2 Kurintiya 5:10 - Bible Zulgo10 Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are. အခန်းကိုကြည့်ပါ။ |
Ama a pat ana Mbulum a ta ge a seriye a gà mburma nda ahər Yesuw Kiristi ya ka, gà dukw ana i tsik i faha tserdze ya, à pèt a ka, parakkà lele. A ge a ter a seriye ka, aka gər gà dukw ana makàhà ŋa titstsè i gəzləŋ tar, nda gà madzala gà gər tar ana tə dzalawa ya. Na a ɗif a à dukw ata, a ta ge a ba kamala taŋa ya ka, ŋgwal bazlam aaha iye ihər i tsik a gà mburma ya.
Iye ihər i fèfil a kurum a aka gər gà ɓele ata ka, aà meɗìfè a kurum dər, na dite ki tserekwim a, a ge a ŋgulum a, aɗaba kàa tsarakum gà dukw ata lele zukw tsa. Piŋŋe ka, kà vəlum ba kurum fit aà mege dukw ana ŋgwala tsiye ya. Kàa geyewim gà bakal pampam hinne, Mbulum aka ŋgaya dər ba tsidze. Kamala taŋa ya, kinehe tekeɗe, vəlum gà dzerisl ba kurum fit aà mege dukw ana ndzer ŋa ya, na dite mendze kurum à tsehin a aà Mbulum a.
Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.
tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.