2 Kurintiya 3:5 - Bible Zulgo

⁵ Mì sər, ndzəɗa mər ana mìi ge a dər megemir ata ya, a dara ka, i təv Mbulum a, tsəka, mìi gweɗe a, mìi ge a megemir ata nda ahər mər ka, mìi tsik a tsa, aɗaba ana mì sle tsiye.

2 Kurintiya 3:5 ပူးပေါင်းရင်းမြစ်များ

Luka 21:15

Aɗaba iye ŋana i ti ɗif a kurum a à bazlam, nda metsehe ana ki ta bwim a dər aà gà ɓəzla gùvəl kurum a, dite ka, ti sle aà meŋgete a vatwa aà metsìkè kurum bazlam ŋgiɗ asa tsiye.

Luka 24:49

Ama ka, i slir a kurumara a dukw ana Tsir gà a tsik i sida ya, a gwa, i ta vile a kurum a ya. Kinehe ka, ndzum ɗa i faha, haa a təv ana kàa ŋgatum ndzəɗa ana a dere a i gər ŋa i təv Mbulum a.»

Yuhana 15:5

Iye i ne ka, kamala dizl ɗaf ata ya, dite kurum kà nwim ka, gà ɓəza ahər ŋana. Wur ana a ndze a i təv ga, iye tekeɗe, i ndze a i təv ŋgar a ka, ŋgat a ne ka, kamala ahər dizl ɗaf ata a we a hinne ya. Ama wur ana a ndze a i təv gà tsiye ka, a sle a aà mege duwa ilik tsidze.

RUMA 15:18

A sèsiŋ mesèse ahər bazlam ŋgiɗ tsa. Say i me a ka, à dukw ana Yesuw Kiristi a ge nda ahər gà ya. A viliŋ ndzəɗa aà metsike bazlam ŋgar a gà na gà Yahuda tsiye, dite ka, tə dara a təv ŋgar a, ta gəs ahəm ŋgar. Na tàa dara ka, agəra dukw ana i ge ya, nda bazlam ana i tsik a,

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

1 Kurintiya 3:10

Mbulum a giŋ ŋgwal ŋa hinne, na dite a slər iye, i dzar ba aà megemir ŋgar ika magər kurum a. Iye i ne ka, kamala wur ana à zlèzle a ga ka, a sər are mazlazla ŋa ya. I dzàha ka, ɓəŋɓəŋ lele. Ama kinehe ka, gà mìsle ŋgiɗ ti zlèzl aaka a kuɗa. Ku weke na à zlèzl aaka a ka, ma ge metsehe lele, na dite a de a ndaka vatwa ŋa ya.

1 Kurintiya 3:6

Mər mì ne ka, kamala gà ɓəzla mifìte ya. Iye na i dza ba aà metsìkè bazlam Mbulum ika magər kurum, kamala wele ana a dzava duwa ya. Dite Apalus ŋgat ka, a daha, a səkah à megemir Mbulum ika magər kurum asa mbaŋa, kamala wele ana a dze a yam aà dukw ata ya, dite ka, ma ge ba ya. Ama Mbulum na mala meɗè dər ŋa, dite na a ge a ba ya.

2 Kurintiya 12:9

Ama ka, a gweɗiŋ aakara: «Ŋgwal gà ana i gik a ana, a slek a tsiye na ki bis a dər a. Aɗaba akahər ana kər mbile ŋa ya ka, ndzəɗa gà a ge a megemir i təv yak hinne.» I tsaraka taŋa ka, i gəs gəzləŋ nda maŋgayaba lele kuɗa, i ge a zlapa ka, aɗaba ana iye mbile ŋa ika miɗ Mbulum a, dite gà mburma tə sər dər ka, ndzəɗa *Kiristi na a ndze a i təv ga ya.

2 Kurintiya 2:16

A gà na Mbulum a mbele a à ter a ya ka, wirdè ata a ze aà ter a hwaŋŋà lele, ta gis a bazlam mər, dite ta ŋget a dər mesife ana à ndìv a tsa aà biybiy a. Ama gà na ti dzeye a ya ka, wirdè ata a zehe aà ter a ka, sìwìkìkìkke biy mimete dər mbaŋa. Dite kinehe ana, weke na a sle a aà megemir ata ya?

2 Kurintiya 4:7

Mər ka, ndzəɗa mər a riŋ tsa. Mì ne ka, kamala mesigire dwaɗwa ana mbùrùf a keɗe a bise ya. Ama kəla ka, Mbulum aka tike ŋgwal dukw ata a gəzləŋ mər. Aɗaba a sasar gà mburma tə sər dər ndzer, ndzəɗa ana a za duwa tserdze biy megemir Mbulum a, a dara ka, i təv ŋgar a, tsəka, a dara i təv mər a tsa.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

2 TIMUTE 2:2

Bazlam ana akahər ata kà tsarakawa i təv ga ya, ika miɗ gà mburma hinne ya ka, mà dər a gà mburma ana tar gà ɓəzla ndzer ŋa ya, dite ka, tar ti sle aà mimè a dər a gà mìsle ŋgiɗ mbaŋa ya.

YAKUBA 1:17

Aɗaba gà dukw ana gà ŋgwal ŋa lele ndzer a ka, a dere a ka, i təv Mbulum i gər ŋa ya. Na a vile a gà dukw ata masakəŋa ya ka, Mbulum, mala mege gà dukw ana tì div a dzaydzay, tar riŋ madzàvà ŋa aà gəza mbulum a. Mbulum ka, à mbìɗ a à ba ŋgiɗ tsa. Luvuŋ a riŋ i təv ŋgar tsa. Ŋgat ka, kamala pat ana à dìɗiŋa, dite sìsiye à mbìɗ a aba ya tsa asa mbaŋa.