2 Kurintiya 8:3 - Bible Zulgo

³ Iye ihər i tsik a kurum ŋa: Tàa dzaya siŋgwe hinne, kamala ana ndzəɗa tar a sle ya. Awaŋ, kataya tsa. Ŋgulum i gweɗe a ka, tə dza ka, a za ndzəɗa tar kweleŋ fètìte. Mandza siŋgwe ata tə dza ya ka, nda meweye tar, tsəka, wura na a tsik a tar a tsa asa mbaŋa.

2 Kurintiya 8:3 ပူးပေါင်းရင်းမြစ်များ

Markus 14:8

Məkəs aaha ka, aka giŋ dukw ana ndzəɗa ŋgar a sle ya. Taŋa ka, aka mbər mege aà iye wirdè ana ti zle a dər akaba iye a biye ya aka ndəv.

Gà Ɓəzla Meslire 11:29

Gà ɓəzla mazazama Yesuw ana i fataya, tə tsaraka kataya tsara ka, tə dza akaba bazlam ika magər tar, ta gwa: «Ku weke a sle aà meslireha a duwa a gà ɓəzla mazazama Yesuw ana ti ne gà damər kwa i Yuda ya, kamala ana a sle a ya.»

RUMA 10:2

I sər dukw ana ta ge a ya, ta waya matsahəna aà ba tar nda gəzləŋ ilik i təv Mbulum. Ama tə sər vatwa dukw ana ta ge a ya tsa. Ti ye a ba bə̀ram bə̀ram taf masakəŋa.

1 Kurintiya 16:2

Kəla ladà, ku mege weke, tsə̀nə̀hum akaba siŋgwe zaakwa zaakwa kamala dukw ana kàa ŋgatum, Mbulum aka vəl a kurum a. Ki gwim a dər kataya, na dite ələk aka təv ana Yàa ndzeha a təv kurum ka, siŋgwe ata aka sle, kàa mbər mayahumar gər a.

1 Kurintiya 9:17

Na mege i zla megemir ata nda meweye gà ka, ana ka, ŋgulum ta viliŋ a dukw maya ba gà zaakwa. Ama i zla ka, nda meweye gà tsa. Iye ihər i ge a ka, ka ta gwaɗum nda mezìwè gà gər gà tsa, aɗaba Mbulum na a viliŋ a ahər a.

GALATIYA 4:15

Akahər ata ka, kə̀ ŋgayawum ba ka, hinne. I sər ndzer, na mege a ge a ba ka, ana ka, kàa ndzahumara gà are kurum i gər a, ùndzuɗ ùndzuɗ kàa dzwìmiŋ. Dite meme na ki ŋgeywim a ba kinehe asa tsiye?

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

KULUSIYA 4:13

Iye ka, Yàa ŋgatar nda are gà, meme na a riŋ a ge a megemir hinne, aɗaba kurum, dite agəra gà mburma Mbulum ana i Lawdikiya ya, nda gà na i Hiyerapulis a mbaŋa ya.

1 TESALUNIKE 2:8

Mì waya kurum ka, hinne. Aɗaba taŋa, i təv ana mər mandza ŋa i təv kurum a ka, a sàs a mər na mìi ɗif a kurum a à bazlam ŋgwal ŋa ana a dara i təv Mbulum a ya. Ama ka, taŋa ɗekɗek tsa, a sàs a mər ka, mìi mete a aɗaba kurum, agəra ana mì waya kurum ka, hinne ya.

FILIMUN 1:14

Ama a sèsiŋ mege kataya tsa, tsəna bəla ki gis a tsa ana, meme? Aɗaba i waya na i tike aka kər a ndzəɗa aà megiŋ ŋgwal ŋa ya tsa. Say ki ge a ka, kamala ana kà waya ya ivaɗ.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

1 PIYER 5:2

Gəsum gà mburma Mbulum ana a dza a kurum tar a ahər a. Gwim a tar gər lele, kamala mala makəva gà təmaŋ ana a ge a gər a gà təmaŋ ŋgar a. Gwim a tar gər ka, nda gəzləŋ ilik, kamala ana a sàs a Mbulum a, tsəka, kamala ana wura a fàr aka kurum ndzəɗa ya tsa. Ki gwim a megemir ata ka, nda meweye kurum, kamala ana madzala gà gər kurum a tsik a kurum a. Ka ta gwim are aka maŋgata nuba tsa.