2 Kurintiya 7:3 - Bible Zulgo

³ Ka ta gwaɗum, i tsik taŋa ka, biy na i mà a kurum à bakal a ɓav tsa. Ar ka, kamala ana i lah metsike a kurum ndeɗiŋa ya. Mì waya kurum hinne, duwa ilik ma ta mà ba à kwa tsa. Ku mege kàa matakwa, kwa i təv ilik ŋa, ku mege kwa riŋ nda mesife tekeɗe, kwa i təv ilik ŋa hiywe mbaŋa.

2 Kurintiya 7:3 ပူးပေါင်းရင်းမြစ်များ

2 Kurintiya 11:11

Aɗaba la na i tsik a kurum taŋa ya? Wànà kù gwaɗum ana, i waya kurum tsa ivaɗ a? Awaŋ, aɗaba Mbulum ka, a sər, i waya kurum nda ndzer dukw ŋgar.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 13:10

I wetse a kurumaha gà dukw ata tserdze ya ka, Yàa daha a təv kurum zukw tsa. Aɗaba ələk i ti dehe a ka, kàa mbər məmbə̀ɗum à madzala gà gər kurum, dite na i fèfil a kurum a nda magala asa tsiye. Aɗaba Mbulum ka, aka viliŋ ndzəɗa aà meɗife a kurum à metsehe ndzer kaɗəŋ. Ama i ŋgat ndzəɗa ata ka, aà manəsa dər à kurum tsa kəla. A viliŋ ka, dite i zlak dər kurum nda təv mede kurum ana ki sìkèhwim a dər aka miɗ aka miɗ ika vatwa ŋgar a.

2 Kurintiya 3:2

Kurum na kà nwim wakita mər, mewetse ŋa a riŋ i gəzləŋ mər a. Ku mege weke a sle a aà medzeŋge, a tsereke a lele.

2 Kurintiya 7:12

Aɗaba taŋa, wakita ata i wetse a kurumaha ya ka, i wetse aɗaba wele ana a ge bakal ata ya, kige tsa, agəra wele ana ta ge ihər bakal a ya ɓav tsa asa. Ama i wetse ka, dite mə vəl a kurum vatwa ika miɗ Mbulum parakkà, ku weke ma sər dər ka, kà wayum mər ndzer nda gəzləŋ ilik.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

1 TESALUNIKE 2:8

Mì waya kurum ka, hinne. Aɗaba taŋa, i təv ana mər mandza ŋa i təv kurum a ka, a sàs a mər na mìi ɗif a kurum a à bazlam ŋgwal ŋa ana a dara i təv Mbulum a ya. Ama ka, taŋa ɗekɗek tsa, a sàs a mər ka, mìi mete a aɗaba kurum, agəra ana mì waya kurum ka, hinne ya.