2 Kurintiya 6:9 - Bible Zulgo

⁹ Ta gwaɗawa ka, tə sər mər tsa, mər ka, gà ɓəzla falày taf masakəŋa. Ama tsaatsa, gà asiŋ gà mìsle ŋgiɗ tserdze tə sər mər lele dukw ŋgar. Ta fə̀rawa aà mər ka, kamala ana mər ka, gà məməta ŋa ya. Ama ka, mər riŋ nda mesife lele dukw ŋgar mbaŋa. Ti sèwèrewa a mər are hinne, ama tàa bats mər zukw tsa seyiŋ.

2 Kurintiya 6:9 ပူးပေါင်းရင်းမြစ်များ

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 19:26

Ama kàa ŋgatumar, dite kàa tsarakum dukw ana wele aaha tə zalar Pul a ge a ya. A riŋ a gweɗe a ka: A bene a mburma hinne, dukw ŋgar, tsəka, i Efesiya i faha ɗekɗek tsa. Ku mege i ŋga, ika ahəɗ Asiya fit dze mbaŋa.

Gà Ɓəzla Meslire 25:19

Ama i tsaraka, ta mbetseba ahəm ka, ndaka təv fəla tar ana ti zezem a ya, dite ndaka təv wele duwa tə zalar Yesuw, a mət kuɗa ka, Pul a gwa, aka mbəlara i məməta ya pəra.

Gà Ɓəzla Meslire 25:26

Ama iye ka, i sər wur bazlam ana ndzer, i wetsehe a a batsah Əbay gà Ruma ya tsa. Aɗaba taŋa na i zalaraha aka miɗ kurumaha tserdze ya. I zalaraha ndeyndey ka, aka miɗ yak batsah Əbay Agaripa. Ka wiz ihər bazlam ŋa ya te. Na kàa wiz ihər a ka, bəla i sle aà meŋgete a wur bazlam i huɗ bazlam ŋgar ana a tsikik a ya zaakwa, na dite i wetsehe a batsah Əbay kwa ata ya.

RUMA 15:19

dite agəra dukw mene aà mburma ata pampam a ge nda ndzəɗa Mezite Mesife Mbulum nda ahər gà ata ya mbaŋa. Kamala taŋa ya, Yàa ŋgat vatwa aà meɗife à bazlam ŋgwal ŋa ana aɗaba Yesuw Kiristi ya, a gà mburma tserdze, ika tsèke Yeruzalem a, tsikw Yàa ndze dər aka ahəɗ Iliriya.

RUMA 8:36

Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

1 Kurintiya 11:32

Ama na Mbulum a ɗifekwe a à metsehe kamala taŋa ya ka, a sasar mibekwa à ɗaf ivaɗ, na dite ka, a ta gew akaba a kwa aka miɗ seriye ŋgar nda gà ɓəzla bakal, ki dzeyekwe a tsiye ya.

1 Kurintiya 15:31

Sərum dər ndzer, gà damər ga, kəla pat tserdze iye ka, i ɗa məməta. I tsik a kurum taŋa ka, aɗaba ana i ŋgaya ba agəra kurum a. I ŋgaya ba ka, agəra ana kurum nda gà mər tserdze magàwà ba ŋa nda gà Yesuw Kiristi BATSAH kwa ŋa ya.

1 Kurintiya 4:9

Ama ka, kataya tsa. Mər gà ɓəzla meslire Yesuw Kiristi, i samata ka, kamala ana Mbulum aka ne à mər gà ɓəzla dəba mburma tserdze ya. Mər mì ne asa ka, kamala gà mburma ana seriye aka gəs tar, dite ta bets a tar ika miɗ mburma ya. Mər ka, kamala gà ɓəzla mesewere are ana ti sèwèr a ter a ɗa ika gər ahəɗ ka, fìyye mburma ta fir ahər a ya, nda gà ku mege ika miɗ gawla Mbulum tekeɗe ya.

2 Kurintiya 11:6

Bəla iye ka, i sər mifefile ana, dite ka, mà tsahən aà mburma dzekwiŋ a tsa. Ama nda təv masəra bazlam Mbulum ka, i sər lele dukw ŋgar. Taŋa ka, i pàtawa a kurum dər ka, parakkà lele, ku mege ndeɗime, ku mege meme tekeɗe ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.