2 Kurintiya 8:12 - Bible Zulgo

¹² Aɗaba na ki vilwim a duwa a Mbulum nda maŋgayaba kamala ana kàa ŋgatum a ka, à gis a lele. Ama na bəla kàa ŋgatum duwa tsəka, Mbulum a gweɗe a: «Vilwimiŋ dukw» ka, a gweɗe a tsa.

2 Kurintiya 8:12 ပူးပေါင်းရင်းမြစ်များ

Mata 25:17

Wele ana ta vəlar dəbuw sula ya tekeɗe, a tsàkàl dər asa. A ŋgat aaka nuba ŋgar dəbuw sula mbaŋa.

Mata 25:22

I dəba ŋa ya ka, wele ana a vəlar siŋgwe dəbuw sula ya, a ndzəkara biy ŋgar a, a da dərraha, a gwaɗar:

Luka 16:10

Taŋa, wur ana a ge a megemir gà ɓəza gà dukw ana kwizikw kwizikw a, ndaka vatwa ŋa ka, a ge a gà bàba ŋana tekeɗe, ndaka vatwa ŋa mbaŋa. Ama wur ana a ge a mege megemir gà ɓəza gà duwa nda mehimbire iɗəm a ka, a ge a gà bàba ŋana tekeɗe, kataya mbaŋa asa.

2 Kurintiya 8:11

Kinehe ka, gwim nda gəzləŋ ilik kamala ana kà lah medzwim ahər ba ya mbaŋa. Ndə̀vum à megemir ŋa lele. Dzum ka, kamala ana ndzəɗa kurum a sle ya.

2 Kurintiya 8:13

Ka tə dzalum ka, i zle a mesewere are ika gà mìsle ŋgiɗ a, i tike a aka gər kurum, dite ka, tar tə ndza barbararra, dite kurum ka, kà sawarum are ya tsa. Awaŋ, a sèsiŋ ka, ki ndzwim a kalkal, tsəka, maturək duwa ma ge a kurum ba a gər tsa.

2 Kurintiya 8:19

Ama mìi slirehe a ŋgat ka, agəra taŋa ɗekɗek ɓav tsa. Aɗaba gà mayahaba gər gà mburma Mbulum ana ɗa i faha ya, na tə zla ŋgat a. A sàs a tar ka, mà laka mər i təv ana mìi de a à siŋgwe ata aka ahəɗ Yuda ya. Kamala taŋa ya na ŋgwal megemir ata a ti sìkèh a à mezlibe ana ti ti zlibe a dər à BATSAH kwa ŋa, dite a ti ɗif a dər a mburma mbaŋa, ti sir a dər ka, a sàs a mər mazlàkà mburma nda ndzer, wirwir iɗəm tsiye.

2 Kurintiya 9:7

Ama siŋgwe ata ka, ku mege weke mə vəl kamala ana a dzala i gər ŋgar a, tsəka, mə vəl nda madzala gà gər ŋa tsa. Dite ka, mə vəl kamala ana wura a fàr aaka ndzəɗa aà məvəla ŋa ya tsa asa mbaŋa. Aɗaba Mbulum a waya ka, wele ana a vile a duwa nda maŋgayaba ya ivaɗ.

1 PIYER 4:10

Mbulum a pise a kurum a ahəm nda təv gà dukw ŋgiɗ pampam. A vile a ndzəɗa a mburma aà mege gà dukw ŋgiɗ pampam ilik ilik tserdze, aà mazlàkà dər gà asiŋ gà mburma ŋgiɗ. Ku weke ma ge ndaka vatwa ŋa lele.