2 Kurintiya 4:18 - Bible Zulgo

¹⁸ Aɗaba kàa tikekwa madzala gà gər kwa aka dukw ana a ŋgeter a ba tsiye, tsəka, aka dukw ana mburma a ŋgeter a nda are ya tsa. Aɗaba gà dukw ana mburma ta ŋgeter a nda are ya ka, ti ndze a aà biybiy tsa. Ama ka, gà dukw ana mburma ta ŋgeter a nda are tsiye ivaɗ, na a ndze a aà biybiy a.

2 Kurintiya 4:18 ပူးပေါင်းရင်းမြစ်များ

Mata 25:46

I dəba ŋa ya, Yesuw a gwaɗa a tar asa mbaŋa: «Ama tar ata ti ta ŋget a mesewere are ana à ndìv a tsa aà biybiy a. Ama gà mburma ana tàa zazam Mbulum nda ndzer a ka, ti ndze a i tar ka, i təv mesife ana à ndìv a tsa aà biybiy a.»

2 Kurintiya 5:7

Kamala megweɗe ya, kàa ŋgatakwar zukw tsa. Ama kà sərakwa ki ta ŋgetekewe a a gà dukw ata ndzer ka, aɗaba ana kə̀ gə̀sakwa ŋgat nda gəzləŋ a.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

IBƏRANIKWA 11:1

Ama magəsa duwa nda ndzer ŋa ka, na wura aka gəs nda gəzləŋ ŋgar a. A sər taŋa ka, a ŋget a dukw ata a waya i gəzləŋ ŋgar a. A sər mbaŋa ka, dukw ata aka ŋgatar zukw tsiye ka, a riŋ kaɗəŋ ndzer.

IBƏRANIKWA 11:13

Gà Abəraham ata nda Izak, nda gà Zakup ya ka, ta gəs Mbulum nda gəzləŋ tar lele, haa a təv ana ta mata ya. Tar ka, tàa ŋgat a gà dukw ata Mbulum a tsik i sida ya, a gwa, i ta vile a ter a ya tsa. Ama tə dzala gà dukw ata a ta ge a ba ka, diriŋ, dite tàa ŋgaya dər ba mbaŋa. Ti tsikewa ika miɗ mburma parakkà, ta gwaɗawa: «Mər ka, gà slele, kwite mər ɗa ika gər ahəɗ i faha tsa.»

IBƏRANIKWA 9:11

Ama kinehe ka, *Kiristi aka dara kaɗəŋ. Ŋgat ka, *batsah mala mandəva kuɗa a Mbulum. Gà ŋgwal gà dukw ana kə̀ ŋgatakwa kinehe ya ka, a dara ka, i təv ŋgar a. Ŋgat a ge a megemir ka, i təv ana a za mekìrìwè ga petek ana akahər ata ya. Təv ata ka, ŋgwal ŋa lele, dite ar ka, ŋgulum asa. Ama ka, gà mburma tsa na ta ge təv ata ya. Kamala megweɗe ya: Ta ge təv ata ika gər ahəɗ ɓav tsa asa mbaŋa.

1 Yuhana 2:25

Taŋa ka, bazlam mesife ana Kiristi a tsik a kwa i sida ya, a gwa, i ta vile a kwe a ya ka, mesife ana à ndìv a tsa aà biybiy a.