlum i fataya? I tar ka, waya ba tar a. Aɗaba ana tə zazam vatwa Kayinu, wele ana a kəɗ damər ŋgar a.*fb* Dite tar ka, ta vəl ba tar a mege dukw ana ŋgwal ŋa tsiye, aà maŋgata dər siŋgwe kamala ana Balaam a ge akahər ata ya mbaŋa.*fc* Tar ka, tàa dzeye, aɗaba ana ta ge gùvəl aà Mbulum, ta waya mezìwè gər tar a, kamala dukw Kura ana a ge akahər ata, duwa a fàlàh ŋgat, dite ka, a mət a.*fd*

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.