2 Kurintiya 6:8 - Bible Zulgo

⁸ I huɗ mendze mər a ka, gà asiŋ gà mìsle ŋgiɗ tì zèmbeɗe à məriŋa. Gà biy ŋgiɗ ka, ti ndeveye a mər a pìslìɗìɗe. Gà asiŋ ŋa tì zlibe à məriŋa. Ama gà biy ŋgiɗ ti tsik a dukw ana ŋgwala tsiye aka gər mər. Ta fir aà mər a ka, kamala ana mər ka, gà ɓəzla pàrsa ya. Ama tsaatsa, mər mìi tsik a ka, dukw ana ndzer ŋa ya ivaɗ.

2 Kurintiya 6:8 ပူးပေါင်းရင်းမြစ်များ

Mata 27:63

Tə daha, ta gwaɗar: «Əbay, mì dara a təv yak a ka, aɗaba dukw ana mala pàrsa aaha a tsikewa akahər ana aka mət zukw tsiye ya, a gwaɗawa: ya ka, aka mà mərra a gər a.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.

Sunwa Yuhana 3:9

Dzwìmiŋ zləm lele. Araha na dukw ana i ta ge a nda gà mburma ata ti zezem a Əbay sitene ya, tar ta gwaɗawa, làŋa mər ka, gà Yahuda ya, tsaatsa tar ka, ti zezem a dukw gà Yahuda ŋa nda ndzer ɓav tsa, tar ka, gà ɓəzla pàrsa masakəŋa taf: Ama i slirehe a tar a təv kurum. Ti dehe a, tì zlibe a à kurum nda mandza gurmits a bəɗ aka miɗ kurum, dite na ti sir a dər ka, iye riŋ i waya kurum a.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

Gà Ɓəzla Meslire 28:22

Ama a sàs a mər metsereke dukw ana kà dzala ya dzekwiŋ. Aɗaba mì sər, ku i ŋga tserdze, gà mburma ta fèfil a ka, ŋgwal ŋa tsa aka dukw kurum ana ki zezemwim a kinehe ya.»

Gà Ɓəzla Meslire 24:5

Mì sər aà wele aaha ka, ŋgat mala manəsa à kə̀sà ndzer. A wise a bazlam i liwiŋ gà Yahuda ana ika gər ahəɗ tserdze ya. Ŋgat tekeɗe, Əbay i fəla pàrsa gà mburma ana mì zal a tar gà Nazaret a asa.

3 Yuhana 1:12

Demetiriyus ka, mege weke à zlibe a à ŋgat, a tsik ahər a dukw ana ŋgwal ŋa ya. Ndzer ŋgar ana a gewa ya, na à zlibe a à ŋgat a mbaŋa. Mər tekeɗe ka, mì gwa ahər ŋgwal ŋa. Aɗaba kər kà sər, dukw ana maa tsik ahər kataya ka, ndzer kaɗəŋ, pàrsa iɗəm tsa.

IBƏRANIKWA 13:13

Aɗaba taŋa, kwa tekeɗe ka, say tàkwa a təv ŋgar a bəra a fata, dite kə̀ gə̀sakwa ba nda gà ŋgat. Ki gìsekwe a zìrìwe ana tə ndaɗa aaka ya mbaŋa.

RUMA 3:8

Ta gweɗe a ka, gekwa dukw ana ŋgwala tsiye ivaɗ, na dite ŋgwal Mbulum à pèt a aba ndərzayya lele ya. Na ki gekwe a kataya dze ana, à lèh a là? Yaw, gà mìsle ŋgiɗ ta wele a aà iye ya kataya, ta gweɗe a ka, iye na a tsik taŋa ya. Ama gà dukw ata ti tsik aà iye kamala taŋa ya ka, Mbulum a ta gis a dər tar a seriye ide.

Gà Ɓəzla Meslire 22:12

Ama i kwite ata ka, wele duwa a riŋ, zləm ŋgar Ananiyas. Wele ata ka, a gewa magəɗa a Mbulum lele. A dzawa gurmits a bəɗ a məpala ahəm kwa gà Yahuda mbaŋa. Gà Yahuda ana i fataya tekeɗe, ti zlibe a à ŋgat hinne asa.

Gà Ɓəzla Meslire 16:39

Ta mah ba, tə da a təv tar tsara. Tə daha, ta gwaɗa a tar: «Kamkam, pə̀lum a mər à bakal mər.» Ta pə̀lara à tar i ga daŋgay ata ya kuɗa. Ta gwaɗa a tar: «Dum i kə̀sà mər a te.»

Gà Ɓəzla Meslire 10:22

Ta gwaɗar aakaha: «Na a gwaɗa a mər, dum ka, Əbay gà sliwdze duwa, zləm ŋgar Kwarney. Wele ŋa ka, ŋgwal mburma lele, magəɗa Mbulum i ba hinne. Dite gà Yahuda tserdze ta waya ŋgat ka, lele mbaŋa. Gawla Mbulum ilik na a gwaɗar, ma zalakaha a təv ŋgar, dite ma tsaraka dukw ana ki tsiker a ya.»

Gà Ɓəzla Meslire 6:3

Aɗaba taŋa, gà damər gà, palum mburma təsəla ika magər kurum a, gà ɓəzla metsehe ana tàa rah nda Mezite Mesife Mbulum lele, wirwir i ba tar tsiye. Ka vəlakwa a tar megemir ŋa a ahər tar, ta ge.

Gà Ɓəzla Meslire 5:13

Gà na tàa gəs Mbulum zukw tsiye, ta ge magəɗa aà madaha a təv tar. Ku mege ta ge magəɗa aà madaha a təv tar tekeɗe ka, tə zlə̀b à tar hinne.

Gà Ɓəzla Meslire 4:21

I dəba ŋa ya, mayahaba gər gà mburma ata ti yaha vatwa, waytsà aà mandza aà tar magəɗa hinne asa, dite ta pəl à tar, tə da ba. Ta ŋgat vatwa dukw ana tì sèwèr a ter a dər are ya tsa, aɗaba gà asiŋ gà mburma tserdze tar riŋ tì zèmbeɗe a à Mbulum, agəra dukw mene à mburma ata a ge ba ya.

Yuhana 7:12

Gà mburma tserdze ti tsikeye bazlam pampam nda akəl aka gər ŋgar hinne. Gà mìsle ŋgiɗ ka, ta gwa: «Wele ŋa ka, ŋgwal mburma.» Ama gà biy ŋgiɗ aaha ta gwa i tar: «Kataya tsa, ŋgwal mburma tsa, a bene a mburma.»

Markus 12:14

Tə daha ka, ta gwaɗar: «Əbay, mì sər, kər ka, mala ndzer ŋa, ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa. Ama kər ihər ki ɗif a à vatwa Mbulum ka, nda ndzer ŋa. Aɗaba taŋa, tsik a mər məpala ahəm kwa kwaŋ, dze ana, wànà aka vəl vatwa aà mandza hadam a batsah Əbay gà Ruma ana a kwere a kwa ya ya? Tsəna, aka vəl tsiye? Mì dzar a, wànà mì dzar tsiye?»

Mata 22:16

I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa.

Mata 10:25

Ama aləka wele ana ti ɗifer a à metsehe mba ya, tàa geye akaba nda wele ana a ɗifer à metsehe ya ka, ma ŋgaya ba lele. Na ta ge a dukw ana bəla meme a mala meslire kamala dukw ana ta ge a a mala ga ŋgar a ka, ma ŋgaya ba mbaŋa. Na tàa gwa aà iye ana mala ga ya, *Beldzebul seyiŋ ana, sakwàn gà mburma ana i ma gà ya ya?»

1 TIMUTE 3:7

Wele ata à gis a gà mburma Mbulum a ka, mede ŋgar mà tsahən aà gà mburma ana ti zezem a Yesuw Kiristi tsiye mbaŋa, dite ta gis a bazlam ŋgar lele. Bəla na mede ŋgar ata aka ge ŋgwal ŋa tsəka, ta gweɗe a, ŋgat ka, ŋgwal mburma tsa. I fataya ka, aka dəɗ a ɓele Əbay sitene.

2 Kurintiya 1:18

Mbulum na mala sida gà ya. Dukw ana maa tsik a kurum a ka, ndzer kaɗəŋ, pàrsa iɗəm tsa. Taŋa dukw ana mì tsikewa a kurum a ka, maa gwa «haya», kige tsa «awaŋ» nda bazlam sula tsa.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

2 Kurintiya 11:21

Assàh, iye ka, hwarwa a giŋ a aà metsìkè ŋa hinne. Aɗaba mər ka, mì ge magəɗa, na mìi ge a à kurum a kamala taŋa ya. Kinehe ka, iye ihər i fèfil a kurum a kamala ana iye mala falày masakəŋa ya kuɗa. Ama na bəla gà mìsle ŋgiɗ ta ge a zlapa nda dukw ŋgiɗ ka, iye tekeɗe, i ge a zlapa nda dukw ata mbaŋa.

2 Kurintiya 12:16

Kurum kà sərum, iye ka, Yàa gwaɗa a kurum: «Zlakum iye nda dukw mezime» ka, Yàa tsik a kurum tsa. Wànà kataya tsiye? Ama gà mìsle ŋgiɗ ika magər kurum ka, ta gwa: «Biy tsa, Pul a bene a mburma nda wirwir hinne, a bene a aà kwa siŋgwe ya.»

1 TESALUNIKE 2:3

I təv ana mì wiz mburma, dite ta gəs bazlam ata ya ka, mì mà à dukw ana a dara i madzala gà gər mər a tsa. Mì tsik ka, lele, wirwir iɗəm tsidze. Dite kwets mìi bene a mburma tsa asa mbaŋa.