2 Kurintiya 7:7 - Bible Zulgo

⁷ Ama mede ŋgar ana a dara ya ɗekɗek tsa. A mà a məraha à arəv ka, nda bazlam ana a tsik a mər a mbaŋa. A tsik a mər ka, meme na kà mùmaraha à arəv a. A gwaɗa a mər asa ka, a sàs a kurum aà meŋgetiŋ asa zləmana ŋa, nda gà na kurum riŋ ihər ki dzelwim a gà gər aka dukw kurum ana ki gwim ŋgwala tsiye ya. Dite a sàs a kurum hinne na ki wiywimiŋ a ba, ki geywim a ika iye ya nda təv gà ɓəzla mene are gà ana ti niŋ a ya. I təv ana i tsaraka taŋa ya ka, i səkah à maŋgayaba hinne asa kuɗa.

2 Kurintiya 7:7 ပူးပေါင်းရင်းမြစ်များ

Mata 26:75

I dəba ŋa ya, Piyer a dzala aka bazlam Yesuw ana a gwaɗar ka, ələk guŋgwazl a ti tiwe a ka, kàa gwa medzige makər, i sər Yesuw tsiye ka, aka màrəra a gər a. A dara i ga ya, a dza ba aà tuwa hinne.

Mata 5:4

Maŋgayaba i təv gà na ti tiwe a, agəra dukw bakal ana mburma ta ge a ika gər ahəɗ a, aɗaba Mbulum à ta me a terehe a à arəv.

Luka 22:44

Ama ka, a ge magəɗa hinne asa, agəra mesewere are ana a ta gera a ba a gər a. A hama a Mbulum nda gəzləŋ ŋgar ilik. Avukw ndel ndel ndel kamala məmbəz ana a tèkwe a a bəɗ ara i ba ŋgar a.}

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

RUMA 1:12

Kige tsa, ŋgulum i gweɗe a ka, kwa tserdze mayakwabaha à arəv, na dite ka, megìse kurum ana kə̀ gəsum Yesuw Kiristi nda gəzləŋ kurum a ka, à mìŋgehe a à arəv a. Kamala taŋa ya, megìse gà ana i gəs Yesuw Kiristi nda gəzləŋ a tekeɗe ka, à mèye a kurumaha a arəv mbaŋa.

1 Kurintiya 5:2

Dite ka, kurum riŋ ihər ki sìŋgìrwim a à ba kurum ivaɗ asa dze ana, meme na taŋa ya? Ama ka, ŋgulum ki tiwwim a ba kurum ivaɗ, na ki delewim a wele ata ika magər kurum a ya.

2 Kurintiya 1:14

Kamala taŋa ya, kinehe ka, kàa dzum ba aà matsaraka ŋa zaakwa zaakwa dukw ŋgar. Ama ka, kà sərum dər, a pat ana Yesuw BATSAH kwa ŋa à mère a ya ka, ki ti sìŋgìrwim a à mər a hinne, kamala ana mìi ta ge a zlapa nda kurum a mbaŋa.

2 Kurintiya 1:4

Ku mege ndeɗime, i təv ana mìi sèwèr a are hinne ya ka, ŋgat a vəlawa a mər ndzəɗa, na dite mər tekeɗe, mìi dehe a, mìi mèhe a à arəv a gà na tar riŋ ihər tì sèwèr a are ya mbaŋa ya. Mìi zlèk a tar ka, kamala ana Mbulum a zlak mər a mbaŋa.

2 Kurintiya 2:9

I wetse a kurumaha wakita ata, i waya ka, i dzik dər à kurum, aà mesèmete ka, wànà kurum ihər ki gwim a dukw ana i tsikewa a kurum a ya, tsəna, ki gwim a tsiye ya. Araha, kàa tàtə̀kum a wele ata ka, hinne. Ama kinehe ka, say pə̀lumar à bakal ŋgar kuɗa pəra na a zeha ya.

2 Kurintiya 5:2

Kinehe kwa mandza ŋa ɗa ika gər ahəɗ ka, kwa ihər ki ŋgìrìzèkwe akabiŋa, aɗaba kà wayakwa hinne, na Mbulum a ta vile a kwe a ba awiya ŋa ata i gər ŋa i mbulum a ya.

2 Kurintiya 7:6

Ama na bəla gà mburma ta gweɗe a, dukw ata mìi sle a asa tsəka, Mbulum na a me a terehe a à arəv a. A mà a məraha à arəv ka, nda mede Titus ana a dara ya.

2 Kurintiya 7:8

I sər wakita gà ana i wetse a kurumaha akahər ata ya ka, aka vəl a kurum matsəɓatsəɓ a gəzləŋ hinne dukw ŋgar. Ama Yàa dzala aɗəm duwa hinne ɓav tsa. Malahalah ŋa ka, i dzala, i gwa, assàh, i wetse kataya ana, meme kuɗa ya. Aɗaba i samata, wakita ata i wetse a kurumaha ya ka, aka vəl a kurum matsəɓatsəɓ a gəzləŋ zaakwa dukw ŋgar.

2 Kurintiya 8:16

Titus ka, a vəl ba ŋgar aà mazlàkà kurum, kamala mər ana a sàs a mər mazlàkà kurum a mbaŋa. Mər ihər mìi ge a kəkaaha a Mbulum, agəra ana a làmbaɗa gəzləŋ ŋgar kamala taŋa ya.

FILIPIYA 1:20

Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.

KULUSIYA 2:5

Sərum dər ka, ku mege iye riŋ i təv kurum tsa, iye diriŋ aà kurum a tekeɗe, madzala gà gər gà ka, a riŋ i təv kurum kəla pat. I ŋgaya ba hinne, aɗaba ana i tsaraka ka, ki zezemwim a Mbulum tèrihhwè ndaka vatwa ŋa lele, dite gəzləŋ kurum ibam, a ndze a ɓəŋɓəŋ i təv megìse kurum ana kə̀ gəsum Yesuw Kiristi ya ya.

1 TESALUNIKE 3:6

Ama kinehe, Timute ana a daha, dite a màra a təv mər a ka, a tsik a mər dukw ana ŋgwal ŋa ya, na aka gər kurum a. A gwaɗa a mər, megìse kurum ana kə̀ gəsum Yesuw Kiristi nda gəzləŋ kurum a ka, a riŋ a de a aka miɗ aka miɗ, dite nda gà mawàyà ba kurum ana kà wayum ba ika magər kurum ilik ilik tserdze ya asa mbaŋa. Dite a gwaɗa a mər asa mbaŋa ka, kà dzalawum gà gər a təv mər hiywe, nda maŋgayaba lele. Mìi kiv a kurum a ka, hinne, kamala kurum ana ki kìvwim a mər a ya mbaŋa.

1 TESALUNIKE 3:8

Na kurum ihər ki dwim a ika vatwa Mbulum lele ka, a ŋgeyewe a mər a ba i gəzləŋ hinne.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.

YAKUBA 5:17

Fə̀rum aà Iliya ana akahər ata ya kwaŋ. Ŋgat ka, mburma kamala kwa ya mbaŋa. Ama ka, a hama a Mbulum nda gəzləŋ ilik, a gwa i huɗ meheme ŋgar ata ya ka: «Yam mà dza ɗa i faha asa tsa mive makər nda mezehe ŋa» ka, aka dza tsa kaɗəŋ.

2 Yuhana 1:4

Yàa ŋgaya ba hinne, aɗaba i samata, gà mìsle ŋgiɗ i liwiŋ gà ɓəza yak ka, tar ihər ti zezem a gà dukw ana ndzer ŋa, kamala ana Mbulum Tsir kwa a tsik a kwa, kà zazamakwa ya.

Yuda 1:3

A kurum gà masla gà ana i waya kurum hinne ya. Ana ka, a sèsiŋ mewetse a kurumaha wakita hinne, agəra bazlam ŋgiɗ zləmana, aà meɗìfè a kurum dər ka, meme na Mbulum a mbəl à kwa tserdze ya. Ama i samata ka, ŋgulum i wetse a kurumaha kinehe, aɗaba mə vəl a kurum ndzəɗa, dite ki mirwim a aba nda təv bazlam ŋgwal ŋa ana kə̀ gəsum a ivaɗ. Mbulum a vəl ahər ka, a gà mburma ŋgar gà tsəɗaŋŋa ŋana. Bazlam ata ka, à mbìɗ a aba tsidze.