2 Piyer 2:1 - Bible Zulgo1 Akahər ata ka, gà ɓəzla məma à bazlam Mbulum ana nda pàrsa ya ka, tar riŋ ika magər gà mburma Mbulum gà Isərayel hinne. Ama kinehe ka, gà ɓəzla pàrsa ti ti ɗe a aba ika magər kurum kataya mbaŋa. Ti dere a, ta pèt a aba ka, nda wirwir, na ti dzeŋge a guma pàrsa tar ana ti dzeye a dər à mburma ya. Ti niw a Yesuw Kiristi BATSAH kwa ŋana a mbala à tar i bakal tar piŋŋe ya. Aɗaba gà dukw ata ta geye a kataya ka, seriye Mbulum a ta gis a tar ka, bise tsara, a dzeye à ter a fit kweleŋ. အခန်းကိုကြည့်ပါ။ |
2 Piyer 2:1
73 ပူးပေါင်းရင်းမြစ်များ
Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.
Ama gà mburma ana ta ge a duwa ka, nda pàrsa ya, tə dawaha aka magər tar, ta gwa, say mà sàs ba. Tə daha aka magər tar ka, sereh sèrèh sereh sereh nda wirwir, aà masamata vatwa kwa ana ki ziwekwe a dər gər kwa ya, aɗaba ana kwa mandza ŋa i təv ilik ŋa nda gà Yesuw Kiristi ya. A sàs a tar ka, na ki nekwe a gà ɓele məpala ahəm gà Yahuda asa ya.
Kamala taŋa ya, Mbulum a vəl a kwa mezelme ka, agəra na kà zazamakwa məpala ahəm ŋgar kweleŋ tsiye. Ama Kiristi a dara ka, a zla təv mendze kwa, na dite ka, Mbulum a vəlar mezelme ya. A ge dər kataya ka, a mbəlara à kwa i mezelme Mbulum ana a ta vile a kwe a zləmana ya. Ar ka, kamala ana ta wetse i wakita Mbulum a, ta gwa ka: «Wele ana tàa dàn ŋgat aà dizl a ka, mezelme Mbulum na ika gər ŋgar a.»*ff*
Dite nda mazàmbàɗà à dukw ana ta ge nda ahər tar, ti ne dər Mbulum tar a. Nda gà dukw gà mèdè ana ta ge a pampam a. Nda mene a ba are, nda maàga, dite nda mege are aka mburma, nda mege matsəɓatsəɓ ana tərfə̀ɗ tərfə̀ɗ nda təv gà mìsle ŋgiɗ a, nda gà ti dzele a ka, ba tar ɗekɗek, ti ndzek a iba mburma ya təv pampam, nda gà mandza akaba ahəm ana a riŋ i təv tar tsidze ya.
Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.
A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.
Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.
Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.
Aɗaba pat ŋa a ndzere a mba ka, gà mburma tì dze a zləm a wele ana a ɗif a ter a à ndzer ŋa ya asa tsa. Ama a ti ses a ter a ka, mazazama dukw meèweke ba tar ɗekɗek pəra. Kamala taŋa ya, ti ti yehe a gà ɓəzla medzeŋge a mburma meyehe, dite ti dzeŋge a tar ka, dukw ana hùhunnà a ge a ter a tsegèɗik i zləm lele ya.
Na tàa ge à gà mburma nda təv məpala ahəm Musa kataya seyiŋ ana, sakwàn nda wur ana a niw a bazlam Kəla Mbulum a ya? Na wura a niw bazlam ŋgar ata, nda gà bəla a niw a məmbəz ŋgar ana a ɗif dər à masəra ba gà Mbulum nda mburma, a ne tsəɗaŋŋa ivaɗ a, dite ka, bəsənnà à fir ahər a kamala za ya, nda gà bəla a ndeveye a a Mezite Mesife Mbulum ana a ger ŋgwal ŋa ya ka, a ŋget a seriye Mbulum ana mawùràba ŋa ya ndzer kaɗəŋ.
Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.
Gà masla gà, gà ɓəzla məma à guma Mbulum ana nda pàrsa ya ka, tar riŋ ika gər ahəɗ pampam hinne. Aɗaba taŋa, ka ta gəsum bazlam wur ana a gweɗe a kurum a ka, i tsik a kurum a bazlam Mbulum nda ndzəɗa Mezite Mesife ya bise tsara tsa. Say ki ndzekwim a bazlam ŋgar ata ka, nda metsehe, na dite ki sirwim a dər ka, a tsik ana, nda ndzəɗa Mezite Mesife Mbulum kaɗəŋ a, tsəna, pàrsa ya ya.
I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.
I sər təv ana kurum mandza ŋa iɗəm a. Təv ata ka, i mekwere Əbay sitene ana a kwere a ya. Ama kəla ka, kàa miyakum à iye tsa, kàa dum aka miɗ nda megìse kurum ana kə̀ gəsum iye nda gəzləŋ kurum a, ku mege i təv ana ta kəɗ aà kurum Antipas, wele ana mburma gà ndzer, a ɗif à zləm gà tekeɗe ya. Ta kəɗ ŋgat ka, ika magər kurum a, i təv ana Əbay sitene mandza ŋa iɗəm a.
I sər mesewere are kurum ana tì sèwèr a kurum a ya. Taŋa kurum ka, gà ɓəzla matawak asa. Ama i təv gà ka, kurum gà ɓəzla limana ivaɗ.*fb* Dite gà dukw ana ti tsik aà kurum ŋgwala tsiye tekeɗe, i sər mbaŋa. Na a tsikewa gà dukw ata kamala taŋa ya ka, gà na ta gwaɗawa, làŋa mər ka, gà Yahuda ya. Ama tsaatsa, tar ka, ti zezem a dukw gà Yahuda nda ndzer ŋa tsa. Tar ka, gà ɓəzla mazazama Əbay sitene.
I sər megemir kurum ana kurum ihər ki gwim a ya. Dite i sər asa ka, ndzəɗa kurum ka, hinne tsa, kwizikw pəra. Ama ku mege kataya tekeɗe, kàa giswim aà iye ahəm agəra dukw ana i tsik a kurum a. Kàa miyakum à iye tsidze. Araha, iye ka, Yàa hə̀ndə̀k a kurum i biye hərmaga ya. Wura ilik a sle a aà mahə̀ndə̀kà ŋa aɗəm asa tsa.
Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.
ကြော်ငြာတွေ