2 Kurintiya 5:9 - Bible Zulgo

⁹ Aɗaba taŋa, ku mege kwa mandza ŋa ɗa diriŋ aà ŋgat a, ku mege kwa mandza ŋa bise nda gà ŋgat tekeɗe, a sàsakwa ka, mege dukw ana ŋgat a waya ya ɗekɗek hiywe.

2 Kurintiya 5:9 ပူးပေါင်းရင်းမြစ်များ

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Gà Ɓəzla Meslire 10:35

A waya mburma tserdze, ku mege gà dukùla tekeɗe. Ama kə̀la ka, say na ŋgat riŋ a ge a magəɗa a Mbulum nda mege gà dukw ana ŋgat a riŋ a ge a ndaka vatwa ŋa ya.

RUMA 14:18

Na wura a ge a meslire a Yesuw Kiristi kataya ka, à tsehin a aà Mbulum, dite gà mburma tserdze tì zlibe a à ŋgat mbaŋa.

RUMA 14:8

Na i təv ana kinehe kwa riŋ ki ndzekwe a aà bəra ka, aà mazàmbàɗà à BATSAH kwa ŋa. Dite i təv ana ki metekwe a asa ya ka, ki zèmbeɗekwe a dər hiywe. Kamala taŋa ya, ku mege kwa riŋ nda are, kige tsa bəla kàa matakwa tekeɗe ibam a ka, kwa tserdze biy Yesuw Kiristi BATSAH kwa ŋa.

RUMA 15:20

I huɗ megemir gà ata i ge ya ka, a sèsiŋ i tsikewa bazlam ŋgwal ŋana i kwite ana tàa tsaraka maɗə̀và zləm Yesuw Kiristi zukw tsiye ɗekɗek pəra, tsəka, zləməŋa fit dze tsa. Aɗaba a sèsiŋ məmbə̀ɗàba aka madzàha ga mìsle ŋgiɗ tsa, dite ka, ta gwa, araha aka mbəɗ akaba ya tsa.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

2 Kurintiya 5:6

Aɗaba taŋa na ku mege ndeɗime, ki ndzekwe a ɓəŋɓəŋ lele ya. Taŋa kà sərakwa ndzer, akahər ana kwa nda gà ba kwa aaha ya ka, kwa diriŋ aà BATSAH kwa ŋa ya.

2 Kurintiya 5:8

Ama kaɗəŋ, ki ndzekwe a ɓəŋɓəŋ lele dukw ŋgar. A sàsakwa ka, ki miyekikwe a à ba aaha, na dite ki ti ndzekwe a i təv ilik ŋa nda gà BATSAH kwa ŋa ya.

EFESIYA 1:6

Ama kinehe ka, zàmbaɗakwa à Mbulum, agəra ŋgwal ŋgar ana a za duwa tserdze, a ge a kwa ya. Ŋgwal ŋgar ata a ge a kwa biy taf a ka, aɗaba ana kwa riŋ mandza ŋa i təv ilik ŋa nda gà Kəla ŋgar mandərkwasla ŋa ana a waya ŋgat hinne ya.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

1 TESALUNIKE 4:1

Gà damər gà, dukw ana a zeha mìi tsik a kurum a ya ka, araha: Akahər ana àvə̀ɗaka mì ɗif a kurum ka, à mede ana a tsahən aà Mbulum a. Araha kaɗəŋ, mì sər ka, mede kurum aka ne kamala taŋa ya. Ama kinehe ka, mì ge a kurumaha kamkam hinne, nda zləm Yesuw BATSAH kwa ŋa: Zazamum ka, mede ata hiywe, səkahum dər aka miɗ aka miɗ asa.

1 TESALUNIKE 4:11

Mərum aba lele, na dite mendze kurum ana ki ndzwim a ya ka, zayya a ge a ŋgwal ŋa ya. Dzalum aka gà dukw kurum lele. Gwim megemir nda ahər kurum ŋa, kamala ana mì tsik a kurum akahər ata ya.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

IBƏRANIKWA 12:28

Kamala taŋa ya, gekwa kəkaaha a Mbulum, aɗaba ana a ti dze a kwe a Əbay i mekwere ŋgar ana a sle aà miɓezle a tsiye ya. Gekwar kəkaaha, aɗaba mekwere ŋgar ata ki ti zlìbekwe a iɗəm à ŋgat, nda gà megèr iɗəm magəɗa ya. Dite ka, ki gekwer a meslire ŋgar ndaka vatwa ana a tsahən ahər a mbaŋa.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.