2 Piyer 1:16 - Bible Zulgo

¹⁶ Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.

2 Piyer 1:16 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 17:1

I dəba mehinne ndilik a ka, Yesuw a ndzək gà Piyer nda gà Zakup, nda gà Yuhana damər Zakup, tə da a gər kwite zùbəl ŋa duwa, à gər tar.

Mata 24:27

Dukuməŋa a ge a ba ka, kamala mewìtìɗè mbulum ana ndiɗèy à wìtiɗe a aà gəza mbulum a. A dze ahər a ba ka, ara ndaka dwa ya, dite à wìtiɗe a nda gwa asa mbaŋa. Kamala taŋa ya, na iye, *wur ana a dara i təv Mbulum a, i dere a ka, parakkà, i təv are mburma tserdze.

Mata 24:3

Aləka i dəba ŋa ya, Yesuw a tsəl a gər kwite Ndzendzebire. I təv ana ŋgat a riŋ mandza ŋa i fataya ka, gà ɓəzla mazazama ŋgat tə daha a təv ŋgar, à gər tar. Tə daha, ta gwaɗar: «Tsik a mər te, ndeɗime na bazlam yak ata kà tsik a, a ta ge a ba ya, dite meme na mìi sir a dər ka, kàa à meslele, nda gà gər ahəɗ aka à mendìve asa ya?»

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Markus 13:26

A pat ata ka, gà mburma ta ŋgetiŋŋa, a iye, wur ana a dara i təv Mbulum a. I dere a ka, nda hulɓukw a, nda ndzəɗa Mbulum a hinne, dite nda mezlibe gà ana ti zlibe a à iye ya.

Markus 14:62

Yesuw a gwaɗar aaka: «Haya, iye ka, ŋgat ŋa. Iye, *wur ana a dara i təv Mbulum a, aləka ki ta ŋgetwimiŋ a ka, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Luka 1:2

Ta wetse ka, dukw ana tə tsaraka i təv gà mburma ana ndzer, ta ŋgatar daga piŋŋe akahər ata ya, dite ka, ta mà a mər dər, Mbulum na a slər tar aà meɗìfè à bazlam ŋgar a.

Luka 9:43

Ama batsah ndzəɗa Mbulum ata Yesuw a pàt dər a ka, a ge aà gà mburma ata i fata tserdze ya, kamala dukw mene aà mburma ya. I təv ana gà mburma ata tserdze ya, tar riŋ ti dzele a gà gər aka dukw ana Yesuw a geye mba ya ka, Yesuw a gwaɗa a gà ɓəzla mazazama ŋgat ata:

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

1 Kurintiya 1:17

Ama Kiristi a slər iye ka, aà metsìlwìɓè à mburma a yam ɓav tsa. A slər iye ka, aà metsìkè bazlam ŋgwal ŋana a mburma seyiŋ ivaɗ. I təv ana i tsikewa a tar a ka, nda metsehe mburma tsa. Tsəka, ana ka, məməta ŋgar ana a mət aà dizl magə̀làwà ŋa ya ka, a ne a dukw taf masakəŋa.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

1 Kurintiya 1:7

Aɗaba taŋa, dukw ana Mbulum a dze a a gà mburma ŋgar a tserdze ka, kàa ŋgatum, kuɗa duwa a ge a kurum a tsidze. Dite kurum riŋ ihər ki vevwim a ka, pat ana Yesuw Kiristi à mère a nda ndzəɗa ŋgar ana tì zlibe a dər a ka, nda gà maŋgayaba.

1 Kurintiya 2:1

Gà damər gà, akahər ata i təv ana i dara a təv kurum a, aà meɗìfè a kurum à dukw Mbulum ana makàhà ŋa, dite a pàt a kwa dər ndərzayya ya ka, Yàa tsik a kurum bazlam ana a geye a kurum a gà ndə̀kə̀zlə̀zlə̀mma, kà tsarakum tsiye tsa, dite Yàa zle à duwa nda metsehe mburma ɓav tsa asa mbaŋa.

1 Kurintiya 2:4

I màwa a kurum à bazlam Mbulum, i ɗifewa a kurum dər. Dukw ana i tsikewa a kurum a ka, a dara i metsehe mburma ya tsa. Yàa bana kurum nda bazlam ilik tsidze. Ama Mezite Mesife Mbulum na a ɗif a kurum à bazlam gà ata nda ndzəɗa ŋgar ndzer kaɗəŋ a.

1 Kurintiya 5:4

I ge seriye ata ka, nda zləm Yesuw BATSAH kwa ŋa. Araha, na dukw ana ki gwim a ya. Yahum ba gər, dite madzala gà gər gà tekeɗe, a ndze a i təv kurum nda ndzəɗa Yesuw Kiristi BATSAH kwa ŋa mbaŋa.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

FILIPIYA 3:21

I təv ana a dere a ya ka, a ta mbìɗ a à ba kwa ana tsèfek tsèfek ndzəɗa iɗəm tsiye, na dite ba kwa a nis a asa tsa, a ndze a aà bəra aà biybiy kamala biy ŋgar ana ti zlibe a dər a. A ta ge a kamala taŋa ya ka, nda ndzəɗa ŋgar ana a kwere a gà duwa tserdze ya.

1 TESALUNIKE 2:19

Mì dzalawa aka kurum hiywe ka, aɗaba ana kurum gà mburma Mbulum a. Dite i huɗ madzala gà gər mər ata tekeɗe, mì dzalawa ka, aka dukw maya ba ana Mbulum a ta vile a kwe a ya. Mì dzalawa gà gər ata ka, aka gà asiŋ gà mburma Mbulum ŋgiɗ ɗekɗek tsa, aka kurum mbaŋa, dite na mì ŋgat maŋgayaba a gəzləŋ zayya ka, aɗaba kurum asa mbaŋa. Kurum kà nwim ka, kamala petek mendìwìɗè gər mər ana mì ta ge a dər zlapa, nda gà maŋgayaba ika miɗ Yesuw Kiristi BATSAH kwa ŋa, a pat ana à mère a ya.

2 TESALUNIKE 2:9

Mala mene are a Mbulum ata a dere a ka, nda ndzəɗa Əbay sitene ya. Kamala taŋa ya, a ta ge a gà dukw mene aà mburma pampam hinne, a sasar na a bene a dər mburma nda dukw pàrsa ŋgar ata ya.

1 TIMUTE 1:4

Ki gweɗe a ter a asa ka, ta miyak à gà bazlam ana taf masakəŋa, ti tsik a i madzala gà gər tar a. Dite tə tə dzala gà gər aka gər zləm gà tsir tar ana akahər ata ya tsa. Ŋgulum ŋa a riŋ tsa. Aɗaba na tàa zazam bazlam tar ata ka, manəsa bazlam à sìkèh a ika magər tar hinne asa. Gà bazlam ata ka, kwets a riŋ à zlèk a gà mburma ana tar riŋ ti yehe a vatwa Mbulum a tsa. Aɗaba kà sərakwa vatwa ŋgar ka, say nda magəsa ŋgat nda gəzləŋ ilik.

1 TIMUTE 4:7

Ka tə dza zləm a gà guma məfara ŋa ana a tsahən aà Mbulum tsiye tsa. Say mede yak ma da ka, aka miɗ aka miɗ kamala ana a sàs a Mbulum a.

TITUS 1:14

Kwara akaba tar ka, dite tə̀ dza zləm aà gà ahəm hiyeŋ gà Yahuda ana tə ɗamawa taf masakəŋa ya asa tsa. Tə tə zazam məpala ahəm gà mburma ana ta miyak à dukw ana ndzer ŋa ya asa tsa.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

1 Yuhana 4:14

Mər ka, maa ŋgatar, na Mbulum Tsir kwa a slər a kwara Kəla ŋgar aka gər ahəɗ a ya, na dite a mbele a à mburma ya. Mì tsikewa a kurum ka, bazlam ata a ge ba ndzer kaɗəŋ.

Yuda 1:14

Akahər ata piŋŋe ka, Anuhu ana ta wa ŋgat i gwala Adama matəsəla ŋa ya ka, aka tsik bazlam aà medzibe gà mburma ata mbaŋa. A gwa: «Araha, BATSAH kwa ŋa a dere a nda gà gawla ŋgar a hinne, a ɗeme a ba tsa.

Sunwa Yuhana 1:7

Gwim metsehe, a dere a ka, nda hulɓukw a.*fb* Ku weke a ŋgeteriŋa, ku mege gà na ta geyer suwal a tekeɗe ya. Gà slàla pampam ika gər ahəɗ tserdze, ti tiweye aaba a aɗaba ŋgat. A ta ge a ba ka, kamala taŋa ya kaɗəŋ ndzer. Amin.