2 Kurintiya 4:11 - Bible Zulgo

¹¹ I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

2 Kurintiya 4:11 ပူးပေါင်းရင်းမြစ်များ

RUMA 8:11

Ama na Mezite Mesife Mbulum ana a mbəlara à Yesuw Kiristi i məməta ya, dite Mezite Mesife ata a riŋ mandza ŋa i gəzləŋ kurum ka, taŋa ka, Mbulum a ta mbilere a à ba kurum i məməta ya nda ndzer mbaŋa, pàrsa iɗəm tsa. A ta ge a taŋa ka, nda ndzəɗa Mezite Mesife ŋgar ata mandza ŋa i gəzləŋ kurum a.

RUMA 8:36

Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

1 Kurintiya 15:31

Sərum dər ndzer, gà damər ga, kəla pat tserdze iye ka, i ɗa məməta. I tsik a kurum taŋa ka, aɗaba ana i ŋgaya ba agəra kurum a. I ŋgaya ba ka, agəra ana kurum nda gà mər tserdze magàwà ba ŋa nda gà Yesuw Kiristi BATSAH kwa ŋa ya.

1 Kurintiya 15:49

Ama kinehe ka, kà ndzìkìɗekwe ba wele ata Mbulum a ge ŋgat nda ahəɗ a tə̀ma. Aka miɗ mba ka, ki ti ndzìkìɗekwe a ba wele ata a dara i mbulum i gər ŋa ya kuɗa.

2 Kurintiya 4:10

Ti yehe a vatwa aà məbatsa mər kəla pàt, kamala ana ta kəɗ Yesuw Kiristi ya mbaŋa. Ama mìi ndze a nda mesife, na dite mburma ti sir a dər ka, Yesuw ŋgat a riŋ nda mesife hiywe ya.

2 Kurintiya 4:12

Kamala megweɗe ya, mər ka, i ɗa məməta hiywe. Ama kurum ka, mesife awiya ŋana a riŋ a ge a megemir i təv kurum.

2 Kurintiya 5:4

I təv ana kwa mandza ŋa nda gà ba kwa aaha hiywe mba ya ka, kwa ihər tə̀pasəssà ki bèsekwe a ba hinne. I fataya ka, a sàs a kwa aà megweɗe a Mbulum, zla aà mər ba aaha ya ka, a sàs a kwa ɓav tsa. Ama ka, a sàsakwa a vile a kwe a ba awiya ŋana, a ta mìt a tsa, a ndze a aà biybiy a, na dite ka, ba awiya ŋa ata à mbìɗ aɗəm a ba avukw miviye ŋa aaha à mìt a ya.

2 Kurintiya 6:9

Ta gwaɗawa ka, tə sər mər tsa, mər ka, gà ɓəzla falày taf masakəŋa. Ama tsaatsa, gà asiŋ gà mìsle ŋgiɗ tserdze tə sər mər lele dukw ŋgar. Ta fə̀rawa aà mər ka, kamala ana mər ka, gà məməta ŋa ya. Ama ka, mər riŋ nda mesife lele dukw ŋgar mbaŋa. Ti sèwèrewa a mər are hinne, ama tàa bats mər zukw tsa seyiŋ.