2 Kurintiya 3:9 - Bible Zulgo

⁹ Na megemir məpala ahəm ata a gese a mburma i seriye Mbulum a, a riŋ nda gà ndzəɗa seyiŋ ana, sakwàn nda biy masəra ba awiya ŋa ana Mbulum a ne à ter a gà ŋgwal ŋa ika miɗ ŋgar, a ɗif a à ndzəɗa ŋgar ana, à zè a taŋa ivaɗ tsiye?

2 Kurintiya 3:9 ပူးပေါင်းရင်းမြစ်များ

RUMA 4:11

Aka ana Abəraham aka sàs ba ŋgar zukw tsiye ka, Mbulum aka ne à ŋgat ŋgwal ŋa ika miɗ ŋgar, aɗaba ana a gəs ŋgat nda gəzləŋ a. Dite i dəba ŋa ya, Mbulum na a gwaɗar ka, sàs ba kuɗa ya. Masàsà ba ŋgar ata a sàs ba ya, a ɗif dər a mburma ka, na dite tə sər dər, Abəraham aka ne ŋgwal ŋa ika miɗ Mbulum kaɗəŋ a. Kamala taŋa ya, na Abəraham a ne tsir gà na ta gəs Mbulum nda gəzləŋ tar a tserdze, ku mege tàa sàs ba tsa tekeɗe ya. Mbulum a ne à ter a gà ŋgwal ŋa ika miɗ ŋgar ka, kamala ana a ne à Abəraham ŋgwal ŋa ika miɗ ŋgar a mbaŋa.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 15:41

Ama gà dukw ana aà gəza mbulum a pampam mbaŋa. Aɗaba pat ka, medìve ŋgar pam nda biy kiye. Dite kiye tekeɗe, medìve ŋgar pam nda gà mawusawus asa. Dite ika magər gà mawusawus ibam, tì div a ka, pampam asa mbaŋa.

2 Kurintiya 3:8

taŋa ka, megemir Mezite Mesife Mbulum ana a vile a mesife a mburma ya, a ge a megemir, à zè a taŋa kweleŋ fètìte.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.