2 Kurintiya 8:7 - Bible Zulgo7 Kurum ka, gà Əbay ŋa, na ika vatwa Mbulum a, kà zùm dər gà mìsle ŋgiɗ kweleŋ. Megìse kurum ana kə̀ gəsum *Kiristi nda gəzləŋ a ka, ɓəŋɓəŋ lele. Kurum ihər ki tsikwim a bazlam ŋgwal ŋana a mburma parakkà. Kurum ka, kà sərum dukw ana ndzer a, kà vəlum ba kurum a megemir Mbulum ka, nda gəzləŋ ilik. Meweye kurum ana kà wayum mər a tekeɗe, hinne asa mbaŋa. Aɗaba taŋa, gwim megemir ŋgwal ŋa ata ka, nda gəzləŋ ilik mbaŋa, mà za biy gà mìsle ŋgiɗ. အခန်းကိုကြည့်ပါ။ |
2 Kurintiya 8:7
25 ပူးပေါင်းရင်းမြစ်များ
Kurum mandza ŋa i təv ilik ŋa nda gà Yesuw Kiristi ka, Mbulum aka pise a kurum ahəm, kàa ŋgatum gà ŋgwal gà dukw ana pampam tserdze ya, nda təv megìse kurum. Ki ndzwim a ka, barbararra ika vatwa ŋgar. Aɗaba taŋa na kà sərum ikaba à gà dukw ana ndzer ŋa ya lele, dite ka, kà sərum meɗìfè à bazlam Mbulum a mburma asa mbaŋa.
Aɗaba aka ana ti tsilwiɓ à kwa a yam a ka, kwa tserdze kà nekwa kamala ba ilik a, nda ndzəɗa Mezite Mesife Mbulum ata ilik ŋa ya. Aɗaba ku mege gà Yahuda, ku mege gà na tar gà Yahuda tsiye, nda gà ku mege gà ɓele, nda gà na ti ziwe a gər tar a tekeɗe, Mbulum a vəl a kwa akaba Mezite Mesife ŋgar ka, ilik pəra.
Na mege wura aka ŋgat ndzəɗa aà məma à bazlam Mbulum a mburma lele, nda gà bəla aka sər vatwa ŋgar, nda gà dukw ana makàhà ŋa i təv ŋgar a fit, kige tsa aka gəs bazlam Mbulum maràhà ŋa i gəzləŋ tsìsl, na dite a sle aà megweɗe a a kwite aaha: «Hitse i faha ya,« dite a de a kaɗəŋ tekeɗe ya ka, ama na a waya gà asiŋ gà mìsle ŋgiɗ tsəka, taŋa ka, a ne kamala dukw ana taf masakəŋa ya hiywe mba.
Mawàyà mburma ka, à ndìv a tsa, a ndze a aà biybiy. Ama gà bazlam Mbulum ana ta màwa dər a mburma ya ka, tì ndìv a mba. Dite ku mege tàa ŋgat ndzəɗa aà metsìkè gà ahəm ana tar tə sər tsiye tekeɗe, a ti ndìv a mba asa. Masəra gà dukw ana mburma tə səraya nda təv Mbulum a tekeɗe ibam, à ti ndìv a mbaŋa asa.
Ama araha, ika magər kurum tekeɗe, ki gewim dər kamala taŋa ya mbaŋa. Lele, na kurum riŋ ihər ki yehwim a ka, gà ndzəɗa ana Mezite Mesife Mbulum à dzèye a a mburma ya, nda gəzləŋ ilik, na dite ki ŋgetwim a ya. Taŋa ka, a tsahən aà kurum hinne seyiŋ. Ama kəla ka, yahum ndeyndey ŋana ka, medzibe ndzəɗa ana ki zlèkwim a dər gà asiŋ gà mìsle ŋgiɗ a, na dite ka, ta ŋget a ndzəɗa nda təv megìse tar ana ta gəs Mbulum nda gəzləŋ ɓəŋɓəŋ lele ya ya.
Ama mede ŋgar ana a dara ya ɗekɗek tsa. A mà a məraha à arəv ka, nda bazlam ana a tsik a mər a mbaŋa. A tsik a mər ka, meme na kà mùmaraha à arəv a. A gwaɗa a mər asa ka, a sàs a kurum aà meŋgetiŋ asa zləmana ŋa, nda gà na kurum riŋ ihər ki dzelwim a gà gər aka dukw kurum ana ki gwim ŋgwala tsiye ya. Dite a sàs a kurum hinne na ki wiywimiŋ a ba, ki geywim a ika iye ya nda təv gà ɓəzla mene are gà ana ti niŋ a ya. I təv ana i tsaraka taŋa ya ka, i səkah à maŋgayaba hinne asa kuɗa.
I hamawa a Mbulum aɗaba kurum ka, dite mawàyà ba ana ki weywim a ba ika magər kurum ilik ilik tserdze ya, mà səkah aaka aka miɗ aka miɗ. Kamala taŋa ya ka, ki sirwim a ndzer ŋa lele, dite ki slwim a aà masəra ikaba à gà dukw ana naha ka, a da ndaka vatwa Mbulum, kige tsa, naha ka, a da dər tsiye.
Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.
Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.
Kurum ki gweɗwim a i gər kurum ka, waytsà mər ka, gà Əbay ŋa, maa ŋgat duwa tserdze, kuɗa duwa a ge a mər a asa tsa. Ama kurum ŋa kà sərum aaba tsa. Kurum ka, gà ɓəzla mesewere are ivaɗ. Ti zleŋe a kurum, kurum ka, gà matawak hinne, sagurɗumɗum petek ika kurum tsa, dite kurum ka, gà guluf asa mbaŋa.
ကြော်ငြာတွေ