2 Kurintiya 9:4 - Bible Zulgo

⁴ Tsəka, na bəla mər nda gà mburma ana ɗa ika ahəɗ Makaduniya i faha ya, maa le aà kurum, ama kàa yahum gər a siŋgwe ata, aka sle tsəka, hwarwa a ta giŋ a i təv tar ka, hinne. Aɗaba Yàa mbər mezlibe à kurum, i gwaɗa a tar ka: «I sər ndzer, ti yehe a gər a siŋgwe ata.» Tsaatsa ka, pàrsa. Ama ka, hwarwa a ta ge a ndeyndey ka, a kurum na ika miɗ tar a mbaŋa.

2 Kurintiya 9:4 ပူးပေါင်းရင်းမြစ်များ

RUMA 15:26

Aɗaba gà ɓəzla magəsa Mbulum ana ɗa ika ahəɗ Akaya, i Kurintiya ya, nda gà na i Makaduniya ya, ta mà akaba à bazlam, ta gwa: «Yahakwa gər a siŋgwe, kà slərakwaha a gà ɓəzla matawak ana ika magər gà mburma Mbulum ana i Yeruzalem a.» I de a dər.

1 Kurintiya 16:2

Kəla ladà, ku mege weke, tsə̀nə̀hum akaba siŋgwe zaakwa zaakwa kamala dukw ana kàa ŋgatum, Mbulum aka vəl a kurum a. Ki gwim a dər kataya, na dite ələk aka təv ana Yàa ndzeha a təv kurum ka, siŋgwe ata aka sle, kàa mbər mayahumar gər a.

2 Kurintiya 11:17

Dukw ana i tsik a kurum i faha ya ka, taŋa: BATSAH kwa ŋa tsa na a slər ahər iye ya. Awaŋ, i təv ana i ge a aba zlapa kamala taŋa ya ka, i fèfil a kamala wele ana metsehe ŋgar a riŋ tsiye.

2 Kurintiya 8:24

Wayum gà mburma ata nda gəzləŋ ilik, dite gà mayahaba gər gà mburma Mbulum ata tə sləraha tar a təv kurum a, ti tsereke taŋa ka, ti sir a dər, dukw ana mì tsik aà tar ŋgwal ŋa nda təv kurum a ka, ndzer kaɗəŋ, pàrsa iɗəm tsa.

2 Kurintiya 9:2

Aɗaba i sər ka, a sàs a kurum mazlàkà tar nda gər kurum ndzer dukw ŋgar. Yàa zlə̀b à kurum ika miɗ gà mburma Mbulum ana ɗa ika ahəɗ Makaduniya i faha ya ka, hinne. I gwaɗa a tar ka: «Gà mburma Mbulum ana ika ahəɗ Akaya ya, tàa dza ba aà matsakala ŋa daga də̀z. A sàs a tar, tì zlèk a dər gà mburma Mbulum ana ika ahəɗ Yuda ya.» I təv ana i tsik a tar taŋa ya ka, gà asiŋ ŋa ika magər tar hinne, ta ŋgat metsehe aà mazlàkà tar mbaŋa.

FILIMUN 1:19

Taŋa iye Pul nda ahər gà ŋa na i wetse bazlam aaha ya. I pìlek a ndzer. Ama kə̀la ka, ŋgulum gwèdèrè yak ata ka, ka wiz asa tsa. Aɗaba mesife ana kə ŋgat a ka, i bazlam gà ya na ka tsaraka ya.