2 Piyer 2:13 - Bible Zulgo

¹³ Mbulum a vile a ter a mesewere are kamala na tar ti sèwèr a gà mburma ya mbaŋa. Gà mburma ata, a sàs a tar ka, mazəma gər ahəɗ, nda mazazama meèweke ba tar ɗekɗek pəra. Ku mege nda pat ndərzayya ika miɗ mburma tekeɗe ka, ta ge a kataya pəra. Mendze tar ana ti ndze a ŋgwal ŋa tsiye ka, à nis a à zləm kurum. I təv ana tar mandza ŋa i təv kurum, ki zimwim akaba a dukw mezime i təv ilik ŋa ya ka, ti ndeɗe aka kurum a hwarwa masakəŋa. Ta bene a kurum nda wirwir. Tar ka, ta ŋgeye a ba hinne, agəra mibene tar ata ta bene a kurum a.

2 Piyer 2:13 ပူးပေါင်းရင်းမြစ်များ

RUMA 13:13

Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

EFESIYA 5:27

Aɗaba a sasar tə dara aka miɗ ŋgar a ka, aruwaŋ ma ge aà tar tsa. Ku mege dukw ana ŋgwal ŋa tsiye tekeɗe, ma ge i təv tar tsidze. Dite gà mburma ti sle a metsike aà tar dukw ana ŋgwal ŋa tsiye asa tsa. Ti ndze a i təv mezlibe ŋgar ana ti zlibe a dər a.

FILIPIYA 3:19

A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.

2 TIMUTE 4:14

Aleksandire, mala mivìɗe duwa, aka giŋ dukw ana ŋgwal ŋa tsiye hinne. Ama ka, BATSAH kwa ŋa à mèr aɗəm a à bakal kalkal dukw megemir ŋgar ana a gewa ya.

YAKUBA 5:5

Mendze kurum ana ki ndzwim a ɗa ika gər ahəɗ a ka, kà nwim gà ɓəzla məburnun. Ki gwim a ka, dukw ana a sàs a kurum a ɗekɗek pəra. Kurum ihər ki zimwim a gà duwa hinne, ki gilwim a dər ba ndaɗawuzwuz, kamala gà sla ana ta bets a tar a.

1 PIYER 4:4

Ama kinehe ka, mendze kurum a da akaba nda gà na tə sər Mbulum tsiye asa tsa, aɗaba ana ki ndzwim a a təv ilik ŋa nda gà tar aà mege dukw ata ta geye a ŋgwala tsa pampam asa tsiye. Ta fir aà kurum a kataya ka, a ge aà ter a kamala dukw mene aà mburma ya. Aɗaba taŋa na tì dze a ba aà mendeveye a kurum a.

2 Piyer 2:15

Tar ka, tàa məsak à vatwa Mbulum, tə sər dukw ana ta ge a ya asa tsa, tàa dzeye. Tar ti zezem a ka, vatwa Biliyam, kəla Bawur, mala məma à guma Mbulum ana akahər ata ya. Akahər ata ka, Biliyam, ŋgat a sasar mege dukw ana ŋgwal ŋa tsiye ka, hinne, na dite a ŋget a siŋgwe ya.*fd*

Sunwa Yuhana 18:6

Ta mà a tar aɗəm à mesewere are ŋa kamala ana tar ti sèwèr a mburma ya mbaŋa. Dukw tar ana ta ge a gà mìsle ŋgiɗ a ka, ta mà a tar dər aɗəm, mà za taŋa. Na bəla tàa tə̀f meɗwìtsè dukw tar ata ŋgwala tsa, makwàsà ŋa ya, a mburma dits a kəzləm ka, tə tafa a tar aɗəm kəzləm sula mbaŋa te.