2 Piyer 1:17 - Bible Zulgo

¹⁷ I təv ana Mbulum Tsir ŋgar a zàmbaɗa à ŋgat, a vəlarra ndzəɗa mezlibe ana tì zlibe a à ŋgat a ka, mər riŋ i təv ŋgar i fata mbaŋa. Mbulum ana ŋgat mala ndzəɗa, a za gà dukw tserdze ya, a gwaɗarra: «Naha ka, Kəla gà ana mandərkwasla ŋa, i zla ŋgat a. Maŋgayaba gà fit dze ka, ika gər ŋgar.»

2 Piyer 1:17 ပူးပေါင်းရင်းမြစ်များ

Mata 12:18

A gwa, Mbulum a gwa ka: «Araha na mala meslire gà ana i zla ŋgat a, dite ka, a ne mandərkwasla gà, maŋgayaba gà fit dze ka, ika gər ŋgar a. I slirehe a Mezite Mesife gà aka gər ŋgar. A ɗif a à mege seriye ga ana i ta ge a aka miɗ mba ya, a gà mburma ana ika gər ahəɗ tserdze ya.

Mata 17:3

I dəba ŋa ya, gà ɓəzla mazazama ŋgat aaha makər ŋa ya, ta fə̀r ikaba ya tsara ka, tàa ŋgat a gà Musa nda Iliya ana tar riŋ ta fèfil a nda gà Yesuw a.

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 28:19

Aɗaba taŋa, dum à bazlam gà a təv gà mburma ana ika gər ahəɗ a tserdze, ka nwim à tar gà ɓəzla mazazama iye. Tsilwiɓwim à tar a yam nda zləm Tsir gà Mbulum, dite nda zləm gà, Kəla ŋgar ŋa, dite nda zləm Mezite Mesife Mbulum asa mbaŋa.

Mata 3:17

A tsarakara mifefile ana a ɗera i mbulum a. Mbulum a gwaɗarra: «Kər na mandərkwasla gà ya, Kəla gà. Maŋgayaba gà fit dze ka, ika gər yak.»

Markus 1:11

A tsarakara mifefile ana a ɗera i mbulum a. Mbulum a gwaɗarra: «Kər na kà ne mandərkwasla gà ya, Kəla gà. Maŋgayaba gà fit dze ka, ika gər yak.»

Markus 9:7

Ta fə̀r ikaba ya ka, magùdwagùdwa a tarra aka gər tar a, tits a le a tar. Tə tsarakara iɗəm mifefile i fataya. Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Dzum zləm a dukw ana a tsik a kurum a ya.»

Luka 10:22

Dite a gwaɗa a gà mburma ana a riŋ mayahaba gər ŋa i təv ŋgar a: «Ama Tsir gà aka dziŋ gà dukw a ahər tserdze. Wura a riŋ na a sər ka, weke na Kəla Mbulum a tsa, say Tsir ŋa, dite wura a riŋ na a sər ka, weke na Tsir ŋa ya tsa asa, say Kəla ŋgar ata, nda gà mburma ana Kəla ŋgar ata a sasar meɗife a tar dər tserdze ya.»

Luka 3:22

Mezite Mesife Mbulum a tarra aka gər ŋgar a zərawwa i gəza mbulum a, kamala maadagwar ana a ndze a a bəɗ a. Gà mburma ata i fataya tserdze, ta ŋgatar aà are aà are. Dite tə tsarakara mifefile ata a ɗera i gəza mbulum a. Mifefile ata a ɗera ya ka, Mbulum a gwaɗara a Yesuw a: «Kər na kà ne mandərkwasla gà ya, Kəla gà. Maŋgayaba fit dze ka, ika gər yak.»

Yuhana 10:15

kamala ana Tsir gà a sər iye ya, dite iye tekeɗe, i sər ŋgat mbaŋa ya. Yàa hadzal ba aà medzeye à mesife gà agəra tar.

Yuhana 10:36

Iye kinehe tekeɗe, ŋgat na a zla iye, a slərra iye aka gər ahəɗ a. Dite ka, meme na ki slwim aà megweɗe a, i ne a dər bakal, agəra ana i gwa, iye Kəla Mbulum a?

Yuhana 14:11

Gəsum bazlam gà ana i gwaɗa a kurum ka, mər ilik nda Tsir gà, iye i təv ŋgar, ŋgat tekeɗe, i təv ga ya. Na kàa gəsum taŋa i tsik a kurum a tsəka, gəsum bazlam megemir aaha i gewa ya, àsla pəra ka, ide.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 17:21

Iye riŋ i hemek a ka, dite tar ata tserdze tə ndza i təv ilik ŋa. Tə ndza i təv ma kamala kər ana mandza ŋa i təv ga ya, Tsir gà, dite iye tekeɗe, mandza ŋa slìpèhhe i təv yak. Tə ndza i təv ma kamala taŋa ya, dite ka, gà mburma ana ti zezem a gər ahəɗ a, ta gəs ka, kər ana kà slərra iye ya ndzer kaɗəŋ.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Yuhana 3:35

Ŋgat ka, Tsir Kəla, a waya Kəla ŋgar, a dzar gà dukw a ahər tserdze, dite ma kwara.

Yuhana 5:20

Aɗaba Mbulum a waya iye Kəla ŋgar, dite a riŋ a ɗifiŋ a à dukw ana ŋgat ŋa a ge a tserdze ya mbaŋa. A ti ɗifiŋ a à gà megemir gà bàba ŋa ana à zè a naha kinehe ya, aka miɗ mbaŋa asa. Ama taŋa na a ta ge aà kurum a kamala sunwa ya.

Yuhana 5:26

Mbulum Tsir gà ka, ndzəɗa Mesife i ba ŋgar. Ama ka, aka viliŋ ndzəɗa ata a ahər a iye, Kəla ŋgar, mbaŋa, na dite i vile a mesife ata a mburma ya.

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Yuhana 6:39

Dukw ana a sàs a wele ana a slərra iye ya ka, araha: Gà mburma gà ana a dziŋ tar a ahər a ka, ilik ma dzeye tsa. Ama ka, i mbele a à tar i məməta ya, a pat mandəvandəv gər ahəɗ ivaɗ.

RUMA 15:6

na dite kurum tserdze ki zèmbeɗwim a à Mbulum Tsir Yesuw Kiristi BATSAH kwa ŋa ya tits, bazlam kurum a ge a ilik a.

2 Kurintiya 1:3

Gekwa kəkaaha a Mbulum ana ŋgat Tsir Yesuw Kiristi BATSAH kwa ŋa ya. Ŋgat ka, a ge a ŋgwal a mburma, kamala tsir gà ɓəza ana a ge a dukw ŋgwal ŋa, a ge a gər a gà ɓəza ŋgar a. A mèkwehe a à arəv də̀ɗə̀ffa, a vile a kwe a ndzəɗa kəla pat.

2 Kurintiya 11:31

Mbulum Tsir Yesuw BATSAH kwa ŋa ka, a sər, dukw ana iye ihər i tsik a ya ka, ndzer, tsəka, pàrsa iɗəm tsa. Ku weke mà zlə̀b à ŋgat aà biybiy.

IBƏRANIKWA 1:3

Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

2 Yuhana 1:3

Gà Mbulum Tsir kwa nda Yesuw Kiristi Kəla ŋgar ti ta vile a kwe a ŋgwal tar ana kà ndzakwa a tar dər are tsehe ya, dite ti ta vile a kwe a matasla yam a gəzləŋ. Gà dukw ata ka, ki ŋgetekewiŋa, na kwa ana ki zezemekwe a bazlam ndzer ŋana i təv Mbulum a, ki weyekwe a ba ika magər kwa mbaŋa.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.