2 Kurintiya 8:9 - Bible Zulgo

⁹ Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.

2 Kurintiya 8:9 ပူးပေါင်းရင်းမြစ်များ

Mata 17:27

Ama kinehe ka, dzàma a tar pəra, tsəka, à tsìɓ a teriŋa. Ama ka, daha, zla kwèndzere, kà da dər aà guva duluv, kà yà a huɗ yam, dite kilif ana kàa lah megìsera iɗəm a ka, kà hə̀ndə̀kar ikaba bazlam a, tsam ka, ki ŋgeter a iɗəm siŋgwe ya. Dite ka dara, kà dzàma a tar mbaŋa.»

Mata 20:28

Aɗaba iye, *wur ana a dara i təv Mbulum a tekeɗe, i dara ka, aà mazlàkà mburma ya, tsəka, mburma na mà zlak iye ya tsa. Iye i dzeye a à mesife gà ka, aà mumbùruɗà dərra mburma i bakal a.»

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Markus 6:3

Aɗaba piŋŋe ka, a papazawa ka, dizl. Ŋgat ibam, kəla Mariya ya. Gà damər ŋgar tekeɗe ka, gà Zakup nda Yasufa, nda gà Yudas, nda gà Simun. Gà damər ŋgar gà dəm ŋana tekeɗe, tar ɗa mandza ŋa ika magər kwa i faha ya.» Aɗaba taŋa na gà mburma ata ta gəs ahəm aà Yesuw tsiye.

Luka 16:11

Na kàa sərum are megemir limana ana kinehe ika gər ahəɗ a ndaka vatwa tsəna, weke na a sle a aà mivile a kurum ŋgwal limana ana à ndìv a tsa i təv Mbulum a?

Luka 2:7

Kəla ata a wa ya ka, asləka ŋa, malkwara ŋgar tsara. A wa ka, i ga hwalwa hwalwa i dìdwìn. A paɗa ahər petek, a tike dər a dukw duwa batsah ŋa kamala gùlam a. Dukw ata ka, tə dzawa aɗəm kwizir. A tike dər a fata ka, aɗaba ta ŋgat təv mehinne i ga ŋgiɗ tsa. Gà mìsle ŋgiɗ ta hənawa iɗəm.

Luka 8:3

nda gà Yuwana məkəs Huza, mala megemir gà *Hiridus iɗəm mbaŋa, dite nda gà Suzana, nda gà asiŋ gà məkəs ŋgiɗ pampam hinne iɗəm asa mbaŋa. Gà məkəs ata tə zazam ŋgat a ka, tə zlàkawa gà Yesuw nda limana tar hinne.

Luka 9:58

Yesuw a tsaraka kataya ka, a gwaɗa a wele ata: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Yuhana 1:10

Ŋgat ɗa ika gər ahəɗ. Ama ku mege Mbulum a ge gər ahəɗ nda ahər ŋgar tekeɗe ka, gà mburma ana iɗəm a, tə sər ŋgat tsa.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 1:17

Mbulum aka vəl a kwa məpala ahəm nda ahər Musa. Ama a ge a kwa ŋgwal ŋgar, a ɗif a kwa à ndzer ŋgar ka, nda ahər Yesuw Kiristi.

Yuhana 12:30

Ama Yesuw a gwaɗa a tar: «Mifefile ata ta fàfəlara ya ka, agəra iye tsa, ama ka, aɗaba kurum.

Yuhana 16:15

Dukw ana i ahər Tsir gà tserdze ya ka, biy gà mbaŋa. Aɗaba taŋa, i gwa: Dukw ana Mezite Mesife Mbulum à me a kurum a dər a ka, i təv ga ya na a tsarakara ya.»

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

RUMA 11:12

Akahər bakal tar ata ta ge ya ka, Mbulum a ge ŋgwal ŋa ka, a gà asiŋ gà mburma ana ika gər ahəɗ tserdze ya. Agəra medìɗè tar ata tə dəɗ ika vatwa ŋgar a ka, a pise ahəm a gà asiŋ gà mìsle ŋgiɗ hinne kuɗa. Dite na gà Yahuda tserdze ta mbəɗ gər a təv ŋgar ana, a pisakwe a ahəm ana, à zè a taŋa tsiye.

RUMA 15:3

Aɗaba Yesuw Kiristi tekeɗe ka, a sasar mawàyà ba ŋgar tsa. Seyiŋ tsa ivaɗ, a ndza ka, kamala ana ta wetse i wakita Mbulum ka, ta gwa ahər: «Tàa tsik dukw ana ŋgwala tsiye aà kər Mbulum. Ama bazlam tar ata ka, ta wala dər aà iye ya.»*fa*

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

1 Kurintiya 1:4

Iye ihər i ge a kəkaaha a Mbulum kəla pat, agəra ana aka ge a kurum ŋgwal ŋa nda ahər Yesuw Kiristi ya.

1 Kurintiya 15:47

Malahalah mburma ka, Adama, ŋgat a ne mburma gər ahəɗ pəra. Mbulum a ge ŋgat ka, nda ahəɗ. Ama wele ata a mbe aka Adama ka, ŋgat a dara i mbulum i gər ŋa ya.

2 Kurintiya 6:10

Ku mege ta vile a mər a matsəɓatsəɓ a gəzləŋ hinne tekeɗe ka, mìi de a aka miɗ aka miɗ nda maŋgayaba lele hiywe. Mər ka, mì ne kamala gà ɓəzla matawak a, ama mər ihər mìi ge a Əbay à gà mburma hinne ika vatwa Mbulum seyiŋ ivaɗ. Mi ne kamala ana duwa mər a riŋ tsidze ya. Ama nda ndzer kəla ka, dukw tserdze a riŋ aà mər dukw ŋgar.

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

EFESIYA 3:19

Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

1 TIMUTE 6:18

Gwaɗa a tar ka, say ta gewa ka, dukw ana ŋgwal ŋa ya, tə̀ zlak mburma lele, ta vəl ahər fə̀làh fə̀làh. Ta ge gà ɓəzla hə̀za tsa.

IBƏRANIKWA 1:2

A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.

Sunwa Yuhana 2:9

I sər mesewere are kurum ana tì sèwèr a kurum a ya. Taŋa kurum ka, gà ɓəzla matawak asa. Ama i təv gà ka, kurum gà ɓəzla limana ivaɗ.*fb* Dite gà dukw ana ti tsik aà kurum ŋgwala tsiye tekeɗe, i sər mbaŋa. Na a tsikewa gà dukw ata kamala taŋa ya ka, gà na ta gwaɗawa, làŋa mər ka, gà Yahuda ya. Ama tsaatsa, tar ka, ti zezem a dukw gà Yahuda nda ndzer ŋa tsa. Tar ka, gà ɓəzla mazazama Əbay sitene.

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.

Sunwa Yuhana 3:18

Aɗaba taŋa kinehe ka, iye ihər i tsik a kurum a dukw ana ki gwim a ya: Ama ka, dumara, ka sakamum gura ana tàa làmbaɗa nda akwa tsəzlzla lele i təv ga ya, dite ka, ki nwim a gà Əbay nda ndzer ŋa kuɗa ya. Dumara, sakamum gà petek ana herrè ya mbaŋa, kà dzàyum akaba, na dite ka, ki ndzwim a kataya sagurɗumɗum, hwarwa a ge a kurum a asa tsiye. Sakamum yàwuf are, dite ka geywim a gà are kurum asa mbaŋa, na dite ki ŋgetwim a a vatwa lele asa ya.