2 Kurintiya 4:4 - Bible Zulgo

⁴ Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 4:4 ပူးပေါင်းရင်းမြစ်များ

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 1:18

Wura aka ŋgat a Mbulum ilik tsidze. Ama Kəla ŋgar ata mifèndèz ŋa tə ndzawa i təv ilik ŋa nda ŋgat a, na a ɗif a kwa dər a.

Yuhana 12:31

Kinehe ka, Mbulum a ge a seriye agəra gər ahəɗ aaha kuɗa. Kamala taŋa ya, a zle a Əbay aà Əbay gà mburma gər ahəɗ a, a delewe a ŋgat ŋa.

Yuhana 12:35

Yesuw a gwaɗa a tar aaka: «Kinehe ka, dzaydzay a riŋ i təv kurum. Ama a ndze a kə̀la ka, zaakwa pəra. I təv ana dzaydzay ŋa ata a riŋ i təv kurum mba ya ka, dum aka miɗ tə̀ma, luvuŋ mà gəs kurum tsa. Aɗaba wur ana a de a i luvuŋ a ka, a sir a təv ana a de a aɗəm a ya tsa. Tìtìktìkka luvuŋ aka ndàr aka are.

Yuhana 12:40

A gwa: «Mbulum aka ge aà tar guluf. Aka ne à tar mandàkugùrum aka ndəv. Kamala taŋa ya, ta ŋgat a vatwa asa tsa, tə sər gà dukw ata i metsehe tar asa tsa mbaŋa. Dite kwets tàa mbəɗara ahəm a təv ga ya ɓav tsa asa mbaŋa, na dite i ta mbele à ter a ya.»*fd*

Yuhana 12:45

Wur ana a riŋ ihər a ŋgetiŋ a ya ka, a ŋget a taŋa ka, a wele ana a slərra iye ya mbaŋa asa.

Yuhana 14:30

Kinehe ka, i tsik a kurum a duwa hinne asa tsa, aɗaba Əbay gər ahəɗ aaha aka à mendzera. Ama kə̀la ka, ndzəɗa ŋgar a riŋ aà mekwere iye tətsà.

Yuhana 15:24

Na mege ndeɗiŋa Yàa mbər mege gà megemir ana wura ilik ika magər tar a, aka ge tsiye tsəka, ana ka, Mbulum à gis a tar nda seriye ŋgar tsa. Ama kinehe, ku mege tàa ŋgat a gà megemir gà ana i ge ya tekeɗe ka, tar riŋ ti ne a mər a dər akaba are nda Tsir gà hiywe pəra.

Yuhana 16:11

Dite a ti ɗe a ter a dər asa mbaŋa ka, Mbulum na a ti ses a ikaba seriye tar a ya, aɗaba ti sir a ka, seriye aka mbər megìse Əbay gər ahəɗ aaha kinehe ya.

Yuhana 8:12

I dəba ŋa ya, Yesuw a fàfəl a gà mburma asa. A gwaɗa a tar: «Iye ka, dzaydzay gər ahəɗ. Wur ana a zezem a iye ya ka, a ti ndze a i luvuŋ asa tsa. Ama a ŋget a dzaydzay ŋa ana a vile a mesife a mburma ya.»

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

Gà Ɓəzla Meslire 26:23

Ta gwaɗawa ka: Mala məmbàlà à mburma ana Mbulum a gwa, i slir a kurumehe a ya ka, tì sèwèrer a are, ta kiɗ a ŋgat, dite a ta mbilere a i məməta ya. Ŋgat na à lèh ahər a ya. A ti tsik a bazlam ana a vile a dzaydzay a gà Yahuda, nda gà na tar gà Yahuda tsiye mbaŋa.»

1 Kurintiya 10:20

Ama ka, sərum dər, dukw ana gà mburma ata tə sər Mbulum tsiye, ta batsayawa ka, a gà sitene, tsəka, a Mbulum tsa.*fb* Iye ka, a sèsiŋ na ki ndzwim a i təv ilik ŋa nda gà sitene ya tsa.

2 Kurintiya 2:11

I ge dər kataya ka, aɗaba a sèsiŋ tsa na Əbay sitene a sewle aà kwe a ya. Aɗaba kwa ka, kàa mbər mesirekwa wirwir ŋgar ana a gewa ya lele, makàhà ŋa tsa.

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

2 Kurintiya 3:11

Kaɗəŋ, na masəra ba miviye ŋa ata aka ndza hinne tsiye, aka ɗifekwa à ndzəɗa Mbulum ata seyiŋ ana, sakwàn nda masəra ba awiya ŋa aaha a ndze a aà biybiy a ya, à zè a taŋa tsiye.

2 Kurintiya 3:14

Ama gà mburma Isərayel ana akahər ata ya ka, ndakazləmzləm tàa tsaraka bazlam ata tsidze, haa kinehe hiywe mba. Aɗaba i təv ana ti dzeŋge a bazlam wakita biy masəra ba miviye ŋa ata ya ka, ti ne kamala gà ɓəzla mandakazləm a, tə sər tsa. Are tar makàhà ŋa zimirmir nda petek kamala biy Musa ana akahər ata ya. Say wur ana aka gəs Yesuw Kiristi ya, na petek ata wurat, a de a ika are ŋgar a ya.

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

GALATIYA 1:4

Yesuw Kiristi a mət ka, aɗaba kwa, na dite Mbulum a pəl a kwa dər à bakal gər ahəɗ aaha ŋgwala tsiye, dite mà fàr aka kwa ndzəɗa asa tsa. A ge dər kataya ka, kamala ana Mbulum Tsir kwa a waya ya.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

FILIPIYA 2:6

Aɗaba ku mege tar nda Mbulum ilik tekeɗe ka, a sasar na a ne a kamala Mbulum a tsa.

KULUSIYA 1:15

Wura a sle a aà meŋgete a Mbulum nda are tsidze. Ama Yesuw Kiristi ana gà mburma ta ŋgatar a ka, a ndzikiɗ ba kalkal kamala Mbulum a. A ɗif a kwa dər, meme na a ndza ya ya. Ŋgat ka, malkwara. Mendze ŋgar ka, piŋŋe, à gər ana Mbulum aka ge gà duwa zukw tsiye.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

IBƏRANIKWA 1:3

Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

IBƏRANIKWA 6:4

Ki sle aà meɗekwebe a à bazlam ata hiywe asa tsəka, aɗaba na bəla gà asiŋ ŋa i liwiŋ kwa, tàa mà a dəba ika vatwa Mbulum a ka, ki sle a aà mimèkwe aakara à tar a, dite ka, ta mbìɗ a à gəzləŋ a təv Mbulum asa tsa. Aɗaba gà mburma ata ka, tàa mbər meŋgete təv dzaydzay ŋana a dara i təv Mbulum a. Tàa ŋgat mipìsè ahəm ŋgar. Tàa ŋgat Mezite Mesife ŋgar a gəzləŋ tar mbaŋa ibam.

2 Piyer 1:19

Taŋa ka, a səkah a kwa à magəsa dukw ana gà ɓəzla məma à guma Mbulum ti tsik akahər ata ya asa. Ama kinehe ka, gwim metsehe aà mandza zləm a bazlam tar ata lele, aɗaba a ndzikiɗ ba ka, kamala lalampa ana à pèt a à dzaydzay i təv luvuŋ a. Ki dzwìm a zləm ka, haa a pat ana à mbizere a ya. A pat ata ka, a ge a i gəzləŋ kurum parakkà kamala *mawusawus madə̀và mbulum ana à div a ya. Kamala megweɗe ya ka: Kiristi na a dere a nda gà dzaydzay ŋgar ata à wìtiɗe a i gəzləŋ kurum a.

1 Yuhana 2:11

Ama wur ana a ne a are a mburma ya ka, mendze ŋgar ana a ndze a tserdze ya ka, i luvuŋ. A de a ka, tàm tàm tàm a sər vatwa ana a de a dər a tsa, kamala ar ka, guluf ŋa. Aɗaba luvuŋ ata təɗàm təɗàm aka ne à ŋgat mala guluf.

1 Yuhana 2:8

Ku mege kataya tekeɗe ka, məpala ahəm aaha i wetse a kurumaha ya ka, awiya ŋa iɗəm mbaŋa asa. Ndzer ŋana ka, aka pàt aba. A pàt aba ka, nda təv Yesuw Kiristi, dite i təv mendze kurum ana kà ndzum ɗa ya mbaŋa. Kà sərum məpala ahəm ata awiya ŋa ya ka, aɗaba ana luvuŋ a riŋ à nikiɗ a ihər a, təv dzaydzay ŋa ana ndzer a, a riŋ à dze a ba aà medìve wuratətətətà kinehe kuɗa ya.

1 Yuhana 5:19

Kà sərakwa dər, kwa ka, gà mburma Mbulum. Ama gà asiŋ gà mburma gər ahəɗ tserdze ka, i ahər Əbay sitene.