2 Kurintiya 4:10 - Bible Zulgo

¹⁰ Ti yehe a vatwa aà məbatsa mər kəla pàt, kamala ana ta kəɗ Yesuw Kiristi ya mbaŋa. Ama mìi ndze a nda mesife, na dite mburma ti sir a dər ka, Yesuw ŋgat a riŋ nda mesife hiywe ya.

2 Kurintiya 4:10 ပူးပေါင်းရင်းမြစ်များ

Yuhana 14:19

I huɗ mendze zaakwa ya ka, i de a ika gər ahəɗ a. Ama kə̀la ka, i ndze a i təv kurum hiywe. Aɗaba ana iye riŋ nda gà mesife ya, kurum tekeɗe, ki ti ndzwim a nda gà mesife ata mbaŋa.

RUMA 6:5

Kaɗəŋ, na kàa matakwa akaba nda gà ŋgat ka, kwa riŋ mandza ŋa i təv ilik ŋa nda gà ŋgat. Aɗaba taŋa na Mbulum a ta mbil a kwa i məməta ya, kamala ana a mbəl à ŋgat a mbaŋa ya.

RUMA 6:8

Ama na kàa matakwa akaba a təv ilik ŋa nda gà Yesuw Kiristi kamala taŋa ya ka, ki sirekwe a ndzer, kwa nda gà ŋgat ka, ki ti ndzekwe a nda gà mesife mbaŋa.

RUMA 8:36

Mesewere are kwa ata a ne ka, kamala ana mewetse ŋa i wakita Mbulum, a gwa ka: «Gà mburma ti yehe a vatwa aà məbatsa mər hiywe, agəra ana mìi zezem a kər a. Tar ihər ta fir aà mər a ka, kamala gà təmaŋ ana ti ti zleye a ter a ɗa ya.»*fa*

2 Kurintiya 1:5

Kamala taŋa ya, Yesuw Kiristi aka sèwèr are ka, hinne, dite kinehe mər tekeɗe, mər ihər mìi sèwèr a are ka, hinne mbaŋa. Ama mezleke ana Mbulum à zlèk a mər a tekeɗe, hinne mbaŋa asa, aɗaba ana mər mandza ŋa i təv ilik ŋa nda gà Kiristi ata ya.

2 Kurintiya 1:9

I fataya ka, mì dzala, mì gwa, naha ka, mər ka, i ɗa məməta kamala gà na seriye a gasa tar, ta bets a tar a. Ama Mbulum a ge dər kataya, dite mì gəs ka, ndzəɗa ba mər asa tsa. A waya mì gəs ka, ndzəɗa ŋgar ilik, na a ge a mər a ŋgulum a. Aɗaba ŋgat na a mbəlawa à mburma i məməta ya ya.

2 Kurintiya 13:4

I təv ana tə ndwandway ŋgat aà dizl magə̀làwà ŋa ya ka, aka həna à gər ŋgar a bəɗ kaɗəŋ, a ne à ba ŋgar kamala ana ŋgat mbile ŋa ya. Ama kinehe ka, aka mbəlara i məməta ya, a riŋ a ndze a nda mesife, aɗaba ndzəɗa Mbulum kuɗa. Mər mandza ŋa ka, i təv ilik ŋa nda gà ŋgat. Kamala taŋa ya, mər tekeɗe, mì həna à gər a bəɗ, mì ne à ba mər gà mbile ŋa mbaŋa. Ama mər mìi ndze a kəla ka, nda mesife ŋgar mbaŋa. I təv ana maa ndzeha a təv kurum a ka, mìi ge a megemir nda ndzəɗa ana Mbulum a vəl a mər a.

2 Kurintiya 4:11

I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

GALATIYA 6:17

Daga aà kinehe ya ka, wura ma ta wisiŋ à gər asa tsa. Aɗaba Yàa ne mburma Yesuw na i təv mesewere are ya. Girɗe megìzle ana aà iye ya, na a ɗif dər a.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

2 TIMUTE 2:11

Bazlam ana ndzer a ka, araha, na ki slekwe aà metìkè aaka a madzala gà gər kwa ya: Na kàa matakwa akaba a təv ilik ŋa nda gà Yesuw Kiristi ka, kwa tekeɗe, ki ti ndzekwe a nda gà mesife i təv ilik ŋa nda gà ŋgat mbaŋa.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

1 PIYER 4:14

Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.

Sunwa Yuhana 1:17

Aləka i ŋgatar kataya ka, tazl i dəɗ aà mbulum a, aka miɗ ŋgar a fata, kamala ana iye məməta ŋa ya. I dəba ŋa ya ka, a daha, a tike aka iye ahər mezime ŋgar, dite a gweɗiŋ: «Magəɗa ma gik tsa. Iye na malahalah ŋa ika gər gà duwa tserdze ya. Dite iye asa na i ti ndìv a à gà duwa tserdze ya asa mbaŋa.